زوجي و .....بريطانيا

السلام عليكم ورحمة الله وبركاته
ومساء الخير ع الجميع
بنات أنا أكتب هالموضوع وأنا مقهوره مقهوره جدا
وأبغاكم تقولون لي أي شي يريحني

الموضوع أنه

زوجي قبل نص ساعه كلمني من بريطانيا سافر لها
البارح وكلمني وهو مبسوط جدا جدا لدرجه ما توصف
ومنبهر بالمناظر اللي فيها

المشكله يا بنات أني أنا خفت كثير من هالأنبهار الواضح في صوته
وخايفه أنه هالأنبهار بالطبيعه
يقوده لأشياء ثانيه حرام
أكيد فهمتوني
والله يا بنات أنا خايفه كثير

أكيد بتقولون لي طيب ليش وافقتي أنه يسافر

السبب أنه
قبل فتره زوجي خسر مبلغ ضخم في سوق الأسهم خلالها نفسيته
كانت جدا سيئه
لا يكلم أحد ولا يخرج من البيت
حتى أنا ما يكلمني

فجاته هالدوره من العمل

خلته يفرح شوي وخلته ينسى الأسهم
وترجاني كثير لما وافقت

والله يا بنات أنا ماني من الحريم اللي يأيدون سفر زيجانهم بدونهم

بس أنا ألحين خايفه

مع العلم أنه هو مع أفراد البعثه مو مسوح لهم
أنهم يخرجوا أو يروحوا أي مكان
بس أنا مو مطمنه

بالله عليكم قولوا لي شي يريحني

وسامحوني صجيت لكم راسكم

في أنتظار الردود