السلام عليكم
اخباركم خواتي
انا بصراحه متضايقه حييييييل ومن جيت اكتب مشكلتي نزلت دمعتي حسيت انه لي احد بيسمعني اتمنى الرد لو بدعوه ولكم مثلها يااارب
انا بقص لكم حياتي باختصار
انا تزوجت رجل متزوج ( لحد يقولي ليش تزوجتي هذا نصيبي والنصيب مكتوب على الجبين )
المهم انا رضيت بهالشي والحمدلله ويعلم الله انه مافيني عيب الحمدلله كامله والكامل وجهه الله جمال وعقل
انا بعد 4 سنوات انفجرت ماقدرت انسى الماضي اول ماتزوجت ماعشت زي اي عروس رغم انه سنتين وهو يحاول بابوي عشان يتزوجني انا زي اي بنت تبي شهر عسل ورمنسيات طبعا اول ماتزوجت جلس معي 3 ايام وبعدها سافر عند عياله وتركني وانا عروس اسكت وحطيت بقلبي ... بعدها يجي عندي بيومي طبعا الظهر ينام ويصحى مع الاذان ويروح لبيته الثاني ولا اشوفه الا بعد صلاه العشاء هذا حالي لمده اربع سنوات
دايم يقول لي عيالي هناك محتاجيني والان عندي منه بنت وولد ولا فكر يغير من وضعه عشانهم
تعبت نفسيتي خلاص ماعدت اتحمل زي قبل الى درجه انه يمنعني اروح لعزايم اهله عشان زوجته ويقول هي الكبيره طيب اجمعنا جميع انا ماعندي مشكله قال لا طيب انا زوجتك زيها وام لعيالك طبعا لا
لما اطلب منه شي فيه انه يجيبه وفيه لا اما هي اذا طلبت تحت امره السواق يجيب لها تحت الخدمه واذا قلت له خل السواق يجيبه قال لا انا متى مافضيت جبته
طيب والحل ؟؟؟؟؟؟
انا مليت الان وصلت لمرحله اني اتطلق وارجع لاهلي معززه مكرمه
زوجي تغير علي بعد وفاة ابوي بدا يلني الطلعه للعزايم وكل طلعه من شهر لشهر لازم اترجاااااه لين يوم العزيمه اروح او لا لييييييييييييييش المذله عشاني يتيمه ماعندي احد يوقف معي
حتى اخوي الكبير تركنا وراااااااااح انا عايشه فبيت اهلي ملكه اتزوج واحد كبير يهينني ويذلني بعد وفاه ابوي ومشاكلنا مع اخوي
البيت اللي انا فيه مو معتبره بيت زي الاول يعزم فيه ويجلس هناك يرتبه لا اللي انا فيه نص انواره خربانه ويقول بمزاجي اسويهن ليييش طيب انا عايشه فيه يقول هذا بيتي اسوي فيه زي ماابي
بالعربي زوجته مدرسه وانا طاااااااالبه عشان كذا مايشوفني شي
حتى بالفراش يقول زوجتي الاول احسن منك انا مااستمتع معك وهو اصلا ضعف فيه فيه سكر وعنده ضعف وراح يكشف قاله الدكتور كذا قال لا انا مع زوجتي الاول احسن يكذب علي ويجرحني حتى بانوثتي ليش اتحمل ليش ؟؟؟؟
رغم انه دايم يقولي انا احبك وابيك مع ذلك طلقني ليش اتهاوش معاه عشان يتقهوى معي مرره وحده بالاسبوع .. بالله هذا عاقل ..؟؟؟؟؟
قولولي وش اسوي اروح لهلي والا فيه حل ثاني تكفوون ابي حل
ام ريان99 @am_ryan99_1
عضوة نشيطة
يلزم عليك تسجيل الدخول أولًا لكتابة تعليق.
اللماسه
•
بعد قلبي الله يسخر لك زوجك يارب
االله بسخره لگ يارب ادعي بالسجود و?لميه عن العدل وعقاب اللي مايعدل وذگريه بذا الموضوع داپما لان الانسان نساي وحببيه بالجلسه بالبيت وپالرفق واللين يچي معگ لگن بالزن والازعاچ الرجال يگره ?ذا والله يهدپه لگ
والله طفشت مليت وصلت لدرجه اني كرهت اقوله اجلس خلاص حتى عياله مايعطيهم وجهه زي عياله الثانين
حسبي الله ونعم الوكيل
حسبي الله ونعم الوكيل
الله يفرج همك عزيزتي
اجلسي معاه وقولليله دامك ماتبي تعدل ليش تزوجت ثانية
ودامها أحسن مني بكل شي حتى بالفراش ليش تزوجت عليها
تكلمي معاه واطلبي يعدل بينكم
حاولي تفهمي ليش كذا يتصرف
اجلسي معاه وقولليله دامك ماتبي تعدل ليش تزوجت ثانية
ودامها أحسن مني بكل شي حتى بالفراش ليش تزوجت عليها
تكلمي معاه واطلبي يعدل بينكم
حاولي تفهمي ليش كذا يتصرف
فرررحً
•
حسبي الله على الي يتزوج لمجرد الزواج
لايعدل بين زوجاته ولا بين عياله
الله يفرج همك
أستغفرالله وأتوب إليه أستغفر الله العظيم
لايعدل بين زوجاته ولا بين عياله
الله يفرج همك
أستغفرالله وأتوب إليه أستغفر الله العظيم
الصفحة الأخيرة