اصابعك مو سواء وكل وحده تعرف طبيعه زوجها
والاغلب للاسسسسسف انانيين واستغلالين
والمستشار النفسي الاماراتي د.خليفه يقول حبوا نفسكم ي الحريم ولا تعطين اكثر من تاخذين
وان غالبيه الحريم يضحون ونادرآ مانشوف رجال يضحون ...وياليت الكل يستفيد من التجارب وي رب اجعلنا قدوه ولاتجعلنا عبره

بالنسبه لي انا
بعت ذهبي لاشياء نقصت علينا ولاخليت عندي كسرة ذهب
صارت علينا ظروف مره صعبه وببيعة الذهب فك علينا ولله الحمد
وبعد فتره من الزمن كم سنه ربي اكرمنا وبنينا وخلصنا اثاث ولله الحمد واخذ قرض يبي يشتري منه سياره فاخذ منه30الف واعطاني اخذت ب25الف ذهب 5الاف هدايا الاهلي وحريم اخواني وجاب لي فوقها ايفون الله يخليه لي ولامه ولعياله واشترى له سياره جديده بالباقي
والله يشفيه ويعافيه مما فيه
وماراح اقول ان حياتي خاليه من المشاكل
لابد من المشاكل بذات مشاكل العيال الله يصلحهم لكنه مايجحد وهذه طبع فيه زين
وانا بعد اذكره بطريقه ثانيه يعني مااقول رد علي ذهبي اللي بعناه للظروف
لا كنت اقول متى تفرج علينا وتلبسني ذهب واروح للمناسبات ويقولون ماشاءالله شوفوا زوجة فلان ملبسها ذهب
ههههههه فيقول اصبري وابشري
يعني الوحده بالسياسه تمشي حياتها
وكل هذا بفضل وربي
واكثر الاسر والعوائل تعاني من تشتتهم ومشاكلهم انصحكم بالرقيه وسورة البقره بين فتره وفتره تقرا
كم مره تصير مشاكل بينا يمكن تصير للطلاق
لكن مع الرقيه الحمد لله تضبط حياتنا
واخذوها مني نصيحه بذات القريبات عهد بالزواج من 7وتحت اصبروا وتحلوا بالصبر وادعوا الله ان يفرجها
والحياه صعبه لها متطلبات واطفال وديون وتفكير بالبيت وبناءه
والتفاهم من عشر سنوات وفوق يصير فيه انسجام وتزين الظروف وتقل الديون ويكثر الراتب وبعدها ترتاح النفس وتهدا وتذكرون الايام الخوالي ومافيها من مشاكل تحسون انكم بزران تتهاوشون من لاشي وانها تافهه
صار لي خبره في الحياه الزوجيه 18سنه
ولله الحمد وعندي بنات واولاد واكيد الكل يفكر عمري في ال40
عمري الان 34وكم شهر
والصدق دوبني احس واشعر بالحياه الزوجيه
بالانسجام بيني وبينه رغم فرق العمر بينا 9سنوات
وعايشه حياتي وربي يحسن خاتمتي وخاتمة من احب ويصلح لي ولكم النيات والذريات

لانا

الله يبارك لك في عيالك ويسخر لك زوجك 

السلام عليكم ورحمة الله وبركاته
حبيت فكرة الموضوع الله يجزاك خير ياقلبي

بعت جزء من ذهبي بداية زواجي بــ 21 الف ريال ودخلت بالأسهم لاربع سنوات
وربي يسر امورنا وقررنا نشتري بيت ..
بعت الأسهم بمايقارب 35 الف ريال ودفعناها مقدم للبيت وزوجي قدم ع قرض وسدد قيمة الباقي
وجلسنا مايقارب خمس سنوات ونص واحنا نسدد للبنك والحاله مايعلم فيها الا رب العباد
وبعد ماربي اكرم على زوجي وخلصت قروضه عوضني الله يجزاه خير ويبارك لنا في بعض
يعطيني مصروفي شهريا وصرافته مايمنعني عنها ومايقصر لا علي ولا على عيالنا
فياربي لك الحمد والشكر على كل شيء .. ماشاء الله لاقوة الا بالله
مابعد الصبر الا الفرج
وصدقت الأخت الغاليه لانا ياعيوني
الحب والتفاهم والإنسجام يكون بأشد حالته بعد سنين من الزواج .. والزوجه وشطارتها
والرجال وأخلاقه .. بعضهم يثمر فيه المعروف
وبعضهم مايملي عينه الا التراب

اممممم حافز له منقطع تقريبا سنه ونص يعني هو اشتغل بعد سنه ونص يعني مااجاء له فتره متوظف توه بدايه الدلع ماجاء الجد 😂..
بعد اساعده معنويا واصبر عليه اما اعطيه من راتبي ولا ذهبي مستحيييييييييييييييل الرجل ماايملا عينه الا تراب ..
ترا هذا راي اللحين بعد كم سنه ماادري يمكن يتجدد..بس ممكن مساعدتي تصير لنفسي يعني اشيل مصروفي عنه بالاشياء ثانويه ..
واذا بساعده بيت لازم اثبت حقي ..علشام لاصار ماصار وانا حقي ضامنتها ..مايروح هباء منثور..