صراحه ماعندك سالفه قسم بالله
الرجال يتفرج لوحده ومو قدام عياله
صراحه طفشتو الرجال من البيوت يعني جلس يتفرج ما سوا شي
قمت كبرتي سالفه ترا انتم تخلون الرجال يهج من البيت لا تشوف لا تسوي لا تناظر لا تطالع فيطلعون الاستراحات
ويخربون زياده
عادي نحن عندنا نتفلكس وكل واحد حر يتفرج الي يبغاه طبعا كل واحد عنده تلفزيون مستقل كلنا كبار ما عندنا اطفال بس اذا جو الاطفال حطينا افلام كرتون نختارها نحن ونشيل الريموت فا ما يقدر يغير شي و يكون في صاله قدام الكل
ما بقي لا تربينهكل الرجال في غرف نومهم تلفزيون يتفرج الا يبغاه لانه يميز الصح من الغلط
تتوقعين عيالك اذا كبرو و استقلو ما راح يستكشفون الحياه حتى لو مربيته احسن شي لازم يستكشفون ويقررون هم طريقهم
اليوتيوب وتوتير اكبر خراب من نتفلكس تلقين فيه اشياء ما تخطر على بالك
نصيحه لا تطفشين الرجال تراه مو طفل
خلي تلفزيون في غرفة نومكم ويتفرج براحته
اما الأطفال خلي لهم تلفزيون الصاله او غرفة المعيشه
ليه تسووون من الحبه قبه الوحده اذا تزوجت تفكتر انه مربيه لزوجها كانه عمره ٥ سنوات تبغى تبرمجه من جديد
ترا يقدر يتابع نتفلكس من جواله مو لازم من تلفزيون
من كثر منت دقيقه وناقده كثيره وتكبرين الموضيع بحياتك زوجك يتفرج من وراك عشان يريح راسه من المشاكل
نصيحه اختي خليك قريبه منه ولا تنتقدينه مو عشان تفرج فلم فيه اشياء غلط انه راح يطبقها
ترضين يمنع من شي يشوفه هو غلط وانت تشوفينه عادي
هو ما يحتاج يربيك ولا انت تربينه
كلكم كبار و كل شخص حله مساحة حريه شخصيه

نصيحه احذفوه
نيتفليكس شر شر
بيتك بيمتلي شياطين
وكل يوم بتتمشكلون

نتفليكس مو افلام عاديه
لها انواع
منها ايباحي
وشذوذ
ممكن اذا كثر مشاهدات يصير متبلد مثل بعض العضوات نتفليكس عادي
لا مو عادي
هدفها فساد الناس
الصراحه استغرب اللي حاطينها
لاتقولون احنا نختار احنا كبار
انتو كبار
احذفوها
لانها تدعم الشيطان واعماله

تقدرين تختارين نوع الفلم من معلوماته قبل لا تشوفينه
يكتبون كل شي عن اختار افلام الرعب و افلام وثائقيه و مسرحيات
نسيت تتبعاون مسلسلات تركيه نفس نظام نتفلكس
بس تحبون الاتراك عشان كذا ما تسبون مسلسلاتهم ولا افلام وفيها تعري وخيانة و شذوذ نفس نفس نظام نتفلكس
اقول هدي اللعب تراه بيطفش
الحمدالله نعرف نختار ايش نشوف اتكلم عن نفس غيري مالي دخل فيه ابد الا اخوان ولا حريم اخوان ولا خوات
كل واحد يختار حياته و نظامه ويتحمل اختياراته
لا تقولين كلهم كبار بالغين وكل انسان يتحاسب لوحده ما احد ياخذ ذنب احد لانه لا سفيه ولا مرفوع عنه القلم ولا قاصر

بعض الردود تحسسك إن مشاهدة العري والتفصخ عاااااااااااادي.... تحسسك إنك متربيه تربيه اسلامية خطأ.


ولا الثانية تقول كلنا نشوف اذا جو الاطفال نحط لهم افلام كرتون.. يعني حنا نشوف الحرام عاااااااااااااااادي المشكله بس الاطفال.


والثالثة تقول تراها مثل الافلام العادية بس مشكلتها إن البطل يكون رجال يحب رجال او حرمه تحت حرمه.. عادي الشذوذ وكأن الله ما خسف بقوم لوط بسبب هذا الجرم الشنيع.


للأسف هالقنوات لعبت بعقول السفهاء لدرجة مع الوقت صار عندهم عادي العري وعادي عندهم الشذوذ.... بل بعضهم وصلت به الحقارة والدنائة والسفالة إنه أو إنها تدافع عن الشواذ بتويتر عليهم لعنة الله.


كل امتي معافى الا المجاهرون.




بالنسبة لصاحبة الموضوع واجهي زوجك وصارحيه بالحلال والحرام. وبيني له إنك ما ترضين سوا بوجودك او غيابك يشوف هالشيء ليس غيرة بس ولكن قبلها خوفا عليه من عقاب رب العالمين المطلع.