يا حبيبتي دامه مقرف وهمجي بنظرك وش جابرك تعيشين معه
مستحيل تكون مشكله بدون سبب
الاحترام المتبادل مطلوب من الزوجين اذا شفتيه معصب حاولي
تهدين الوضع وتبتعدين عنه لو ما يحبك كان ما انبه ضميره واتصل عليك
يا بنات تعرفون المثل اللي يقول ضربني وبكى سبقني واشتكي
هذا اللي جاء باللي اول ما قريت موضوعك

لاجلك اتقي الله واسأليه العافيه لا يبتليك 

انا شفت كلامها مشكلتنا كل وحده تكتب موضوع وتقول هيا الصح
وللأسف احنا ما نعرف حتى وجهه نظر الطرف الثاني ونحط اللوم على الزوووج
ممكن هو الغلطان وممكن هيا الغلطانة ودامه اتصل عليها ممتاز معناته انبه ضميره
ماله حق يضربها بالذات على وجهها
الله يصلح حالهم

صدقوني ماكان في سبب وجيه بس لنه متعيجز يودي بنته للمركز ففتعل هواشه هو طبعه كذا ولي تقول تعاندينه ومدري وش اصلا توه صاحي من نوم يعني مافي حوار ويعرف أين ما اسكت على صرب وكم مره رحت لاهلي ويتأدب فتره طويله وهاذي كانت بعد مده طويله لكن مليت اروح لبيت اهلي وبهذل بنتي خصوصا ان ها متعلقه بابوها وبالبيت ابي حل ببيتي ادري ان مافي حل بس وش اسوي مالي بعد الله الا انتم ماعندي خوات حتى يشورون علي وامي كبيره بالعمر كل شيء عندها حله الصبر

مليتي من الروحه ببيت اهلك 
ومامليتي من الضرب والاهانه 
انا لو يفكر بس يهيني بالكلام مو بالضرب  اكرهه واكره بيته وحياته 
ولو رحت لاهلي اسحب سحبه محترمه ماعد اسال عنه ولا ادق  عليه 
ولا ارد على اتصالاته ولا رسايله  الا بعد مايعصصب ويووولع  
خليه يعرف غلطه .. 
استغرب من الحريم الي تقول اروح وامل من بيت اهلي وعيالي متعلقين بأبوهم  وش هالخرابيط    ....الله لايجيب اليوم الي  أتملل فيه من بيت اهلي ....عزوتي ودنيتي ..صح احب بيتي وحياتي وزوجي لكن لو فيه شي ينغص علي والله لا ابيعه هو وبيته وحياته