زوجي وهدم حياتنا

السلام عليكم
رح اطرح مشكلتي عليكن واتمنى الاقي حل لها
انا لي متزوجه اربع سنين ونص وعندي ولد عمره عشر شهور. بشهر سته سافرت على بلدي مع ابني مده شهرين ورجعت بنص 8 من رجعت ع امريكا وزوجي متغير هاملني كثير . بالصدفه اكتشفت انه حاط معلوماته بمواقع تعارف وانه يراسل وحده بالاميل لكن ما اعرف التفاصيل من شكيت بالموضوع حطيت برنامج يكشف اي موقع يندخل عليه واي حرف ينكتب يتسجل . ضبطت اعصابي لاني كنت مستحيل اشك بزوجي كونه متدين على درجه كبيره جدا جدا جدا. بس هالبرنامج كشف لي اشياء كثيره . زوجي عرف اني اشك فيه فخاف وعمل ايميل جديد نقل عليه كل مراسلاته مع البنت عشان لو فاتحته بالموضوع يقول تفضلي ماعندي شي. زوجي دكتور ومن وقت اخذته وهو يتاخر بالشغل ولا بعمري علقت وحياتنا كانت هايه لانه هالساعه ولا الساعتين اللي اشوفه فيهن يادوب يعرف شو عملت اليوم ويجلس ع الكمبيوتر فماكان في مشاكل بحياتنا. بس الفتره اللي فاتت صار انسان ثاني اهماله زاد وصار يعلق ع اي شي حتى لو لبست له يقول لي كبري عقلك حنا كبرنا ع هيك شغلات ع الرغم انا عمري 24 . بيوم من الايام سهر لوحده حتى صلاه الفجر وطول هذا الوقت وهو ع الشات تبع الياهو يتكلم عن الجنس ويبحث عن بنات بمنطقتنا ولمن يعرف وحده هنا يقول لها لو تحبي اجي لعندك هلاء وزي مني عايزه فلوس بعطيكي وكلام يخلي الواحد يشماز من حاله..
لمن طلع الصبح هو صلى قدامي وراح نام وانا فتحت البرنامج وشفت كل شي كان يشتغله طول الليل ولا قلت شي لاني بدي الاقي شغلات اكثر واكثر. لكن وقت صحي من النوم جلسنا نتكلم ليش حياتنا منقلبه وقلت له اه انا ماتغيرت انت اللي تغيرت وانت تدور بنات للتعارف وتكلم بنت صار يقول انه هالبنت طلبت تتعرف وهو هداها لاسلام وطلبت فلوس وماعاد حاكاها وصار يقول حرام عليكي يفلانه انا من النوع اللي ينضر للحرام انا بخاف الله انا انا انا وهو من قبل ثلاث او اربع ساعات سهران طول الليل على الخلاعات وطبعا من وقت صارحته تعدل معي شوي لانه عرف اني عرفت وصار يسايرني . لقييت كلمة السر تبع الاميل الجديد اللي ع اساس انا ما اعرفه عن طريق البرنامج ودخلت لقيته عامل بلاوي
البنت من روسيا يادوب بعثت له ايميلين لنو يقول لها تتجوزيني؟ وهي تقله البارحه رحت على الكزنو مع صحابي وهو يرد عليها يقول لها مارديتي على جوابي بتوفقي تتجوزي واحد متجوز . وطلب منها تيجي امريكا وقال لها ابيتكفل بكل مصاريفها وطيرانها وكل شي. والاخ يخرج من الصبح يصلي الصبح ويروح الشغل يجلس على الكمبيوتر يبحث عن بنات ليتعرف عليهن ومن يومين اتعرف ع وحده سالته اسئله
بعث لها اميل قال لها انا انسان صادق ومابحب اخون زوجتي بس انا مو مرتاح معها ومافني اتركها هلاء لانوا بينا ولد والطريقه اللي تربيت عليها تفرض علي اني اربي ابني بس بكرا رح اتركها وانا هلاء من حقي اعيش حياتي وحكا كلام كثير بصراحه انصدمت وقت شفت كلامه.
انسان قاتل نفسه عشان زوجته تحمل مره ثانيه بيكون مو مرتاح معها؟
انسان قاتل نفسه ليجيب بيبي ثاني وبنفس الوقت يبي يتخلص من زوجته وهالبيبي رح يوقف بطريقه ليش ليذبح نفسه؟
انسان يكلم زوجته من العمل يقول لها بحبك هذا مو مرتاح معها؟
ابنا طول اليوم وهوا ماعنده غير بابابابابابابابابابابا ويسمعه وقت يتصل وقلبه مارق وقال خلني اروح بس اخلص شغل
يخلص شغله ع الاربع ونص تقريبا ويجلس ثلاث ساعات يبحث عن بنات والصبح يخرج بكير ويجلس ساعه كمان يبحث عن بنات والحين يدور على غرفه عشان لو تعرف ع اي حد يحطها فيها. انا طول النهار بالبيت وانتضره وروحي تطلع وابنه ماغير بابا وهو مو معنا؟؟
