زوجي و السفر

السلام عليكم

الله يعينك عزيزتي في مشكلتك ، بس هي مو عويصه يعني ان شاءالله تقدرين تحلينها وبتقدرين لو اصريتي بنفسك بدون حتى مساعدة اهلك

كل اللي عليك تسوينه انك تستخدمين الذكاء والحيله عشان تحافظين على بيتك وزوجك

فيه عدة حلول وكلها وهميه اقصد تقول لزوجك حكي مو صحيح مو تكذبين لا بس تشوفين ايش يسوي ويفكر هو كمان بسفراته اللي ماله اي داعي

مثل ايش طبعا :

1. قولي له اني بسافر وروحي معاه مره ومرتين يعني كل مره تقدرين تسافرين معاه سافري لا تتركينه عشان هو يصير يتثيقل السفر يعني يصير ثقيل عليه السفر لما يفكر انه بياخذك انتي والعيال وكيف راح يوفر المصروف هناك والسكن وطلبات العيال اللي ماتخلص .

2. لما يسافر لا تتركين بيتك اقعدي في بيتك ، يعني من كلامك انه عندك اكثر من طفل ، ليش تشيلينهم وملابس وشناط وحوسه كثيره ، لا اجلسي في البيت وخلي اعتمادك على الله ثم عليه ، واحتمال يكون احد اسباب سفره انه مطمن انك في بيت اهلك وماراح تحتاجين شئ ، لكن لما تجين وتقولين له انا ماراح اروح بيت اهلي .وبجلس في بيتي وخليه يجيب لكم كل طلباتكم اللي ناقصتكم وبرضوا بيكره هو هالشئ وهالمصاريف الكثيره ،، ومو مشكله لو كثرتي المصاريف عليه
على غير العاده بحجة انه لو انت مسافر ولا سمح الله احتجنا شئ او اودي العيال للمستشفى وحتى الطلبات اللي مالها سنع مثلا حلويات وشيبسات وكذا اطلبيها وقولي انه لما تكون مسافر نسهر ونلعب وتعرف هالاشياء مسليات ..


3. جربي مره تقولين له انا بسافر وعيالي ونطلع برا الديره يعني اي دوله خليجيه قريبه منك بس بلحالك بدون زوجك وقولي له بروح اتسوق او اغير جو او من هالاشياء مع صديقاتي ، قبل مايسافر بإسبوع طبعا هو بيستغرب هالشئ لكن انتي قوليله انه انا احتاج اني اسافر زي ماتسافر انت وماقلت لك بسافر لحالي انا باخذ اولادي وبسافر والديره اللي بروح لها قريبه يعني حاولي تقنعينه باسلوب حلو كأنك فعلا تبين تروحين مو انه تتهاوشين او تقهرينه ، ومو تسافرين صدق بس انتي شوفي ردة فعله ، فهمتي علي لا تحاولين تستفزينه ابدا بالعكس سوي انك فعلا تبين تروحين وتبينه يوافق


شوفي دائما الرجال سبحان الله لما يشوفون الحرمه ناشبه فيهم يعني لاصقه فيهم مايعطونها وجه ولما يشوفونها بايعه يلصقون

انتي سوي له انه عادي عندك يسافر ويقوم بواجباته بس مو بوقاحه لا طبعا ، بس مثلا لما يقول بسافر لا تكبرين السالفه وقولي لأولادك وناسه بنروح ننام عند فلانه ، ووقولي يوووووووووه بنكلم اختي تجي تنام عندنا هي وعيالها
وبنسهر وننبسط وبكره نروح الملاهي والسوق فرصه مادام بابا مو موجود المهم بيني له انك مبسوطه بسفره وانه هو كاتم عليكم انفاسكم مو صدق تمثيل طبعا

شوفي يا اختي من له حيله فليحتال ،، وبعدين على كلامك جربتي كل شئ معاه واهلك ومشاكل وكل هالاشياء

انتي جربي طريقتي ومع الوقت بتشوفين كيف يتغير ،، بس انتبهي تقولين شئ يخليه يعصب عليك يعني اعرفي حدودك وانتي تتكلمين معاه عشان ماتصير مشاكل كبيره ماتقدرين تسيطرين عليها


طولت عليك ،، الله يكون بعونك ،، بانتظار ردك ونشوف النتائج

جزاج الله كل خير الغاليه بس زوجي اول ما بقوله بسافر يعصب و يهاوش و ما يرضى و ثانيا انا اخاف اقعد بالبيت بروحي انا ة العيال والله اخاف و زوجي ما تفرق معاه شي اهم شي و ناسته حسبي الله عليه مفشلني قدام الي يسوا والي ما يسوا

الله يعينك والله ياأختي .. كلام أختي التاجرة الصغيرة ماعليه كلام .. وأزيد عليه بعد الدعاء له .. والاستغفار الدائم .. والله يفرج همك ..

الله يكون بعونك

على فكرة توي رمسته اني بسافر انا و ربيعاتي مع العيال البحرين و قالي لا انا امنعك و المصاريف ترا ما تفرق معاه هو الحمد لله مرتاح ماديا خلاص انا تغبت و كرهته اب حل يخليه يحس انه مقصر معي و يحس بالذنب و اباه بعلم انه ظالمني قدام ربي