يووه ي بنات أحسكم عقدتوا المشكلة اكثر ،، الحين هي مو مرتاحة وكل يوم تجي تشكي وتدور خلطات واشياء عشان هالمشكله يعني هي ودها بعد ان جسمها يكون احلا وكلامكم ما يحل المشكلة ، هذا زوجها وأبو عيالها وعشرة 7 سنوات وش الفايدة تقوله انت بعد فيك وفيك ؟؟! بيقول هذي مو كفو اللي يناقشها ويعلمها وبيطق له عروسه بنت بنوت تبرد كبده ، طيب لو انا مكانها >> ركزوا قلت لو انا مكانها وزوجي يلمح لي كم مرة طبعاً بأخذ الموضوع بشكل طقطقة وما ابين له اني متأزمة من شكلي وأقول هذا جسمي وانت شفتني من قبل ومدري ايش >> كلامك كذا يعني وضحتي له انك زعلتي هو داري انه شافك واعجبتيه وتزوجك اوكي هذا الكلام قبل 7 سنوات كنتي فرفورة وصغنونه وكبرتوا عاد وتغيرت قناعاتكم واكيد بهالوقت والبرامج اللي هابين فيها والبنات المزايين بيشوف أشكال وألوان فهو شايف العالم والجمال وما راح يرضي رغباته بطريقته ،، جاء لك لانه يحبك ويبيك انتي ترضين هالشي فيه ،، وما عليك من اللي تقول تفكيره سطحي ومدري ايش كل الازواج حريم ورجال يتمنون شريك حياتهم جميل وأحلا منه مافيه ،، اذا لمح لك او صرح مرة ثانيه خليك وسبعة خاطر واضحكي قولي بس كذا ! ابشر ولا يهمك والله لاضبط لك اللي تبي عطني بس الدراهم وازهل كل شي بس بشرط نعيد شهر العسل عشان بتشوف عروسة جديدة 😍 واكلي بعقله حلاوة وروحي وضبطي عمرك وسوي بعد إبر نضارة وتقشير وبعد لو تبين عملية تجميلية للبتاع ي سلااام عشان تكمل ودلعي نفسك وزوجك وانبسطي وش لك بالزعل وجرحني ومدري ايش عادي المفروض كل واحد يصارح الثاني باللي في خاطره ،، انا ممكن أسوي هالأشياء وهو مايدري افضل عشان اهايط عليه بس مادام هو صرح لك وطلب مافي مشكله يدري خله يدفع هو 😅 كثرت الكلام بس والله اعتبرتك مثل اختي ونصحتك وانتي براحتك ،، الله يجملك بعينه ويسخره لك 💕
*** ملاحظة ،، ترا ما ادري وش حكمها الشرعي طبعاً لازم تسألين شيخ قبل والله يسهل امرك

طيب انا عكسك صدري كبير ومو عاجب زوجي وش يرضيهم الله ياخذهم !!
كنت زيك ماعندي صدر وكان ينقد علي يقول نحيفه ولاعندك صدر والملابس ماتضبط عليك والبناطيل ولما متنت وطلعلي صدر برضووو مو عاجبه وواضح من نظراته ان جسمي مو عاجبه بس والله مافكرت فيه اكل واشرب وهو بالطقاق لان هو دب مره وانا وزني ف الستين اذا هو بيشوف عيوب جسمي ياليت يشوف جسمه الي تقولون جسم ثور بعدين يتكلم قطعيه تقطع ذا الرجال 🌚🌚💔💔

اللي يقولون زوجك يشوف محرمات ترى ماندري


والله الرجال يسالون بعض ويعرفون ويبحثون بس ماتوصل للحرام ولا ندري عن الرجال من وين عرف


اما انتي حبيبتي والله الرجال الغلط فيه اسلوب طلبه اما الطلب نفسه مافيه شي فيه طرق كثير لجل يكبر الصدر وتمارين ومدري وش واحمدي ربك انه يبين لك رغباته مثل ما انتي قد تكونين تبينين له رغباتك شي طبيعي والله اعرف رجال يهددون زوجاتهم بالزواج عليهم لو ما ينحفون




تري اغلب الرجال الا من هدى الله ما عندهم اسلوب تقبلي الموضوع ولا تضايقينه وبيني له انك انقهرتي من اسلوبه فقط لجل لا يتركك ويروح لغيرك احتوي زوجك وكل الامور تصير بالنقاش




الله يسعدكم ويوفقكم

خذيها من ناحيه ايجابييه زين طلب هالشي منك وقالك انه يبيه احسن من انه مو عاجبه وساكت وياخذ هالشي بالحرام ، وشي ثاني اذا زوجك مثلاً يحب الجسم النحيف وانتي سمينه حاولي تنحفين او العكس لو انتي نحيفه وهو يحب السمان حاولي تزيدين وزنك اغلب الرجال ترا مره يهتمون بالجسم ولو جسمك مو زين او مو عاجبه ينشغل بالحرام زين انه قالك انتي اللي يبيه

ليتك كسحتيه وقلتي اولا الفيلر مايحقن في الصدر اللي اعرفه يجي بالوجه واليد وكذا
ثانيا في شي أمن من السيلكون وهو حقن دهون ذاتيه
يشفطون من اماكن بجسمك مليانه دهون ويحقنونها باللي تبينه واغلبهم صارو يسونها مافيها خطوره لانها دهون من نفسك جسمك ماهي ماده غريبه يعني انا لو مكانك باعطيه كم كلمه ع وجهه بعدين اسوي مو عشانه عشان انا اكون مقتنعه وواثقه ولا اخليه يتكلم ويمكن بعد ما اسنع جسمي اطلب الطلاق عشان ينقهر 😹