زوجي وولدي والاثاث ويا قلب لاتحزن

السلام عليكم 
صباح الخير 
اللهم صل علئ محمد  
امس قاعدين نتقهوئ انا وزوجي الا شوي ويناظر درج التلفزيون  
ويتطاير الشرار من عيونه من سوئ بالدرج كذا قلت ليش وش به 
قال الاثر الي علئ الدرج قلت مدري قال الا اكيد هذا ولدك الي يركب عليه قلت اي تذكرت هو يبي كورتوه اختوه حطت الكوره فوق الدرج قال ليش يركب عليه انتي اكيد قايله له اركب ﻷجل ينكسر واشتري لك غيره علما بأن الدرج من ايام الجاهليه من عهد زوجتوه الاولئ قبل كم سنه وقديم حيل ومكسرينوه عيالوه اول وولدي مره ضعيف حيل وركب خذا الكوره   ونزل بسرعه ولا انكسر شئ انا سكتت اي وغد ومايعرف قال انتي وانتي وانتي انا سكتت ابيه يهدأ هو معاه الظغط واي شئ تافهه ينرفزوه المهم سكتت وعديت اليوم علئ خير علما بأن البيت اثاثه قديم حيل مااثث لي ولا حاجه كله من عهد زوجتوه حتئ الصاله فاااضيه ولا فيها ولا حاجه كل هذا وانا صابره غيري مايصبر 

انا صبوره حيل قلت ماابي اظغط عليه لكن هو قاعد يظغط علي بولدي هو ولدي من طليقي ﻷجل كذا تحسست ماابي ولا مخلوق يناظر له بغضب 
اه اه لو انوه ابوه والله مايقول كذا اي زله خفيفه يستقعد لنا 

حسبي الله فيك ياطليقي انت وزوجتك حرمتوني الامان حرمتوا عيالي يعيشون بأمان في سكن لهم عايشين وكأنهم ضيوف عند هالرجال انا اموت الف موته ولا اشوف لحظه ذل من احد علئ عيالي اه اه اه لو  لي سكن خاص لنا كان ماتزوجت وتبهذلت  
حسبي الله ونعم الوكيل 
والله اني ماشوف الشاشه من الدموع اعذرني اذا فيه لخبطه 
من امس ماوقفت الدمعه من عيني