بصراحه لفت نظري رد احدى الأخوات بأنه الأجانب ما عندهم خدم..

ويسوون كل شي بروحهم ...

بصراحه حياتنا مختلفه كلياً عن حياة الأجانب ...

أول شي .. نحنا اقل شي الوحده يكون عندها طفلين ومافوق ... وهم طفل واحد فقط وفي حالات نادرة يكونون اثنين ..

ثاني شي نحنا .. متعودين على اكل البيت ... الاجانب متعودين على الأكل خارج المنزل وماعندهم طبخ ونفخ مثلنا ...

ثالثا.. الجو عندنا في الخليج .. يخلينا نعرق كثير ونبدل ثياب مب اقل من مرتين الى ثلاث مرات يوميا .. والثياب يبغي لهن غسيل وكوي .. والاجانب يكرفون الجينز اقل شي اسبوعين اذا مب شهرين وبعدين يغسلونه ..

رابعا .. نحنا نحب العزايم.. ونطبخ الاكل ونطرشه حق القريب والبعيد ووالجيران ..الخ

ثالثا .. البيت الكبير يبغي له خادمه .. حتى الاجانب اللي عندهم بيوت اغلبهم يكونون اثرياء ويحطون بدل الخادمه ثلاث او اربع ..

والرأي الأول والاخير للأخت صاحبه المشكله .. مع أني اشجع وجود خادمه تساعدها.. والخادمه اذا عاملتيها بالطيب مستحيل تضرك.. الا نادراً

وبعدين الصراحه هالوقت الرجال مب مثل قبل .. الحين الريال يبا سبب علشان يتزوج على زوجته ... ما بيقول مسكينه اهملتني لانها مشغوله في تربيه العيال و الطبخ والنفخ وتنظيف البيت ...
يعني بصريح العبارة الرجال الحين يبغون وحده متكشخه ومتعدله لهم على طول الوقت .. يالله يالله الوحده تلحق تكون ماليه عين زوجها .. وبنات الحراام يا كثرهن.. يبون بس يصيدون الرياييل .. <<<<<< أقول مب كأنه طلعتي عن الموضوع الاصلي؟؟

بس بصراحه اذا تبغين تشوفين نفسك لابد من وجود الخادمه في هالوقت ..

حبيبتي انا من رافضين الشغالات في البيوت لكن انا قبل مااجي كندا كانت عندي شغاله والاسوأ اني جبتها بعد 7 شهور من زواجي لاني حملت على طول وكنت ادرس واهلي بالمدينة وانا سكنت الرياض !!
عشان مالي احد في الرياض اضطريت اجيب شغاله لاني وين اودي البيبي لما اروح المدرسة والجامعة ؟؟
للضرورة احكام وانا هنا في كندا مبسوووووووطة فاضية لاولادي وزوجي ولو علي عمري مااخليها تعتب بيتي ابدا ..
حاولي انك تضغطي على نفسك ولعلمك انا في بيت اهلي شغالتين مو وحدة وعمري مادخلت المطبخ .. وهو زيك زوجك ماعندهم شغاله ومتعود ان امه تطبخ وتنظف ووو..
في البداية تعبت لين ماجبت الشغالة وكنت انا طول اليوم مع البيبي وانا اللي اطبخ وباقي الشغل عليها ..
حاولي انك تستغني عنها طالما ماتدرسي او تشتغلي وحوسي ببيتك وبمطبخك :angry: وراح تحسي بسعادة لانك انتي المسؤؤله عن زوجك واولادك ومايقدرو يعملو حاجة من غيرك !!!

بقولك على طريقة زميلتى بالمدرسه
عاجبتنى بصراحه
وهى طال عمرك زوجها ملتزززززززززم ومتشدد بعد لكن عندها بنتين وحملها متعب جداا
فسمح لها انها تجيب شغاله بشرط مايشوفها
يعنى الشغاله فهمت من البدايه انها ماتطلع اذا الرجال بالبيت
حتى لو بيدها شغل تتركه وتدخل غرفتها
يعنى صارت كنها سعوديه
مافهمتى اكيد بضربك مثال لو انا مثلا زرتها بيتها هل زوجها يمر والباب مفتوح؛؛؛؛؛؛؛
طبعا لااااااااا
نفس الشى مع الشغاله ابدااااااااااااااا مايشوفها
بصراحه عن نفسى ماااااااستغنى عن الشغاله
شغالتى الحين بتسافر
افكرررررررر انى احجز واسافر معها خخخخخخخخخخخ

قلص ..
سافري بس لاتنسي جهازك خذيه وعلمينا اخبارك خخخخخخخخخخخخخخخخخخخخ

أنا عندي شغالة وكارهه وجودها في البيت لأني أنا اللي ما آخذ راحتي باللبس ..
وزوجي صاك على نفسه بالغرفه ..
بسس شسوي محتاجه لها لين أكمل دراستي باقيلي سنه .. الله يعديها ..