ضيفي مثله. وشوفي وش يقول اذا عارض طقيها بوجهه

بالله تغاري من ذي واشكالهن ماخذينهم طقطقه
انتي شوفي التعليقات عليها ع اليوتيوب وعلى غيرها يارب لاتبلانا مدري من الي بيرضى ياخذها وبعدين قولي يحذفها من السناب ولايضيف بنات
عيب عليه متزوج هو ومسوي فيها مراهق

وانتي مجنونه صياح عشان نصره هذي 😦
مثل ماقالت واتساب بنات السناب صايعات وودهم يزيدون خرفانهم باي طريقه
وإذا قال مزه وش يعني !! تفقدين الثقه بنفسك وتاكلي بنفسك لا يا حبيبتي كبري مخك وخليك ارقى من هالأشياء
هذي مجرد طقطقه وضحك على البنات وش مستفيدين منهم غير انشوف ونعلق على اشكالهن !!!
يعني بالعربي طنشي وعيشي معه احلى حياه ولايهمونك هالحثاله زوجك وعندك هي خليها تستعرض بالسناب وتجمع خرفان كود تحصل خروف ياخذها 😄

اما عاد من كل عقلك تغارين من مشهوره !!
ياختي المشاهير كل الناس تتابعهم وتضيفهم مو بس زوجك
فضول يبون يعرفون وش تسوي وتلبس مو بس الرجال حتى البنات يلاحقون المشاهير ويتبعون فضايحهم مو محبة فيهم ولا رغبة في علاقه معهم
وبالنسبه لتعليق زوجك انها مزا حطي نفسك مكانه شفتي واحد حلو وش بتقولين بينك وبين صديقاتك ؟ اقلها بتقولين ماشاء الله حلو وسيم

المشاهير ينطبق عليهم ( شم ولا تذوق ) يعني زوجك يتفرج وينعجب بالجمال لكن مايقدر يوصلها ولا يلمسها كل شي من بعيد لبعيد
لا تكبرين الموضوع خليه يتفرج عليها وعلى غيرها ماتقدرين تمنعينه نظراته له رب يحاسبه عليها
واخره بيمل منها ومن غيرها ومن السناب بكبره وبيحذفه وبيطيح في شي ثاني يشغله ويسليه
ماتسوى دموع وصياح عشان تفرج على مشهوره اجل وش تركتي للخيانه الحقيقيه بتذبحين نفسك ؟!!!
زوجك مو ملاك تبين تغطين عيونه مايشوف بنات


الله يشرح صدرك وييسر امرك ويصلح بينكم

على فكره شفت هذي كاتبه رقمها بالسناب عشان تعرض فيديوات المتابعين يقولون لهفت فلوسهم وتمشى برا الحين مادرت عنهم