الاخت اللي سالت اذا انا من جده او لا ,, لا حبيبتي انا من الدمام
والاخت اللي قالت اكلم ابو زوجي ،، ابو زوجي من النوع المتسلط
ومايحب احد يكلمه بشي او ياخذ ويعطي معاه بمواضيع ماليه
وانا ما ابي اسبب مشاكل لي ولزوجي مع اهله ويقولو له زوجتك ماتستحي
وغير على هذا كله بقول لي ابو زوجي خلي ابوك يصرف عليك كاني مو متزوجة ولده
انا ابوي لو معه مايقصر معي بس ابوي مامعه راتبه على قده وانا ماحب اشكي لاهلي
لان بضيق صدرهم عليي وهم مو قادرين يساعدوني بشي
وبالنسبة لزوجي من النوع اللي احسه ساكت عن حقه اذا قلت له كلم ابوك
يزيدك يقول لي انا مابكلم ابوي لان اذا كلمته بعصب عليي وكالعاده بقولي
انا مامعي واذا مو عاجبك شوف لك مكان ثاني يعني بالعربي جاه رهاب من ابوه
مرة اذكر ان كان زوجي مامعه ولا ريال وراح لامه قالها عطيني 100 او 50 قالت له
مامعي وعصبت عليه وكان جايبته من الشارع ما كان ولدها واضطريت ابيع قطعه من ذهبي
عشانه ,, المشكلة ان كان شغال بشركة ثانية وطلع منها لان ابوه قال له اطلع من الشركة اللي
تشتغل فيها وانا بحطك مدير عندي بالشركة وبعطيك راتب احسن من الشركة اللي تشتغل معها
وهو سمع كلام ابوه واتفاجأ بالواقع ان راتب اقل من الشركة اللي كان معها ومافي تامين
وشغله مع ابوه متعب .. الله يكون بالعون

up

خل يدور له شركه ثانيه ولا وظيفه هو المحتاج وراكم عيال
لو كاشير ببنده ولا سوق ولا في رسبيشن مستشفى

حبيبتي خليه يدور وظيفة براتب اعلى
وبنفس الوقت لاينتظر الاموال تنزل عليه من السماء
لابد يطور نفسه معاه دبلوم اوكيه ماقلنا شئ يكمل وياخذ بكالوريس ويقدم في الخدمة المدنية معلم
ويقدم عالعسكرية بنفس الوقت لو عمره مناسب ومافاته التقديم
اما يحصر نفسه في عمله عند ابوه العمر بيروح وهو مكانك سر
وصراحة الاب مو ملزم يصرف على ولده دام ولده بصحة جيدة وقادر عالعمل
والاب حر في فلوسه يسوي ذبايح وعزايم هو حر
ويمكن له نظرة في ولده ويبغى الولد يشد حيله ويتعب على نفسه
انتي اوقفي ورى زوجك وشجعيه ومابعد العسر الا اليسر