زوجي يبيني أنا أصرف

السلام عليكم..مساكم الله بالخير والكرم اللي أتمناه..
الموضوع
ككل مسكينة تكتب بهالقسم
زوجي مشكلة العصر والله المستعان
جنني مايبغى يشتري مايبغى يصرف أجل ليه تزوجت؟
الحين أقول له ملابس ولدنا ضاقت مرة وبنشتريله قال
انتي اشتريله مو انتي أمه
تعبت والله
واذا خرجنا يشتري على حسابي
بنات والله أنا أستحي
أقول لاتشتري من فلوسي
يعني نكون نتسوق ويعجبه شي ياخذ من فلوسي اللي عطيته عشان يحاسب لي
والكماليات في البيت كلها أنا أجيبها
أحرم نفسي من أشياء أهم شي عندي بيتي يطلع حلو

واللهم لك الحمد أصلا في بداية الزواج طلبته يعطيني مصروف
وكنت أصرف وأرفع منه وكذا..بس انه أكثر الشهور مايعطيني يقول مزنوق
أو عندي قطة زواج
يعني كنت في الاحتياط
والحين الله من علي بوظيفة متعاقدة طبعا وراتبي الحمدلله أتصدق وأشتري اللي نفسي فيه
لكن ياناس تعبت عينه علي في كل شي
انتي مبذرة
ويتسلف مني كثير ومايرجع
مع أنه راتبه حلو صح عليه قروض
أنا مابيه يتعود على كذا
آخر مرة طلبني رفضت قلتله عندي التزامات وجمعية
وزعل
والحين مابيشتري لولده ملابس
وبعض الأوقات يجيب أغراض ويكون متضايق أويفتعل مشكلة
وبس يهاوش اذا قلتله جيب حليب للنونو
أو بامبرز
طيب إيش أسوي
أوف
تعبت نفسيتي من المنة والحن على النفقة
زهقت
بس قررت انو عيال ماااافي خلااااص
كيف أجيب عيال لواحد يصرف بالغصب:icon33:
الله يهديه
يارب أنا منتظرة الفرج
وانصر اخواننا في سوريا
واقتل الأسد شر قتلة
آمين