السلام عليكم
كيفكم يابنات ؟؟؟
:39:
بدخل بالموضوع على طول انا ساكنه في منطقه بعيده عن اهلي واهل زوجي وهذا الاسبوع نزلنا عشان نغير جوا وعشان بنتي مسكينة وحيدة ... المهم زوجي احسه متضايق مرررره عشان ظروفنا مرره صعبه والراتب مانزل ويقول مايحب ينزل لاهله وهو مفلس يمكن يحتاجوا شي وهو مايقدر يصير موقفه جدا محرج ... المهم هو ماقالي هالكلام الا لما نزلنا وخلاص وطبعا كلها يوم واحنا راجعين يعني مو مطولين ...
وانا عطيت زوجي كل اللي عندي في جيبي عيديه من ابوي 100 ريال وعطيته اياها وستين ريال انا حاطه محياج لخالتي بعد عطيته اياها ومابقى عندي شي وهو مامعه ... بس انا مادري انه كل الفلوس اللي عنده خلصت وهو اخذها بس من يومين وخاصه انه احنا نقتصد مرررررره في مصروفنا واكلنا وشربنا وكل شي ... واسأله كم عندك مايرضى يجاوب يقول لاتسأليني هالاسئلة انا متضايق وبس
واليوم دق علي وانا في بيت أهلي قالي بقولك شي بس لاتعلقي ولا بكلمة قلت له شنو قال حسابك في فلوس قلت ايه طبعا ابوي يحط لي مبلغ كل شهر تقريبا او بمجرد يشوفه فاضي يحط على طول وقالي خلاص بجي اخذ البطاقه الحين قلت ايه عادي فلوسي لك بس ليش وشصاير لاني حسيته مستعجل ... قالي ماتبي تعطيني قولي وخلاص قلت انا ماقلت كذا بس ابي افهم قال خلاص ما ابي شي وهذا انا بجي بشرب الشاي معكم ... ولما خلص صعدنا غرفتنا فوق و طلبها مني وعطيته ومع اني مافهمت شي عصب علي وكذا بس عرفت انه اكيييد لامه ....
انا مو ضد انه يعطيها لكن مو على حسابي انا وبنتي ومو من فلوسي وخاصه انه هو يرفض يشتري لي ابسط الاشياء والله قهررررررررر كل ما اقوله شي قالي عندك او بعديييييييين ... وكل حياتي وانا صابرة والله ضاقت فيني الدنيا ...
:44:
لما رجع قلت ها وش سويت اليوم قصدي اعرف وش سوى بفلوسي عصب وقام يضيع السالفه ومدري كيف وبعدين قالي ... انه امه طلبت منه حبوب حق المفاصل مدري ايش ويقول ضااااااااقت فيه الدنيا شلون يجيب لها وهو ماعندي وراح يبيع الاسهم قالوا له مايصير اليوم الجمعه واتصل على اللي يشتغل عنده ولارد عليه على شان يعطيه الراتب ... وبعدين اخذ من عندي ...
انا تضايقت امه ماعليها قااصر والله مقتدره وعندها مشاريع وتدخل فلوس بالهبل ماتقدر تعطيه يجيب لها ... وهي تدري انه مديووووووووووون من راسه الى رجوله والله تدري ودايما تطلب منه احسها مفكره انه هو يصرف علي وانا مضيعه فلوسه فتقول هي اولى مني عشان كذا تطلب منه وبس تشوفه تطيح فيه مشاوير مع انه عندها اولاد في البيت وفاضين وعزاب بس ماتبي الا زوجي ... وهو مايقول لا
وكل ماتشوفني تطلب مني اشتري لها شي من السوق مره جيبي لي شنطه ومره مدري ايش اللي يشوفها انا مطيحه في السوق هي منقهره مني لانها شافت علي لبس غالي في العيد انا وبنتي وقالت ليش ماتشتري من محلات رخيصه واصلا مافي شي حلو هاللي قيمته كذا المهم جلست تعيب فيه بس قلت لها هو عاجبني انا ... وطبعا حتى في العيد ابوي يعطيني ودي اقولها عشان لاتفكر اني مخسره ولدها مثل ماتفكر ... وحتى امي قالت قوليها لاتحط عليك ... وحتى لما جينا نروح شقتنا قالت لا لاا لاتروح تخسر روحك هناك اقعد هنا بس ... واكل معنا وانتهت السالفه هالكلام في اجازة العيد طبعاً
