زوجي يبغاني اروح مع اخوه ؟

بختصار زوجي قال لأبويه انا ابغى اسافر وابغاك تودي فلانه للمستشفى الفلاني اذا جاتها الولادة اذا ماتقدر ولو بنسبة 20% قول مقدر لاني انا بدفع فلوس ومن ذا الكلام ..
ابويه قال انا ماعندي استعداد ولا 1% اني اوديها مستشفى خاص واسمع يافلان قول لفلانه لا تجيني ولا تكلمني اوديها ذا المستشفى ولا والله بيحصل زعل كبير بيننا شايف وهذا انا أكرر عليك الكلام فلانه لا تجيني ولا اسمعها تكلمني عن مستشفى خاص وانا ماني مستعد اوديها ، وانا مستعد أخدمك لكن ع مستشفى الولادة العام غيره ماعندي ..
انا يوم سمعت ذا الكلام جاني شعور اني بنت الجيران مدري ليش ؟ حسيت كذا ذا الكلام مايقوله اب ؟!!!
طبعا المستشفى الخاص اللي ابغاه اقرب من المستشفى العام
وزوجي قال اسمعي وهذا انا أكلمك وأقولك ابوك لا تكلمينه ولا تجيبين طاري المستشفى الخاص عنده لانه ماعنده استعداد ولا 1% انه يوديك ولو كلمتيه اني بزعل منك حتى لو قصدك ترضينه وغيره لان ابوك قال مايبغاك تجين وتتكلمين معه بخصوص المستشفى الخاص باي طريقه كانت وانه بيزعل مني وقال اذا جات ولادتك اتصلي ع فلان اخوي وخليه ياخذك للمستشفى
بختصار أنتم ايش رأيكم ؟ اروح مع اخو زوجي ؟
انا احس اروح بالتاكسي أحسن ؟؟ مدري احس مو حلوه اروح معاه
الناس ايش يقولون ؟ وين ابوها وإخوانها ؟ صح اخواني مايسوقون بس أكيد بيقولون وين ابوها وين اهلها سلامات وش فيها رايحه مع فلان ليش ماعندها أهل ؟
عشان كذا أفكر أروح تاكسي ؟؟؟ ايش رأيكم ؟
امي تقول عادي نروح معاه ولا تكابرين وبالتاكسي صعبه ..
مدري مين الصح انا ولا هي ؟