زوجي يبيني اجلس مع .....

السلام عليكم
زوجي من زمااان وهو دايم يقولي انه زهق من لبسي للنقاب ؟ يبيني البس لثام الي هو مثل النقاب لكنه نص يعني الحواجب طالعه ونص الوجه يبان انا كنت دايم اقوله ان هالطريقه ملفته وخاصه ان عيوني اصلا فيها لون لكنه يرجع لي مره ثانيه ويقول لي وشذا الي تلبسيه ؟ مو حلو يرجع على اللثام ؟!! انا غرضي من اللبس الاحتشام وعدم لفت الانتباه لان اعتقد اني رح يكون لي ذنب اذا كنت سبب في ان رجل ينظر لي المهم الاغرب من كذا ان هالايام كنت معاه في مطعم وهو عنده صديق عمل من لبنان اعتقد هو مدير المهم قالي زوجي لو اني اعزم صديقي معانا يجلس في المطعم عاادي تتحجبين :eek:؟؟ يعني يسالني انا ما عرفت ارد تفاجأت تضايقت مرره عاداتنا ماتسمح اذا كان هم عادي يجلسوا مع بعض ذاك مجتمعهم وتربوا في بيئه كذا لكني انتمي لاسره محافظه عمري اصلا مارفعت النقاب ولا ابوي كان يسمح حتى بالحجاب غير كذا وين الغيريه ؟! ماعرفت ارد عليه الي صار فيني بداخلي اعظم بس قلت له هم مجتمعهم غير وحنا غير وبعدين هو لحاله بدون عايلته صعبه ؟ردي ماطلع الي بداخلي ابدا لكني مازلت متضايقه لمجرد ان مرت بباله هالفكره ؟وهو من زمان بعد لما اكون معاه في السياره يقولي عادي تحجبي لكني ارفض حتى لو ان الحجاب مو حرام وبعدين ياما يشوف بالصدفه احد يعرفهم وانا معاه كيف يشوفوني بحجاب ؟ وهم اصحابه واحيانا بعد لما اكون معاه في مطعم يقول عادي تحجبي لما يدخل علينا الجرسون ولما سافرنا في منطقه في السعوديه قالي عادي خلك متحجبه لكني ارفض كوني مو متعوده والشي الثاني ان زوجي هو الي يطلب ؟! بعد ماالمفروض يحسسني بغيرته علي الاصعب الموقف الي قالي عادي المدير يكون معانا وانا متحجبه :08: وانه مصر يبيني اتلثم يعني شكلي بيكون ملفت احيانا يفشلني لما اكون معاه في السياره وبشرب شي والا باكل ارفع شوي النقاب من تحت فيعصب يقولي خلااااص شيليه ؟! اقوله انا كذا مرتاحه بنقابي يقولي لا افضل انك تشيليه عشان تعرفي تاكلي ؟ فأرفض ولا اشرب او اكل طالما ان المنظر عنده بشع :( ما اقدر اني اتخيل نفسي بحجاب قدام احد من معارفه والا ملثمه اكون عرضه لنظرات الرجال :( شنو رايكم