انا للحين مافاتحته مرا ثانيه بالمعلومات الجديده اللي عرفتها ومش عارفه كيف بدي افاتحه لانه لو عرف اني حاطه برنامج رح يبطل يدخل من البيت وماعاد اعرف شي.
وانا نفسي طابت منوا وماعاد بدي اياه لانه انسان متدين لدرجه كبيره وكل الناس تشهد له بالدين والاخق ويطلع كذا؟
مابدي اي وحده تقول لي هذا غلطك انك سافتري وتركيه لازم سافتروا سوا لانه زوجي مايقدر ينزل بلدنا نهائيا نهائيا لانه كان من جماعه اسلامه وانمسكوا بعض اصحابه فهو خايف ينزل ويمسكوه وانا ماعرفت هالشي الا بعد ماكنت متملكين لمده سنتين.
لو انا مقصره معاه بشي كنت قلت انا مقصره لكن بلسانه قالي انتي متغيره من رجعتي من بلدنا كيف متغيره يقول لي صرتي تهتمي بلبسك اكثر بشعرك بوزنك ع الرغم هذا الشي من زمان انا عندي . ومزعوج من هالشي اني بهتم بنفسي.
بيته نضيف ابنه نضيف انا الحمد لله شكلي حلو من غير ما ادخل بالوصف. مش من النوعيات اللي بنكد عليه حياته حتى هالكلام بشهادة والدته جت زارتنا ثلاث اشهر وبنفسها قالت انا عندي سبع اولاد لكن مافي غير فلان مجوز صحيح منهم. ع قد ما انا مهنيته بحياته... ابو زوجي يتعامل مع سلفاتي برسميه ع الرغم انهن لهن سنين وعاشن بنفس بيتهم فتره لكن انا وقت يجلس معي يضحك ويمزح ويحن علي ويشوف شو اللي احبه ويجيبه لي ومايرضى اي انسان يمسني بكلمه لاني والله اللي خلقني حنونه عليهم وبحبهم من كل قلبي ومابناديهم غير يما ويابا وامه بنفسه قالت قدام الكل انها بتحبني اكثر وحده ع قد ما انا حنونه عليهم وع ابنهم .
انا يابنات مصدومه بشكل كبير بعمري ماكنت انوضع بهيك موضع لانه جوزي انسان متدين كثير ويخاف ربه . من يوم عرفته وهو يصلي الفجر بالمسجد والعشا بالمسجد ولو جا قبل المغرب يصلي بالمسجد وايام العطل يصلي كل الفروض بالمسجد. واللي يحرقلي اعصابي انه وقت يرجع من الشغل يجلس ع مواقع الاسلام وكل كلامه بالبيت كيف الواحد يتقي الله ويحثني ع كثرة الصلاة وقراة القران ويعلق ع لبسي هذا ضيق هذا قصير هذا مدري شو...
هالانسان هذا الو معزة كبيره بقلبي والله ع الرغم من اللي عرفته وانا اقول الله يسيرلك ومابدي اخبر لا امو ولا ابوه لانوا مش ناقصهم وهما كبار بالسن بخاف يصير عليهم شي لانه زوجي بنضرهم انسان كبير..
مش عارفه كيف افاتح هالانسان بالموضوع لانه مش قادره اتصور نفسي وانا بعطيه الادله وانا بكلمه. مش حابه اشوفه بصورة الانسان الذليل لانه صورته عندي انسان جميل وحابه هالصورة تفضل حتى لو تركته مهما كان كان بينا عشره وبينا ابن .
انا صرلي شهرين بتعذب وكل يوم عم بكتشف شغلات العن من اليوم اللي قبله وخايفه اكتشف شي جديد يقضي علي.
وحتى من الشغلات اللي اكتشفنا زوجي من اول زواجنا وهو يبحث بس انا من كثر ماني مغفله وواثقه فيه ماكنت شايف ولو ماعرفت بالصدفه كنت لحد هلاء مو عارفه.

يابنات انا معي الجنسيه الامريكه وانا قدمت لزوجي ع اوراق والحين هو معاه الجنسيه وجاي ع حسابه لافي ملحقيه ولا غيره . وانا مش خايفه انه يتزوج لاني واثقه وزارعه هالشي براسي انه الشرع حلل اربعه بس خدعه لي طول هالسنين اعماله . انا خايفه ع نفسي منوا . احيان بقول هذا مجنون ولا شي لانه يكون يطلع ع اشياء اباحيه وبعد شوي يقوم يصلي . بس هالانسان لا مش مجنون هذا اصحى شخص بالعالم.

شو اعمل؟ كيف اتصرف؟
بعتذر ع طول الموضوع بس حبيت اوضح نقاط ولو في اي استفسار انا جاهزه