الله يهديه ويسخره لك..زي ماقلت لك قصده تأديب لكن اقترح إذا جا تتكلمين بلهجة قوية تذكرينه بغلطه.. وانه الغلط مشترك ماتتحملينه وحدك.. ذكره بكلامه ومع ذلك ماحاسبتك كل اللي سويته عشان ابرد على قلبي.. لكن انت كاتلفظت عليك ولا طلعت من بيتك.. انا اشوف احسن تفتح ن الموضوع كل واحد يطلع اللي في قلبه اما يكتم ويكتم ويتعامل معك ويعاقب عالصامت.. وانت تاكلين في نفسك.. خليه يعرف انك مافكرت في تصرفه وان حتى انت تأذيت منه..

زوجك هذا غريب اسأل الله ان يهدي حاله ويصلح ما بينكم.. ترا بعض الأزواج إذا زعل من زوجته بالطقاق راحت ملكه ولا ما راحت.. انتي متذكر الملكه وحط الفلوس وقال روحي مع كريم وانتي ما طلبتي.. ليتك قلتي اخاف مع سواق لحالي ودني.. لكن المره الجايه إذا صار نفس الموقف لا تسكتين قولي اخاف ودني انت.. خليك عازه نفسك وبنفس الوقت محتاجه له خليه يرحمك خليه يخاف عليك.. ياختي لو تسوين انك تعبانه وتطلبيه مستشفى... وان رحتي قولي للدكتور انا عندي ألم في جنبي اليسار كنت متضايقه وزعلانه والمني فجأه ههههه اعننه القولون العصبي عندك... ما احب الكذب ولا اشجع عليه بس يختي ودي انه يتحرك يمكن يرحمك... انتي كم لك سنه متزوجه كم عندك أطفال كيف طريقه تعاملك معه كيف لبسك واهتمامك بنفسك وفيه.. ايش يحب كيف يندخل له.. . مدري احس شخصيه زوجك ينطبق عليها قوله السهل الممتنع.. زوجك فيه حركات والله يبغى لها تفكير مثلا ال500 اللي حطها وقال تبغون السوق؟ هذه غريبه منه 50 َوروحي للملكه ما نساها برضه يبغى لها تفكير..

انتي لازم تفكرين صح وتستخيرين ايش تسوين .. لأن العناد يخوف والطاعه كمان تخوف العناد يخوف بأنه يمكن يطلق أو يتزوج.. والطاعه تخوف كمان انه يسترخص زعلك ويستسهل سبك وشتمك... قبل كذا تقولين ضربك وتقولين هجرك طيب فكري كيف رجعتوا تمام وليش اصلا ضربك ََوهجرك المشاكل السابقه توضح لك المشاكل التاليه والصلح الأول يوصلك للصلح الثاني... ابني كل شي على المشاكل الأولى وتتوصلين للداء والدواء.. لأن المشاكل الزوجيه اللي زي كذا لها بذره استكشفيها واقلعيها من جذورها... مثل اللي يقولون طلق زوجته بسبب شاهي ما حطت فيه سكر ويا الله معقول طلق عشان شاهي واي ويا للهول . ولما استشكفوا السبب عرفوا انها تراكمات ََوكان الشاهي هذا هو الشعره اللتي قصمت ظهر البعير..

الله يعينك

طمنينا عنك ايش صار عليك