زوجي وولدي المعاق والمدرسه ابي حل تكفون قبل بدايه المدارس

السلام عليكم
حبيباتي بأعرض لكم مشكلتي وياليت القى الحل عندكم
انا عندي طفل احتياجات خاصه يمشي ويروح ويجي بس فهمه على قده الله يشفيه يارب
ومايتكلم بس ممكن يردد الكلمه ومو عارف معناتها
المهم انه المفروض هالسنه يدخل المدرسه صف اول مو تمهيدي
المدارس الحكوميه مافيه احد استقبله كلهم شروطهم ماتنطبق عليه
انا ابغى ادخله مدرسه تاهليه
يعلمونه يعتمد على نفسه وكيف ياكل والحمام الله يعزكم وكيف يلبس يعني امور الحياة
المشكه ان المدرسه غاليه واحنا على قد حالنا بس من هنا ومن هنا بيسرها ربي نضغط على انفسنا شوي وبأدخل الولد

العام كنا بشقه وطلعنا لبيت اكبر واغلى قلت لزوجي لاتاخذ اغلى احسب حسابك بدرس الولد السنه الجايه
قالي ولايهمك
الحين عنده سيارتين صح كلهم على قد حالهم بس يقدر يستغني عن وحده والولد يجيه فلوس من الضمان
والحين زوجي رافض يدرس الولد يقول انتي مو متزوجه وزير
من وين ادفع كل هالمبلغ وهو ماراح يستفيد
انا عارفه مو كله بخل بالعكس هو يصرف علينا بالهبل بس مدري وش قصته مع الدراسه
وبعد ما الحيت اليوم عليه وعدت وزدت في الكلام قالي انتي مو هامك الولد ومصلحته انتي تبين تتخلصين منه
ماتتخيلون اش كثر طعنتني هالكلمه انا اللي اتنومت معاه شهور بالشهور في المستشفى انا اللي رايحه جايه معاه من علاج طبيعي لمراكز طبيه لمستشفيات ومراجعات والحين انا ابي اتخلص من ولدي

والمدرسه هذي مو داخليه عشان يقول بالعكس الساعه 12 الظهر راجع
والله من قال هالكلمه انعقد لساني وماعاد كلمته
الحين المدرسه عالابواب ومابي ولدي تروح عليه هالسنه زي العام راحت حياته وهو ماتعلم شي
مابيه يصير عاله على احد
عمره 7 وماتعلم الحمام حاولت معاه بكل الطرق بس مانفع معه
يعني اكيد يبي احد متخصص يعلمه

ولدي الحمد لله عنده نسبة ذكاء يعني بيتعلم ان شاء الله
والله ضاقت فيني الوسيعه
كيف اقنع زوجي يدرس ولدي

الله يسخره يارب
المشكله لو اجلس اقنع فيه يقول انا قلت اللي عندي ولاتجادليني



المدرسه الحكوميه اللي اقصدها خاصه بذوي الاحتاجات الخاصه بس تكون مجانيه مو تعليم عام بس شروطهم مررره صعبه
والمدرسه الخاصه اللي ابي ادخله فيها مو تعليميه لا بس تأهيليه يتعلم امور الحياه مو حروف واراقم واشياء زي كذا
الحين ابيهيعتمد على نفسه بس
الله يهديك يازوجي الغالي كسرت ظهري بكلمتك


اي وبعد يقول يبغى يعالجه بالابر الصينيه اول قبل لايدرسه
اناقلت مافيه تعارض مع الدراسه والعلاج ينفعون مع بعض
من جربت او تعرف احد تعالج بالابر الصينيه ممكن تفيدني