زوجي و الحمل و الأولاد

مساء الخير يا حوائيات
أنا عضوة يديدة معاكم بالمنتدى مع ان صار لي اكثر من سنه متابعة مواضيعكم بهالقسم خصوصا بشكل يومي :smile::smheart:
و انا حابة اعرض مشكلتي واتمنى حل يريحني :(

حبيباتي انا متزوجه وعندي 4 اولاد الفرق بينهم سنه الى سنه ونص ما شاء الله ..الله يحفظهم لي
مشكلتي ان زوجي مو مقتنع و يبيني احمل لأن يبي بنت
انا حاليا ادرس بكالريوس و اشتغل و كنت حاطه في بالي ان 4 كفااااايه ..نعمه والحمد لله
بس زوجي مصصصصصصر لدرجة ان يهددني بيتزوج بنت خاله اللي اكبر منه بثلاث سنوات و هي مطلقه بس حتى تجيب له عيال
اعرف انكم بتقولون لي شنو تنطرين .. بس زوجي انا اعرف له في البداية كنا متفقين على ولدين بعدين سوا حركات ويهددني و حملت بالثالث و كان يتمنى بنت بس الله ما كتب لدرجة ان لما قلت له الدكتوره قالت لي ولد زعل و صار ما يكلمني لمدة يومين و بس معصب و صار مو مهم عنده اي شي يصير لي مع انه قبلها كان يخاف علي من النمله _ على امل اني اكون حامل ببنت يعني .. و بعدها اصر ان احمل و هاي بيكون اخر مره نحاول فيها و ترى انا ما خليت و لا برنامج ولا نظام غذائي لإنجاب الإناث الا سويته بالحررررررف بس إرادة الله فوق كل شي و هم حملت بولد و نفس القصه .. حسيت اني حاملة جريمه او غلطه بسبب حركاته و حتى ان تمكن مني الشيطان وقلت له خلاص راح اسقط اللي ببطني مدام انت ما تبيه ولا لك خاطر فيه بس اختي هاوشتني و تعوذت من الشيطان وهو ولا مفتكر يعني عادي عنده !!!!
و الحين يا بنات انا لو وافقت و حملت بتم خايفه ان يكون حملي بولد و بعد ما اتحمل التعب النفسي اللي يسببه لي طول فترة الحمل و النفاس من لوم و اهمال و عقاب و كأن الشي بيدي انا !!
و للامانه زوجي طيب و حنوووووون مع عياله وما يقصر عليهم بأي شي بالعكس يلبي حاجتهم لو وين ما كانت و لو شنو كان سعرها و يتابع دراستهم والحمد لله كلهم متفوقين و الكل يحبهم بس لمتى بتم احاول واحاول و انا متى بيصير الوقت اللي افضى فيه من الحمال و التربيه و اتفرغ لنفسي ودراستس اللي كل مره اأجلها .. انا مو عارفه شنو اسوي ولا شنو اقوله حتى يرحمني من هالموضوع :(