يا بنت الحلال وكلي امرك لله وجيبي شغاله ورفهي عن نفسك ودلعيها ..

عمر إبن آدم يخلص والشغل ما يخلص , وسعي الصدر وماعليك من احد وجيبيها تكرف عنك

والله العظيم ما احد نافعك بكره لو يعورك ظهرك من كثره الشغل , لا زوج ولا ولد ولا احد راح يقدر لك احد ها الشي , تبقى المرأه مأكوله مذمومه في كل شي ...

وإذا زوجك رافض , يالله خليه يشمر عن يدينه ويساعدك في الغسيل والكوي والتمسيح والطبخ

ويخلي الفلسفه اللي مال ابوها داعي .

الله يهدي زوجي ويقتنع لاني فعلاً تعبت
لكن كا ادري متى بيقتنع ويقم عليها

عن نفسي ما انصحك تجيبينها ..
يتفقدين اشياء كثير يمكن ماراح تحسين فيها إلا إذا جت

انا عندي 3 اطفال وماعندي شغالة .. ..
بصراحه ما احب تواجدها معي فالبيت ..
ولا في السسياره ..
ولا لما اروح اتمشى ...
ولا لما اتكلم في اي وقت وفي اي مكان .
زي حرس الحدود بالضبط ..

غير إن مجرد تواجدها وانت داخله وانت طالعه شايفتك شيء بصراحه يضايق .

والله اني احيان اتمناها لما اكون مزنووووقه وعندي شغل كثير ..
بس بمجرد ما اضغط على نفسي شوي واخلص شغلي ..
أقول هاه الحمد لله ماني في حاجتها..
أنسسي الدلع وأنسي ما احب اشتغل وأبغى ارتاح هذا الكلام في بيت الوالد الله يطول بعمره ..
بس تبين تتزوجين وتصيرين زوجه وام ..
لا تنسيبن انك لازم تطبخين وتنظفين وتشتغلين وتغسلين المواعين والحمامات وانتم بكرامه والملابس وتكوينها وتهتمين في الاولاد .
ترى اللي يب الدح لا يقول اح ..
واحمد الله على النعمة اللي انت فيها نعمه الصحه والعافية لا يغير الله عليك
ويبيني وبينك ..
وظيفة ايش والبيت محتاجك ؟؟؟؟؟؟
الوظيفة للرجال وللي ماعندها احد يصرف عليها وانت معززة مكرمه إذا كان زوجك مو مقصر عليك فمالك إلا البيت والاولاد امورك اللي هي من اهم واولى مسؤولياتك وتخليتي عنها .. بتجيبين وحده من اقصى البقاع عشان تحملها عنك ؟؟؟ والله ما تحملهازيك و مع وجود الخادمة انت المسؤوله الاولى والاخيره امام زوجك والناس ورب الناااااس عن كل شي

والله ان زوجي كم مره يقول خلاص لازم نجيب شغاله .. مع حاجتي لها احيانا،،،رفضت..... للأمور الاهم وهي الراحة النفسسيه في بيتي .. وهو طبعا مقتنع بهالشي
والحين تارك الموضوع لي ..
لو ابغى اخذ بالشهر ما يمانع ولكن بفضل الله لهذا اليوم مادخل بيتي شغاله لي .....
والحين افكر في رمضان اتمنى بس انس القى وقت للصلوات النوافل وفكرت فيها ودورت
بس ما لقيت .. وقلت يابنت خيييره من الله .. والله بيعين ..
ولا تنسين ما اوصى رسول الله عليه الصلاة والسلام ابنته فاطمة عندما طلبت خادم ان تقول إذا اوت إلى فراشها سبحان الله 33 مرة
والحمد لله 33 مرة
ولا إله إلا الله 33 مرة
والله اكبر 34 مرة
أخبرها انها خير لها من خادم
فاعملي بنصيحة من لا ينطق عن الهوى وسيعينك الله ..
واخيرا لا تتوقعين اني كنت في بيت اهلي اسوي شي .
والله ما بديت اشتغل إا بعد الزاوج وكنت آخر العنقود ومدلعه اخر دلع .. بس دوام الحال من المحاااال .

كلامك مرة عجبني ماشالله عليك.

مرحبا عزيزتي:

شوفي أنتي ما راح تطلعين بنتيجة ،، لانه زي ماأنتي شايفة 5 صفحات فيها بنات يقولون لك جيبي شغالة ،، و بنات يقولون لا لاتجيبين و أنتبهي ،، و السبب أنه اذا جبتي راح ترتاحين من شغل البيت بس راح تتعبين نفسيا أنتي و زوجك ،، لانه ما عاد فيه حرية لا في لبس و لا في حركة و لا في همسة غير تأثيرها على العيال ....و اذا ما جبتي راح تتعبين من شغل البيت و أعتقد انك موظفة خاصة اذا ما قدرتي تنظمين وقتك بس راح تكون لك الحرية الكاملة أنتي و زوجك....

