يعطيكم العافية على تجاوبكم وحدة وحدة
قريت ردودكم كلها
المشكلة انا لو اقول له روح المستشفى بيعصب ويقول لو اموت ما روح
و مرض الشريان التاجي اعرف انه منتشر خصوصا لدى كبار السن فحبيت اخذ المعلومة منكم
لان اللي صادف عندهم انسداد بيفهمون في الاعراض هذي
لو شي غريب ما بستشيركم
طبعا هو بين فترة و فترة يسوي فحوصات و الاطبا يقول زوجي انهم غير متجاوبين و لا يحبون يوضحون كل شي تقل ملحوقين
تخيلوا قبل سنتين اشتكى من اعراض وسووا له اشعة نووية و قالوا الحمد لله تمام ،، قبل سنة سووا له فحص انزيمات القلب قالوا مستقرة
تخطيط القلب لا يظهر شي جديد
طبعا اول مرة اكتشفوا فيها الانسداد ماكان فيه شي متغير عنده ، لين سووا القسطرة الكشفية
كان بكامل قوووته اللهم الم الصدر
بعد ما طلع من المستشفى صار تجيه دوخة و ضيق تنفس و صار اضعف مادري ليش

خلصنا من القلب جاته مشكلة الراس
له فترة ممكن اكثر من سنة يجيه ألم غريب في الراس. و يقول يحس انه بيفصل او بيفقد وعييه مو قادر يشرح كيف
وتعرض الى ٤ حالات اغماء في العمل
يقول تجيني كثير و امسك نفسي عشان ما طيح
اذا جاته الحالة انا انتبه له تبين في عيونه و تصير مشوشه سبحان الله
اذا كلمناه انا و الاطفال بوقت واحد مايتحمل تجيه
اذا كان بيركز في شي يجيه هالاحساس سبحان الله
الم الراس و فقدان الوعي ماله علاقة بالدوخات اللي صارت بعد العملية لان هذي تجيه في حالة كان جالس ووقف فجأة ،، يعني تصير لي انا بعد ، بس ماجاته الا بعد القسطرة
راح للمستشفى كذا مرة و قالوا له مافيك شي
اعراضه الصحية هذي اثرت جدا على حياته
وطبعا تعرفون اسأل مجرب و لا تسأل طبيب
وان شاء الله القى عندكم اجابة شافية
احيانا فعلا يعجز الاطباء عن تفسير شيء او كشف السبب و تجد الإجابة عند من مرت به هذه الحالة او مرت بأحد قريب منه

قبل البارح جته عصرة شديدة جدا في القلب و قام يشرب موية وخذا ادويته واستمرت معه يمكن دقيقتين ثلاث يقول شيء لا يحتمل
هل معقولة هذي جلطة!!!!!!
اليوم اللي بعده نام العصر وبعد ساعة صحى و جاه يقول جنبه اليسار وذراعه شي زي الطعنة والم شديد
طبعا كل فترة يقول لي جاني الم اول مرة احس به
هل من الممكن هذي جلطات الله يسترررر
بتقولون قولي له المستشفى ،، والله يعصب علي مرة مرة لان تعقد منهم بعد ما سووا له القسطرة . يقول فاجأوني بالدعامة وسط العملية ولا كنت ادري وش هي وشاوره الطبيب وهو في قمة تعبه بالعملية فقال خلاص ركبوها ، و طبعا صارت مشكلة في الدعامة وقعدوا عليه ٣ ساعات و قالوا له بنسوي لك قسطرة ثانية نتأكد من وضعها بعد ثلاث ايام وعطوه ادوية مسيلة قوية لين صار الدم يطلع من انفه وفمه
وسووا له مرة ثانية قسطرة ، فجاني نحفان و ضعيف جسديا ودوخات و ضيق تنفس الى هذا اليوم
بعد ماكان بكامل عافيته قبل لا يدخل عليهم
وعلمه الدكتور بعد العملية ان هذي الدعامة تقعد بشريانه مدى الحياة ولازم ادوية
فهو كرههم جدا جدا ، المستشفى ممتاز ، بس هذا اللي حصل والحمد لله على كل حال

ليش مايبغى يروح المستشفى ؟ كيف متحمل هذا الالم وساكت هذا قلب يااختي ضروري مراجعات واهتمام اذا مو عشانه عشان اطفاله من لهم غيره خوفيه انتي لاتعطيه الامان وتقولي مافيك الا العافيه انتبهي وكلمي ابوة او اخوانه يضغطوا عليه واذا هو مو مطمن للدكاترة هنا يسافر برا يعمل فحوصات والم الراس والدوخه ضروري يعمل اشعه رنين عشان تطمنوا وربنا يشفيه ويعافيه

خليه يروح المستشفى ضروري
مابي اخوفك بس ممكن تكون اعراض ذبحه قلبيه،
انتبهو
والله يشفيه ويطول بعمره ويخليه لكم