والله متضايقه مدري شسوي احس زوجي يقصر معنا ويعطي اهله ... انا اقدر واقول ظروفه بس ليش هم مايقدروا وهو بعد ليش يحسسني بكذا يقول لاتروحي مناسبات ولا تشري فساتين ولا ولا ... كله يمن علي بأقل شي ... مع اني ما اشتري الا في الاعياد وبالحنه والمنه ومن تزوجته عمري مارحت مشغل انا احط لنفسي مكياج واصلح شعري او ابوي يعطيني وفوق هذا يجي يقول تكفي مناسباتك ... مع اني ما احضر الا المقربين لي جداً شقول بس شخلي .... هو مو بخيل ومايقصر معنا في الاكل والشرب لكن الاشياء الثانيه مايعترف فيها من لبس وغيره ... احيانا ودي اقول لامي تخلي ابوي يقطع مني المصروف عشان يصرف علي كل شي ول يعتمد على فلوسي بس اقول انا مدللـه واحتاااج اشايء هو مايقدر يشتري عالاقل اشتري من فلوسي بلا منه ولا شي
:44:
مدري يابنات انا مكبره الموضوه بزياده والا هو معه حق وانا الغلطانه ارجوكم انصحوني اذا انا غلطانه قولوا لي بس بأسلوب حلو تكفون .... واذا هو غلطان قولوا لي كيف اتعامل معه والله الغيره ذابحتني احس اني مالي قيمة عنده اهله وبس
ساعدوني تكفون والله مساعه دمعت عيوني وهو يصارخ علي مع اني ماقلت له شي ولاحتى قلت ليش شريت بس قلت وين رحت وكيف قضيت يومك قصدي اعرف بس واحس من حقي انا زوجته مو غريبه وخاصه انه الفلوس فلوسي وللعلم انا شايلتهم لانه عندنا خطوبة بنت خالتي وقلت بشتري لي منهم بعض النواقص والله محتاجه اشياء كثيرة ومهمه بس صابره ومتحمله ويجي غيري ياخذهم بالساهل وهو عنده بالله عليكم مو قهررررر
ادري طولت عليكم واعذروني اسلوبي مره ملخبط ومو عارفه كيف ارتب الموضوع بس محتاجه نصيحتكم بجد
بانتظاركم ياعسولات
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
أنا أنثى
•
حبيبتي من كلامك حسيتك عاقله بس شوفي ياقلبي أنتي عودتيه مو المفروض ياخذ منك لأمه يبغى يعطي أمه يعطيها من حر ماله وبعدين وين مصروفك الشهري زوجك على ماتعوديه وهو حبيبتي تعود أنه ياخذ مايعطي وبيجلس كذا لازم تفهميه أنو عيب عليه ياخذ الفلوس الي يعطيكي أياه أبوكي له وأمه لازم تفهم أنو أبوكي يحول لكي فلوس دايم أنتي مره بدون قصد كلمي أمك قدامها بلجوال وقولي لها قولي لبابا مشكوره على الحواله الله لايحرمني منه ولو سألت قولي لها أبوكي دايم يحول لكي
اسمحي لي اذا بيصرف على امه يصرف من جيبه واذا بيتفشخر من جيبه وانت ما انتي ملزومة الا بنفسك ...حتى نفسك هو ملزوم بها يعني اكلك شربك لبسك روحاتك طلعاتك.واذا قصر ومو قادر ماله حق ياخذ من فلوسك علشان يبخشش على اهله...قولي لابوك يكلمه.ترى الرجال لهم طرق يتكلمون بها من غير ما يخربون بيتك...او اذا ماتبين تقولين لاهلك.دسي البطاقة عنه وقولي له ابوي ما عاد حط لي شي في حسابي لأنه مزنوق الايام هذي ..خليه يتصرف ترى الرجال كلهم بدون استثناء ما ينعطون وجه ولا يصلح انك تبينين لهم وضعك المالي اذا معك لأنهم مالهم امان..ممكن يموتك جوع وياخذ فلوسك علشان يسلفهم صاحبه وللا يعطي اخوه...الله يصلح حالك يا اختي
والله ياعمري مدري بس اذا لامه بسيطه يعني ارحم من الي ياخذ ويصرف على اصدقاء السوء احتسبي الاجر وربي بيعوضك بعيالك الي بيكون رضاك عندهم بالدنيا
الصفحة الأخيرة
ان شاءالله يفيدونك الاخوات