بصراحة من موضوعك عرفت لغز بسيط عن شخصية زوجك
زوجك يحب الهجن ، يعني زوجك بدوي والنعم فيه
واغلب الريايل اللي بهالمواصفات جافين
بس داخلهم طيبة كبيرة ، لكن بحكم انها رجال بدوي يهتم بالهجن اكثر ، والاسرة والبيت على الزوجة

فلا تعاتبيه على الشخصية اللي تربى عليها
انا حاسه فيك بصراحة لأني امرأة مثلك
وانا صارت عندي واااااايد مشاكل نفس مشكلتك
بس زوجي ما يروح الهجن ولا القنص





المسكين يبى يتاجر

يبى يوفر لنا لقمة العيش
ما يبى يعتمد على الراتب ( يعني للمستقبل)

وانا اشجعه واااايد ، بالعكس انا اللي شجعته على التجارة ولله الحمد


لكن بمجرد اني اشوفه مشغول عني واااايد اتضايق واااايد واجلس مرات اصيح
وهو بصراحة بعد يتضايق ( تراه ما فيه حد يحب الكراف والتعب )

وتستوي مشاكل
ولما اتفهمه مرات اندم على تفاهتي في الزعل
ما اقولك يا اختي احنا المشكلة حساسات وااااايد
نبى الكلام الحلو ماينقطع عنا


بس الصراحة بديت اتفهم حياتي اكثر واحاول اصبر مثل ماهو صابر
بل عكس لما احس اني حزينه ويدخل البيت ابتسمله ........ واحس انه يفهمني وينسى ضيقته





اختي في الله لا تضايقي
افهمي شخصية زوجك
لا تضايقي لما يدخل عليك وابتسمي حتى لو ما ابتسملك
حاولي ترقدي عيالك من وقت ، لأنه مسكين اكيد راد تعبان من شغله
اتزينيله اليوم
ولو ما انتبه
اتزينيله اكثر وانتي امرأة اكيد فاهمه هالشي ( لأنه من ادوارك في الحياة انك تكوني انيقة بشتى الوسائل)

ولكن لو ما انتبه على هالاناقة والابتسامة الحلوة

شو تسوووووووووووين ؟














بعد حاولي
وحاولي
بالعكس لما تكوني متزينه نفسيتك انتي راح تكون مرتاحة
وشي احسن من لا شي

حاولي تطرشيله مسج لما يكون طالع مثل ( احبك يابو فلان )
بس مش اربع وعشرين ساعة تطرشيله علشان ما يمل ويحس انه شي روتيني
ومن المسجات بعد ( احبك يا حبيبي ) او ( الله يحفظك يا بو فلان )

بس اهم شي لا تتكدري قدامه
لأنه تعبان ويبى يرتاح

حاولي معاه خطوة خطوة خطوة خطوة خطوة خطوة وبتلاقي بر الامان ان شاء الله
وعليك بالدعاء له بالهداية وهذا اهم شي
بس افهمي شخصية زوجك وحاولي تصلحيها بنفسك ( لكل مشكلة حل ) والدنيا تجارب
والله يسعدك يا رب

اخواتي الوجه الاخر لغيمه خلوقه الغاليه بروووحي نوى نويت الرحيل غريبه في غربه ذات العفاف اشكركن على تفاعلكن معايه وكلامكن الحلو اللي طمني ورفع من معنوياتي

اختي عديل الروح مشكوره حبيبتي اتعلمت منج شي ما كنت افهمه وانشالله بطبق كلامج ومشكوره مره ثانيه

اختي sun2moon كلامج روعه طمني وكبر عقلي وفهمني وفرحني مشكووووووووره حبيبتي وانشالله من اليوم بحاول اتغير معاه وشوف فيني الزوجه المبتسمه واللي مريحتنه

اشكركن من صميم قلبي

مادام الدعاء سلاحك= الاستغفار

فابشري بخير

مشكورات اخواتي ام صهيب دلع الفلا ام مشاعل pampered child ام الحسب والنسب غزيل الامارات رياح الغربه اشكركن على تفاعلكن مع مشكلتي ودعواتكم لي

اختي مد وجزر انا كنت اعرف انه يشتغل في سباق الهجن ولكن ما كنت اعرف طبيعة عمله وانا اول ما خذته ماكان مولع فيهن لهالدرجه يعني كنت وايد اشوفه بس الحين من فتره بدا يهتم فيهن وايد لأنه ناوي يشتغل عن جد ويريد يحقق نجاح .. انا معاه الله يوفقه ويسهل دربه بس في نفس الوقت اتمنى اني اشوفه كل يوم لين اشبع منه .. ادعولي بالصبر والفرج يااااااااااااارب ومشكورد اختي والشكر للجميع

الله يسعدك يارب ويسعد كل المسلمات والمسلمين:42:

انا سألت زوجي عن اللي يشتغلوا في الهجن فقال ريايل :arb: ماعندهم وقت فاضي
والهجن اهم عنده من كل شيء وهو يعرف ناس يشتغلوا في الهجن ومش فاضين

تراه هو رجل مش مهتم بالبيت بس مهتم **********كيف؟ :06:
مش مهتم فيك وانت حاسة بضيقة :( :icon36: ****** هو غلطان صح ، بس بعد معذور المسكين ***ليش؟؟؟؟::confused-
المسكين يوفر لك ولبنتك لقمة العيش ، ومعناه انه مهتم في عائلته :icon18:
اذا مافهمتي طبيعة عمله وطبيعة زوجك الله يحفظه لك ولبنتك ، من راح يفهمه يا ترى ؟
حاولي تدغدغي مشاعره بدون ما يحس ، واتمكني من قلبه :love: ، تراه صدقيني كل هذا بايدك لأنك امراه
صاحبة القلب الطيب والحنون:26: وهذا اللي يباه بدون ما يقولك:10_1_103v ،وربنا عطانا عقل نفكر به ، ورزقناالصبر ، والصبر مفتاح الفرج .
اتمنالك السعادة من كل قلبي . :
ادعيلي بالتوفيق في الدنيا والاخره .