عزيزتي:

أنتي أعرف منا بقدراتك و حدود طاقتك ، لذلك انتي اللي تقرر من نفسها و طبعا معك زوجك اذا انتي فعلا بحاجة الى شغالة أو لا ؟؟؟؟

أجلسي مع زوجك ، و خذي ورقة و قلم و أقسميها نصفين: القسم الاول لزوجك و أكتبي عليه ضد و القسم الثاني لك و أكتبي عليه مع ،، في القسم الاول خلي زوجك يكتب الاسباب اللي تخليه يعارض ،، و القسم الثاني أنتي أكتبي الاسباب اللي تخليك تطالبي بشغالة .. و اذا خلصتو قارنوا بين الاسباب و حطو لكل حاجة أولوية ،، و كل واحد يترك المجال الى الآخر أنه يشرح وجهة نظره بحرية تامة دون مقاطعة ، و اذا تم ألأقناع يأشر على السبب أو يحذف ( يعني مثلا ) من أسبابك انك موظفة ما تقدرين تلحقين ممكن زوجك يقدم بدائل أو حلول لهذا السبب و يحاول يقنعك بها اذا أقتنعتي يحذف هذا السبب أما اذ لم تقتنعي جاء دورك بأقناع زوجك بهذا السبب و ما يترتب عليه واذا جبت شغالة وش بيتغير؟؟؟ اذا أقتنع يأشر على هذا السبب كسبب مشترك بينكم و هكذا الى انت تنتهي الاسباب و في النهاية من عنده أسباب أكثر يؤخذ برأيه لانها راح تكون أسباب مشتركة و بقناعة من الطرفين ....

من تجربتي:

بصراحة أنا أكره حاجة أسمها شغالة لانه ماأحب أحد يلمس شغلي أو يتدخل فيه من التحضير الى شيل الصحون ،، و مع أنه كان عندنا شغالات في بيت أبوي بس كانت أمي معودتنا على حاجات لازم نسويها بأنفسنا الا في وقت الدراسة طبعا و الطبخ كانت أمي هي اللي تسويه من الى و لا تلمس لها الشغالة حاجة بالعكس تطلعها من المطبخ ،، و على كذا كبرنا و تعودنا و كان لكل وحده شغل تسويه من ترتيب غرفتها الى تنظيف ملا بسها الخاصة هذا و أحنا في الثانوي الى الان هذا طريقة أمي ماشاء الله عليها مع أخواتي اللي ما بعد تزوجوا ، فلما تزوجت م أستنكرت الشغل في بيت زوجي لانه غرفتي كنت أعتبرها بيتي الصغير ،، و بصراحة الواحد من كثر ما سمع عن الشغالات صار حاط يده على قلبه ،، و دايما أدعي ربي أنه ما يحوجني لها و فعلا كملت دراستي و أخذت ماجستير و معي ولدي و بنتي و مع ذلك ما فكرت أجيب شغالة مع أنه تبهذلت كثير و تعبت بس ولو شايلة الفكرة من راسي لانه كارهتها ،، و بصراحة اذا شفت الشغل كثير و كنت تعبانة أقول ياليت عندي شغالة ،، اما اذا بغيت أجلس أتقهوى أنا و زوجي أو بغيت ألبس حاجة عارية مثلا أقول الحمدلله انه ما عندي شغالة ...

و أنا جربت الشغالة لانه بين فترة و فترة تجي أم زوجي تجلس عندنا أسبوع وهي معها شغالة ، بصراحة راحة من ناحية الشغل و أطبخ أصناف أكثر لانه أعرف ان فيه وراء من بيغسل ،، و أغسل الملابس لانه أكره الكوي فهي تكوي لي ، بس زوجي دايما يلبس ثوب البيت اللي ما يكون مرتاح فيه و ما يقدر يروح و يجي في البيت أو للمطبخ لانه ما عندنا مكان تجلس فيه فتجلس في الصالة اذا ما كان عندها شغل في المطبخ ،، فهو يحس انه مقيد و يتضايق كثير منها بعد انا ماألبس على راحتي و ما أطول صوتي سواء في كلمة أو ضحكة ، و بعد عيالي يحبون يجلسون معها كثير ( لانها عند خالتي من زمان و هي حليوة ) بس أخاف انها تأثر عليهم لانها من ديرة ثانية و عيالى صغار ماراح يفرقون بين الصح و الغلط ،، و انا ما أحب أهاوشهم قدامها لانه أخاف تأخذ موقف اني مأبغى عيالي يجلسون معها أو أخاف تزعل خالتي لانه شغالتها و تفهمها أني متضايقة من قعدتها عندي ..... يعني فيها الزين و فيها الشين بس أنتي سويي اللي قلت لك من قبل و أن شاء الله يفتح ربي عليكم ....