- السلام عليكم
فيه شي مضايقني مِن زوجي
وحاولت وحاولت اقنعه فيه مو راضي
وصارت مشاكل عليها وحتى كلمت اخته الكبيرة ووافقتني الراي بس هو عنيد مايقبل بالحلول الوسط ..
انا مِن اول ما تزوجت عندي دراسة بالجامعة كل يوم تقريبا ..
وبعض الايام ارجع بدري على الساعة وحدة ونص اهل زوجي يتغدو ،، فكنت اتغدى معاهم ،، وزوجة حماي بعد كانت تنزل تتغدى لانها ما تحب وولا تعرف للطبخ
ومع الوقت صارت مشااكل مع بعض اخوات زوجي انّ مو عاجبهم وسمعتهم يتكلمو علي عند ام زوجي إني سويتها خدامة عندي تطبخ كل يوم
وهي مارضت ؏ كلامهم وسكتتهم لاني اساعدها اسوي السلطة واشيل السفرة واغسل الصحون وحمواتي جالسات اصلاً .. وصارو اخوان زوجي يتهاوشو مع خواتهم يقولو لهم قومو ساعدو زوجات اخوانكم
المهم انا ما احب الجدال ولا احب اسوي مشاكل فابتعدت بسكات وحاولت اطبخ كل يوم ارجع فيه بدري من الجامعة لزوجي الغدا ،، بس حمواتي ما عجبهم وكلموني وكلمو زوجي إني مغيره اخوهم عليهم وصار ما يتغدى معهم مثل اول !
وزوجي رجع يتغدى معاهم كل يوم كل يوم
وانا مو مرتاحه لهالوضع
واقترحت عليه نقسم الاسبوع ثلاث ايام اطبخ وثلاث ايام يجيب غدا مِن برا ويوم الجمعة نتغدى انا وياه مع اهله لانه اليوم اللي يتجمعو فيه كلهم ..
بس مو راضي!
اولا يقول يبي يتغدى مع امه وانها تتضايق اذا ما شافت اولادها حولها ؏ الغدا .. واذا إني جوعانه اروح اتغدى معاهم!
ثانيا هو يبي يتغدى بدري مايبي ينتظرني اخلص طبخ مع إني سررريعة بنص ساعة اخلص عشان كل يوووم الساعة ثلاث إلاّ ربع العصر يطلع مِن البيت للدوام وهو يبي يريح شوي عن الخمول بعد الاكل
الشي الاكبر اللي مضايقني الحين
انّ ام زوجي صارت ترفض تتغدى هي ومرت حماي لحالهم بالصالة و اخوان زوجي بالمجلس ، تبي تكون مع عيالها وتخلي مرت حماي معاهم ؏ سفرة وحده وتعتبر هالشي عادي خصوصا انّ زوجها موجود معهم
واذا انا قررت اتغدى معهم حطو سفرتين وحده بالصالة والثانية بالمجلس للرجال
وقالوو زحمة ماتكفي سفرة وحدة
الحين بس اناا اللي مسويه زحمممة لهم !
وانا هالشي قااااهرني وقلت لزوجي
ترا مرت حماي تشوفك وتسمع سواليفك اكثر مني!!
واحيانا هي تطبخ بدل ام زوجي ؏ اساس تريحها يوم .. وساعات يضبط وساعات لأ وتجي تقول لي وش تعليقات زوجي ؏ اكلها
قلت لِـه ترا انت كوجبة غدا تاكل مِن يدها اكثر مني .. وهالشي مااااله داعي
مرت حماي هذي انا قريبة منها مره مافيها حركات ماصخة بس حتى ولو انااااا اولى بوقته واولى اهتم فيه واطبخ لِـه ونشارك وقتنا سووا
وش الحل يا بنات عييا يقتنع
بغداك عندهم اكلي زوجك من غداك
ادخلي مطبخهم وحطي معهم الاكل
واهم شي غداك اكلي زوجك منه
فشله ياكل من عندهم وانتي لا
طبعا الغداء اللي تسوينه على
قدك انتي وزوجك اذا بتزودي
كيفك ؟؟؟
او حضريه بمطبخك بالصحن وانزلي واعطي زوجك غداك وهذا الافضل تروحي جاهزه
وروحي شاركيهم الغداء
واذا انتي ماتبغي تاكلي معهم لا ينزل الا
الصحن وراه ع طول
مافهمت زوجه اخوه تجلس معهم على
نفس السفره؟؟؟ اذا ايه الله يعينك
انزلي كل يوم انتبهي زوجك لا تزوغ
عينه وهو يشوف زوجة اخوه ع طول