زوجي يبالغ دخل امه بكل شيء في حياتنا

سلآم يآحوآئيات


انا يابنات نزلي حافز المهم وتاركتها بالبنك ماسحبت شيء منها

لان في بالي مشاريع كثيره بهدي مامتي 500 وابوي بشتريله جوال وودي اعطي خواتي واخواني اللي
يدرسون بالثانوي والمتوسط افرحهم لو بــ 50 ريال

ونفسي با أيباد وبرضو بهدي زوجي آيفون او لاب اللي يبي

بس المشكله الرجال ياشاف عندك شيء يبي يقضي عليه ولا بعد يأمر عليك تعطين امه

يقولي عطي امي من حافز طبعن بأسلوب امر خير ياطييييييييييير هذا اللي بقى

تمر مناسبات واعياد ماقد رمت علي لو 100 ريال وهي اللي مغنيها

هذا من غير انها تفضل مرت ولدها الثانيه علي وهو يدري وحكينا لين ملينا بهالموضووع والسبب لايعرف بس انها تحبها اكثر مني

المهم ويبيني اعطيها عاد اقول بنفسي ماعطيت امي وابوي عشان اعطي امك

حتى لنفسي ماشتريت شيء ولا لطفلي

ارفق على عممممممممرك حتى بحافز دخلت امك

احسه يبالغ اوكي امك بس مالك شغل بفلوس زوجتك

يقولي بما انها اول راتب خخخخخ الي يسمعه يقول اول راتب موظفه حكوميه و5000 تراها اعانه ياناس
ويالله تكفي وهي الله مغنيها انا طبعن بعطيه أشكل ومارح اعطي الموضووع بال بس البلا لاعاد الموضووع وش اتصرف معه :09:

وهل تصرفي سليم لاني مارح اعطيها ..!!


والشي الثاني الحين مامعه ولا ريال يقول انا معتمد على اللي معك :mad:

ياربي شكلي كل شهر على هالحاله ..!!

ليه معتمد حتى انا ابشتري لنفسي ولاهلي وانا مانيب مسئوله عن مصروووف البيت يعني لازم اقضيها من اول الشهر وارتاح :44:

ليه هم كذآ :44:

ياشاف معك فلوس بيخلص عليها طيب انا بجمع منها وبشتري لي جهاز

وبخلي منها مصروف لي وقت الحاجه ..

حنا علاقتنا كويسه مع بعض بس هو مدري ليه كذآ

وترى ذبحني بأمه هي طيبه بس هو البلا فيه يبني اصير خدامه لها كل فتره متهاوشين على سالفة اني مارتب بيتها
طيب ليه ماتجيب لنفسها شغاله من الملايين اللي عندها انا يالله مدبره بيتي وولدي صغير
هي بخييييييييييله ماتبي تدفع شي تحب تجمع زي العجز الكبار
وحتى هم عيالها بيحيبون لها ورفضت
وكل مره يقول انتي ماتهتمين فيها المشكله اني انزلها كل فتره وارتب واكنس وانوي ان هالعمل لله مو عشانه
يعني بدون مايعرف ان جاء فجاه بكيفه وانا مادرى مولازم ابيها عند ربي
واكثر الوقت مايدري عني وهمن اذا جاء فتح موضوع ليه ماترتبين بيتها وتهتمين بها
اقوله اللي سويت يقعد يطلع لي شغلات ثانيه يدور اي شيء يقول ماتهمين لها وهي اصلن طايره مع مرت ولدها الثاني
دايم عندها انا بالعرببي ماتحب تجيني والسبب غير معروف معي اني الحمدلله احترمها واقدرها بس هي ترتاح لهذيك اكثر مني وهذا شيء راجع لها واغلب الوقت اذا نزلت عندها ماحصلها ببيتها القاها رايحه لها واذا عزمتها لعشاء اوقهوه تعذر باي شيء ماتبي تجيني ولاجيت مالقيتها رايحه لها براحتها بس المشكله لاجاك متحمس يقول ماتهتمين ولاتعزمينها وانا مو مقصره بس من يفهم احسه زودها بامه الله يصلحه
هو يبالغ يبالغ يبالغ بشكل لدرجة بعض اسرار البيت عندها يعلمها بكل شيء اتفاجأ لاجيت جلست معها احيانا
تسالني عن اشياء امي ماعلمها فيها بعض الرجال :arb: مسوي بار بأمه هذا مو من البر ولا انا غلطانه


ادري كلامي حوووسه مره ولا هو مرتبن ابد :)

بس فضفضه على هالصبح لاني طفشت وماجاني النوم بس افكر