ماتقدرين تمنعينه لازم هو يقتنع بنفسه انه هالاشياء مضره خاصه انه مدمن عليها
اهم شي انتبهي لاولادك لا يقلدونه بالعادات هذي السيئه ويصيرون يدمنونها مثله

انا متأكده وواثقه انه عارف اضرارها لكن مثله مثل غيره يحبها وتعود عليها
وبما انك جربتي معاه الكلام والنقاش والاخذ والرد وماتغير فيه شي خلاص اتركيه في حاله
لان فعلاً هذي حياته وصحته وهو ادرى فيها
حطي نفسك مكانه شي تحبينه ويجون ناس يزنون على راسك عن اضراره ويقولون لك اتركيه اكيد ماراح تهتمين
انا كنت مدمنه مشروبات غازيه وثلاجتي ماتفضى منها باليوم اشرب علبتين او ثلاثه
وكان يجيني زن وكلام عن الاضرار الله ثم والله مايحرك فيني شعره ولا فكرت اقطعه لان اصلاً ماكان في بديل يغطي مكانه بالنسبه لي واستمريت سنوات يومياً اشربه
الى ان سبحان الله فجأه كذا جات فتره صارت ظروف ماديه واجتماعيه ونفسيه وماصرت اقدر اشتري مثل قبل
وبهذي الفتره صرت اشرب كبديل شاي او قهوه عربيه ثم تطور الوضع وصرت اشرب قهوه سوداء مقطره
طبعاً خلال فترة الانقطاع كانت تجيني اوقات اشتهيه وافقده لدرجة اني لما اشتري علبه اشربها احس بلذه وانتعاش
وسبحان الله بعد فتره اشتهيته واشتريت عبيت الثلاجه كرتون لكن انا من نفسي ماعاد استلذ واستطعم بمذاقه مثل قبل
وهذا انا الحين لي فتره طويله انفك عني ادمانه من قناعة نفسي مو من كلام الناس وتدخلهم في حياتي
عشان كذا اقول اتركي زوجك في حاله وماتدرين يمكن هو من نفسه يقطعه او يلاقي بديل
لكن اللي انصحك فيه شجعي زوجك يشرب مويه كثير لانه كل ماحس بالعطش لا شعورياً يشرب هذي المشروبات لانها بارده وتحسسه بالانتعاش ومتوفره بكل وقت
واذا يقصد انه يحتاج طاقه ترى العسل يعطي طاقه والتمر والشوفان مو بس مشروبات الطاقه اللي للاسف ممكن تسرع دقات القلب وتؤدي للوفاة مثل ماصار مع بنت مراهقه انتشر خبر عنها من فتره انها فجأه اغمى عليها ودوها المستشفى قالو قلبها وقف ويومها كانت شاربه مشروبات طاقه القلب ما يتحملها
ويقدر يسوي مثل الرياضيين مايطلع من البيت الا ويحط بسيارته شنطه فيها ترمس او زمزميه اللي مخصصه للمشروبات ويعبيها مشروب بروتين او اي مشروب بالحليب والثلج مع قوارير مويه وكل شوي يطلعونها ويشربون
حتى الاكل يحطون لهم علب بلاستك فيها وجبه صحيه وفاكهه ياكلونها اذا حسو بالجوع
لان زوجك جالس يتعذر لك انه يشتغل ويحتاج طاقه فا انتي جربي اقترحي عليه انك تجهزين له مشروبات وعصاير بارده يحبها وتحلينها بالعسل اللي يعطي طاقه وتحطين له ترمس فيه ثلج يحط منه براحته كذلك الوجبات الخفيفه وقوارير المويه عشان مايتعذر انه عطشان ويمر البقاله ويشتري
اوجدي البديل عشان يتعود بالتدريج
اما المعسل والتدخين ما اعتقد في حل غير انه هو يقتنع ويقرر من نفسه يتركه

ماعليك منه هو عقله براسه يعرف خلاصه

صادق ماراح يصيبه شي الا مكتوب له ...ويمكن انتي الي تجيك الأمراض هو سليم سبحان الله استودعيه الله ..

ولد اختي رجع سكن مع ابوه والحمدلله مرتاح وبجي زيارة كل اسبوع ل امه الحمدلله