زوجي و الواتس اب

السلام عليكم
كيفكم بنات
انا طبعا عضوه قديمه هنا بس كتابات وردودي قليله جدا بس متابعه للمنتدى كل يوم لازم ادخل
انا متزوجه من 4 سنوات تقريبا دخله ع 5
عندي بنت و ولد الله يحفظهم
علاقتي بزوجي ممتازه والحمدالله
زوجي الحمدالله طيب وحنون بس انه عصبي جدا
صبرت على عصبيته كثير وحاولت بقد مقدر اعرف كيف اتعامل معه والحمد الله يتاثر فيني وبكلامي معه ويحاول يقلله من عصبيته
المشكله لي مضايقتني من اول ماتزوجت الى الحين واتوقع هالمشكله الكل يعاني منها
المقاطع وصور المخله للادب بصراحه مقهوره من هالشي اصحاب زوجي في عمل مسوين قروب عشان يتناقشون فيه وصار من ضمن رسايل ونكت و مقاطع رقص وصوره حريم
والمقاطع مره موكويس يعني بنات عريانات وفيه واحد من اصاحبه هو اكثر واحد يرسل هالشياء ومعه في نفس المكتب قهرني بصراحه وتكلمت مع زوجي هالاشياء وانها حرام وانه يتقي الله واشياء كثيره قلت له وهو مقتنع بس يقول هم يرسلون وهذا شي عادي بين الشباب وانه مايهتم في مقاطع وانه هم يرسلون وانه هو مايرسل ويحذفهم قلت له اطلع من القروب مو مجبر قال كل القروبات كذا ولاتحرجيني يجلسون يتمسخرون علي
انا سكت بس مقهوره مو متحمله انه يشووف هالشي و حرام وقهرني بذات هذا صاحبه لي معه في المكتب يرسل كثيرررر
فكرت اني ارسل حق صديقه هذا من المواقع لي ترسل رسايل لي مايطلع رقم او اسم
ارسل له رساله تخوفه انه مراقب وانه مايستمر في نشر هاالمقاطع او الصور
بس خايفه انكشف او شي الاني ماقد جربتها
وايش رايكم اسويها او لا
بصراحه ابي افك ناس من شره عيب عليه يرسل هالاشياء اكيد كم من حرمه مثلي مقهوره منه انه يرسل هالشي لي لزوجها
انا بصراحه بعد اغار ومقهوره حتى احيانا احس مو قادره اتقبل زوجي اقول في خاطري اكيد شاف هالشي اسفه ع الاطاله وادري كلامي ملخبط بس حبيت اخذ رايكم