زوجي ووحدة متزوجة تدمرت حياتي ساعدوني / اخذ حقه

كتير تعبانة
مجوزي كان أغلى شي بحياتي كان كل شي حلو
كان آدمي و بحياته ما تطلع على غيري كان يحبني كتير و اذا بيوم قلتله طلقني كان يعصب و يقلي بحياتكً ما تعيدي هالكلمة
بس بعدين أتعرف عوحدة متزوجة قلها انه معجب فيها كانت زيونة عندو بالمحل و صار يحاكيها عالفيس
قلتله يحذفها تخانقنا و طلقني مرتين و ضربني
و بعدها رجع لعقله و الله هداه و رجع اعتذر مني و انا سامحته لانه عندي ولدين صغار عمرهن سنه و سنتين
و لأني بحبه كتير
انا ما عم اقدر أنسى الجرح مو جرح الخيانة جرح انه كان سهل عليه يبيعني و يرميني بعد صبر الدنيا كله صحيح هو رجعلي. بس انا صرت فاقدة كبريائي و كرامتي قدّامه
لاني لما كان يطلقني كنت أترجاه يرجعني عشان ما حدا بستحمل ولادي الصغار و شقاوتهم
حاسه حالي ما الي قيمة و لا اي فائدة
و صرنا عند اي مشكله يجيب سيرة الفراق
و اذا حاولت بيوم اتقل عليه لأرجع شوي من كرامتي بلاقيه تخلى عني مع انه هو بضل يحلف انه بحبني بس هو تعب لاني ما عم اقدر أنسى اللي عمله فيني و اني نفسيتي معه تغيرت كتير ما عاد فيني اضحكله زي قبل
ساعدوني منشان الله بدي ارجع لحياتي بدي ارجع زي قبل
انا بحبه كتير بس كرهانة حالي فقدت ثقتي بحالي
بضل أفكر انه عشان وحدة متزوجة طلقني مرتين
ما عاد في أمان
زوجي بعد ما ترك هالمراة. المتزوجة. كل شي خرب بحياته
خسر شغله و انا صبرت و متحمله و عم ندبر امورنا كيف ما كان
و الحمد لله بضل أقول وضعنا احسن من غيرنا بكتير
انا عم اشوف انه هو لسه بيعمل حركات من ورا ضهري ليتابعها
و يشوف أخبارها.
مثلا بلاقيه معلق عند حدا من رفيقاتها كل فترة و التانية
و من فترة قريبة شفته عامل حساب تاني و عاملها اعجابات و هي المرأة
بعتتلي رسالة عالمسنجر انه هي شاكة هالزلمة يكون زوجي بس انا بهدلتها
وخانقتها و قلتلها انه هي برات حسابات زوجي ابدا و عملتلها حظر
ووقتها واجهته و هو أنكر انه حسابه مع اني متاكدة انه هو
هلا هو عم يمرق بظرف صحي صعب شوي و انا و الله قلبي عليه و كتير بزعل عليه لما يمرض
و هو شايفني كيف عم اهتم فيه و بولادي الصغار و ببيتي
اجا مبارح بالليل صار يبوس أيدي و يقلي شكرًا حبيبتي انا عم صدق تكوني منيحة معي هيك رغم كل شي عملته فيكي
خاصه انه فعلا من كتر الشغل و الضغط اللي علي مبارح نسيت اكل
لاني عم اجهزله اله وجبات خاصه فيه واولادي كل واحد اكل حسب عمرو و عم أنسى حالي
النوم طبعا ما في نوم بالنهار لجوزي و بفيق بكيييير لما يفيقو الصغار و بالليل ما بنام عشان البنت
لسه ما انتظم نومها
بقول و الله كل شي بهون بس اهم شي ألاقي نتيجة تعبي ما يرجع يجرحني مرة تانية
بتذكر مرة عملتله سهرة حلوة كتيير و جهزت شموع و وورد و هدية حلوة لفيت السوق لاقيتله اياها
لانه كان بدو اياها و لبست احلى لَبْس عندي
تخيلو وقتها ضَل ساكت و تطلع علي بقرف من فوق لتحت مع اني الحمد لله جميله
بس وقتها كان يحاكي هديك المرة دون ما اعرف
و كتير مواقف صعبة علي انساها
مثلا هديك البنت صاحبتني عالمسنجر و صرنا رفقا قبل ما اعرف القصه
و بحكم انها ساكنة بنفس منطقه المطعم اللي بشتغل في جوزي
رحنا نأكل انا و اياها هناك وقتها حط أغنية حب و غزل و بتطلع فينا
و انا اضحك مفكرة انه حاططها الي . ووقتها قال بحبك كمان فكرتها الي
هالموقف حسّيت حالي سخييييفة كيف اضحكله و هو عم يحكيلها الها
وقت كشفته البنت هديك صارت تحط كل الحق عليه انه هو عم يلاحقها
بس هلا كل هي كيف حياتنا بدها ترجع زي قبل و انا عرفه انه عم يلعب من وراي
بس بضل بقول عشان ولادي ما عاد بدي نتخانق قدامهم