زوجي و الجن

السلام عليكم
زوجي عنده اهتمامات غريبة عجيبة
يقرا كتب عن الجن والعالم السفلي
فالبداية كان مهتم بسوالف الجن والجن وعالمهم ويشتري كتب عن الجن ويقراها
كل يوم والثاني جايب كتاب غريب عجيب اسمه وعنوانة ولا ادري من وين يجيبهم
واستمر يقرا كتب الجن

صار زوجي يتعب فترة ويقوم ما كنت ادري وش السبب
بدت تطلع عليه تصرفات غريبة ومرعبة
صار يعرف اشياء تصير حوله مدري كيف

تطورت حالته صار كل سنة لازم يمرض شهرين معينين فيها 💔ما يجي هالشهر الا هو واللي بعدة مريض فيهم

كلمته نصحته ووعدني انه بيتركها وفعلا تركها

انا كل يوم اسوي له عصير في الليل مره كنت مسوية له العصير وحاطة فيه حبة منوم عشان ينام يرتااح ما يقدر ينام من اللي فيه 💔
حطيته قدامه قالي وش اللي حاطته فالعصير ؟ شيليه

وانا متااكدة مليون بالمية انه ماشافني وانا اسوي العصير اصلا انا في مكان وهو في مكان ثاني
قلت له منوم عشان ترتاح اقتنع وشرب العصير

زوجي تغير صاير يجلس مع نفسه كثير واحيانا اسمعه يتكلم بصوت عالي مع انه لحاله وقافل الباب عليه

يسولف لي كل مايرجع من المجلس يقول طول الجلسة وانا اكتشف اشياء عنهم صوت في عقلي يقول لي
والاشياء صح طبعا
يقول احس انهم منتبهين لي وهو كبير وله هيبتة في القبيلة 💔

كل هذا وذاك اليوم قالي ترا انا قريت
مدري وش اسوي الزعل بنفسة مايكفي ولا يغير شيء 😔💔