زوجي يبغاني ارجع للبيت وانا محتارة

السلام عليكم
انا الحين صارلي اسبوعين تاركة البيت لزوجي بسبب جفاءه معاي ومع ابني وانشغاله بزوجته الثانية وعيالهم
هو اول يوم راسلني واتس اب يقولي ليه تركتي البيت بدون أذن مني وانا مارديت علبه
وبعدها راسل ابوي ويقوله خلي بنتك اول ماتصحى الصباح تتصل علي ونسولف
وابوي قاله بنتي تبغى الانفصال وذاك مارد
المهم اول ما اتصلت عليه الصباح عذرني وصرخ علي وغسلني غسل وما رضا يسمع مني كلمة
قلتله خلاص طلقني وش تبغى فيني وقالي مارح اطلقك خليكي كذا
بس يتواصل مع ابنه يكلمه وصار يتردد له كل يومين بموال
يتصل عليه وطلب ينزل الولد ياخذ الاكياس منه وطلع شاري له ملابس
وبالمرة الثانية كلمه عشان ياخذه المطعم مع اخوانه ورجع لي الولد معبي راسه كلام فاضي واصلا الولد مو مستوعب كلام ابوه
والمرة ثالثة ياخذه من المدرسة ويرجعه وجايب غداء من المطعم
مدري هالاهتمام من وين جا اصلا
الحين قبل كم يوم صار يضغط علي ارجع
كلمني مرة ثانية وكان هادي ومروق وطلب اني ارجع للبيت وبدأ يعطيني الكلام العسل والتودد ومشاريعه المستقبلية وانه نسافر انا وهو بالاجازة برا المملكة وانا ساكتة
وثاني يوم يرسلي يقولي ارجعي بيتك يلا
واليوم يجيني اخوي من الصباح يقولي عندي لك خبر حلو يقولي فلان اتصل فيني ويقولي خلي اختك ترجع لي وانا ابغاها وما ابغى الطلاق
انا مشكلة اني نفسي عايفته خلاص ومو طايقته ابدا
مو قليل لي سواه فيني واهاناته وتجريحه لي بالكلام واستهزاءه
اختي تقولي ارجعي له وهذا ابو ابنك وعشان ابنك يتم مع ابوه ولي يقولي لاتخلي الثانية تلهط كل شي لها وخليكي فوق قلبها كأننا داخلين حرب
وانا محتارة ب امري ساعة تجي خلاص اني بتصل عليه يجي ياخذني وبعدها اتردد والرجال رافض الطلاق اصلا مايبغى يطلق وهو قالي لو مهما حصل مايطلق ولا يتخلى