زوجي يبينا نجرب التلقيح الصناعي ... وانا خايفه ,, شجعوني انصحوني ادعولي اي شي تكفون

السلام عليكم

انا ياطويلات العمر لي سنتين متزوجه اكمل السنتين بعد 5 ايام

حملت مره بعد زواجي باربع شهور وربي ماكتب انه يتم اجهضت في الثالث لان الجنين بدون نبض

والحين صار لي سنه وزياده من اجهضت بدون حمل

بعد الاجهاض ب 7 شهور كشفت عشان اشوف سبب تاخر الحمل ورحت للدكتور اللي سوا لي التنظيف واشرف على حالتي بالمستشفى

اول ماشاف ملفي قبل اي فحوصات قال انتي عندك تكيس اكتشفناه وانتي عندنا لما اجهضتي

طيب ليه ماعلمتوني

المهم استخدمت خلطه وتعالجت من التكيسات الحمدلله اختفت تماما

وبعده غيرت الدكتوره وطلع معاي التهابات ووعالجناها

الشهر اللي بعده طلع لي كيس في المبيض اليسار مدري على المبيض

الحمدلله على كل حال

اخذت حبوب بس ماراجعت بعدها ماادري الكيس راح والا مازال موجود

هالكلام من شهرين تقريبا

اليوم زوجي فاجأني انه خلاص يبينا نجرب التلقيح الصناعي الدوره الجايه (للمعلوميه زوجي حلل وسليم ماشا الله )

مع ان ظروفنا الماديه بالمرررررررررره ماتسمح

قال انتي ماعليك اتفقي مع الدكتوره بس انا باتسلفهم

ياربي يابنات وش اسوي من كثرر مااسمع باللي تفشل عملياتهم خااايفه اخاف اسويها وتفشل ونصير حطينا علينا دين على الفاضي

ابي تفيدوني هي كم تكاليفها وتشجعوني اسويها والا لا ؟؟ والله خايفه

انا باستخير ان شا الله والله يكتب لي اللي فيه الخير