زوجي يابنات زوجي شيب وشيبني وينام بغرفه ثانيه!!!!!!!!!!!!!!

مرحبا بنات قصدي نساوين :42:ياحبنا في كلمة بنات

بدخل طوالي بالموضوع
انا يا غاليات عندي اشياء محيرتني في زوجي واحيانا ينشب :angry2:بيني وبينه معارك بسببها وتكون سبب مباشر او غير مباشر
غير مباشر لأنها تكون في قلبي شايلتها باطتني :09:قاهرتني مقدر اصرح بها فتصير نار جوتي ما اصدق علة عشان اطلعها

وابغى مشورتكم معايه بكل صدق وامانه واذا كنت على حق او لا

اول قصه هي انو زوجي الحبيب:( لنا ثمانية اشهر هو بينام بغرفه وانا بغرفه من يوم ماشرف البيبي الجديد
لاسباب عديده بدأت القصه وانا نفاس كنت اتلطش يوم بغرفة بنتي ويوم بغرفة ولدي ويوم بالمجلس طوال الاربعين طيب وخلصت الاربعين وبرضو مو قادره انام بغرفتي
- ازعاج البيبي لسي السيد لأن نومه خفيف ومايحب عياله يقولون اي
- ان سي السيد ماينام الا على التلفزيون يعني يتم يسمع اخبار لين تغمض عينه ( تلفزيون بالغرفه )
تخيلو لا انا قدرت انام ولا البيبي ولا هو :arb:

فيقوم الباشا متكدر ومو شبعان نوم ويصير متوتر وماله خلق لشئ
توترت الاوضاع ومع زيادة الاعباء عليه صار ينتقد كل شئ بس يوجهه وينتقد ويخاصم في العيال
وليه ماسويتي كذا وليه عيالك كذا
عاد انا طقيت قلت ليش ماتصير تجلس بالمجلس وتطالع التلفزيون هناك وتريحنا وترتاح
عاد هو ماكذب خبر صار يجلس هناك وينام كمان بالمجلس
وبصراحه ارتحتنا كلنا وخفت مشاكلنا كثير
بس الحين اقول في نفسي ليش ماينام عندي وتحز في نفسي ولمن اترجاه ويجي اندم بسبب شروطه والتوتر اللي يجيني لمن البيبي يصحى ولا يقول وا:icon33:
واندم اني ناديته الليله الثانيه ينام هناك وتعدي الليله على خير
فايش رايكم يحق لي ازعل انه ينام بعيد عني ولا لا ؟؟
وايش الحل ؟

القصه الثانيه ان زوجي ماوصل 35 سنه الا وصارو اصحابه اللي يجلس معاهم شياب فوق الستين
وما تحلاله الجلسه والسمره الا معاهم يوميا لدرجه صرت الاحظ عليه افكار شياب وكلامهم وتصرفاتهم
لا اراديا تطلع منه اذا قلت له البس كذا او اعمل كذا يقول عيب مايناسب سني الحين وصل الاربعين وانا احس انه فـ 70
قصصه وحكاياته كلها تراثيه و مغبره تقولون زوج عياله وتقاعد وعجز
عجزت اكلمه صار يزعل وبطلت وصار الشئ ذا ينفرني منه غصب عني
تخيلو امس اتبسط معاه اول مادخل البيت واغمز له واتبسم يقولي ايش تبغين :icon33:

وربي محتاره من زمان:( قلت مالي الا انتو امانه ساعدوني هلكت ايش الحل ؟؟
وليه زوجي مايحب يجالس الشباب ايش معنا الشياب