زوجي يبيني اتنازل عن حقوقي

زوجي عنده اربعه اخوان وكلهم متزوجين المهم هو جدا متعلق في اهله وخدوم لدرجه نسي زوجته وعياله وصحته عشان اهله بالبدايه ماكنت اعارض ابدا واقول اصبري بس نسيني تماما ماعاد يفضى لي من كثر مشاغل اهله لدرجه الجامعه اروح مع سواق واخواته هو يوديهم دواماتهم والسوق هو يودي اخواته وانا يادوب ادبر نفسي للضروره اروح مع اخوي حتى بعض مشاويري ابوه يوديني حسيت الوضع مو طبيعي وهم تمادو لدرجه صارو يلومون زوجي لو قام فيني يقولو اهلها واخوانك وابوك موجودين ليش انت توديها وتجيبها وفالمقابل هو متفرغ تماما لاخواته وامه ...واخوانه بس مشغولين ببيوتهم وزوجاتهم شايلين يدهم تماما وابو زوجي مريح نفسه عالاخر ...
المهم ماعجبني الوضع فبدأت اطالبه بحقوقي وانه انا زوجته وهو مسئول عني ومشاغل اهله يتساعدون هو واخوانه وفعلا دخلنا في مشاكل كثيييرهً بسبب هالموضوع اهله جنو وقامو بس شافوه بدأ يهتم في بيته وعياله ..
انا حاليا مرتاحه صح مرت سنين مشاكل لحد ماتعدل وضعي بس زوجي ماينام حتى الليل من الهم وزنه نازل وبس يفكر يبي يرتاح اهله ضاغطين عليه يبونه يرجع مثل قبل مسؤول بشكل كامل عنهم وعن بناتهم وانا اضغط عليه في اي شي يتعدى حقوقي وصلنا لمرحله انه ابوه طرده من البيت لانه جادله وقاله انه غلط اللي يصير وهم يبالغون جدا في طلباتهم يعني واضح يبون يشغلونه قد مايقدرون ..هو طلب مني اتنازل وارجع مثل اول مو مسئول عني عشان يرتاح مايقدر يقول لاهله لا بس انا رفضت وهو زعلان اللحين صار له اسبوع مايكلمني يقول ماتوقفين مع زوجك وانا مستحيل ارجع عاله على اهلي واخوانه مثل قبل الكل كان متضايق مني اللحين ارتحت ....
هذا كله لان زوجي طيب ومايقدر يقول كلمه لا مثل اخوانه او يقول كلمة الحق وكمان امه تغار الود ودها تخليني انا في بيت وهو في بيت ااااه بس