زوجي يبيني اساعد اهله

مرحبا بناااات....كيفكم؟؟...ربي يسعدكم كلكم ان شاء الله
المهم..بقولكم مشكلتي...انا متزوجه من سنتين..وعندي ولد عمره 3شهور الله يحفظه....علاقتي بزوجي حلوووه ونحب بعض الحمدلله وامورنا تمام...واكيد بتصير لنا مشاكل مثل اي زوجين....طبعا انا ساكنه في شقه فوق اهل زوجي...واخوانه خمسه متزوجين في شقق جنبنا...لانه هو فلتين متلاصقه في حوش واحد...علاقتي مع اهل زوجي رسميه والحمدلله مافي مشاكل وامه طيبه...وكل وحده فينا تشتغل وتطبخ في شقتها...لكن الحين خدامة اهل زوجي مشت امس...وانتو عارفين ازمة الشغالات...وزوجي طلب مني اشتغل لاهله يعني اطبخ لهم وكذا...طبعا في وحده من سلفاتي تزوجت معي وسكنت تحت عندهم...وهي طول هالسنتين ماطبخت لهم كانت تاخذ الاكل جاهز تسويه الشغاله...والحين زوجي يبيني اكلم سلفتي هذي واتفق معها على الشغل يعني بيني وبينها....طبعااا انا وافقت على فكرة اني اساعدهم لكن ماالتزم بهالشي ويكون بيني وبين سلفتي هاذي بس....لان فيه حريم غيري وقلت له انا كل 3 او 4 ايام بسوي غدا وعشا ومثل ماانا اساعد لازم غيري يساعد..اما اني اشتغل مع زوجة اخوه بس يوم ايه ويوم لا هذا مستحيل...لاني عندي اشغالي وبيتي وولدي..طبعا هو عصب وزعل ويقول مالي شغل بباقي الحريم انا علي فيك انتي وبس..وانا بعد عصصصبت وقلت له لو مافي غيري موجود من عيوني لكن البيت مليان زوجات اخوانه وانا اللي اشتغل لااا...واصريت على اني موافقه اساعد بس بدون ماالتزم الا اذا حريم اخوانه ساعدو...طبعا زعل...وانا مستحيل اوافق على اللي بيقوله...لاني متاكده انو الشغاله بتطول مابتجي وبكره يقعدون يحاسبوني اذا التزمت معهم

انا كتبت مشكلتي بس عشاااان تقولو لي بااااامانه انا غلطانه او لا وزوجي معه حق اولا علما انو تحت فيه اخواته ثنتين بس يدرسون وحده باولى جامعه والثانيه بثالث متوسط

ونسيت اقولكم اني انا اساسا مااطبخ يوميا في بيتي واذا طبخت الغدا يكون متاخر على صلاة العصر وانا اساسا اصحى متاخره قبل العصر بشوي لانو ولدي ينام متاخر ومناسب لوضع زوجي ودوامه


انتظركم ومشكوووورين مقدماااا