زوجي يبيني مثل المشاهير والفنانات والمذيعات

وعليكم السلام
هلا اختي
ترى الرجال لو نمشي على اللي يبونه ماعشنا للحين
الرجال مايملى عيونهم شي حتى لو كنتي اجمل من الفنانات واللي يبيهم ينتقد
خلي عندك ثقه بنفسك وسوي اللي يريحك مثلي ولاعليك منه اللي يشوفهم يقول كاشخين 24ساعه كلها سروال وفانيله ويقولون ابيك مثل ذا وذا
واذا ع السوق الكل عيونه زايغه ماعليك ارمي ورى ظهرك وطنشي وعيشي والله لو ركضنا وراهم ماعشنا للحين

الله يعينك والله اللي عيونه زايغة مايرضى بشي مهما تسوين معاه بس انتي لا تكلفين على نفسك اهتمي بنفسك ومظهرك على قدر استطاعتك
لان مومعقولة بتعوديه على كل يوم صبغة وميك اب اوفر ولبس جديد مع الوقت بتتعبي وتملي والرجال ماهم شي خلي اهتمامك وسط وهو بيتعود مع الوقت
وانتو لسا توكم متزوجين مع الوقت بيحبك وبتعجبيه بكل الحالات الله يسخره لك ويهديه ويوفقك

لا ضرر و لا ضرار تدرين خلك وسط كل يوم ستايل وفكي روحك علشان اذا شافك يحسبه ستايل جديد يعني يوم فستان بيتي يوم دراعه يوم بنطلون يوم طويل يوم قصير و الاكيد على حسب قدرتك و المكياج بعد على حسب قدرتك لنفسك عليك حق و اهتمي ببشرتك مع الارهاق و المكياج يبي يبين عليها و اذا يبي اهتمام زياده قولي ياله المشغل و يدك على فلوس الصبغه و المعالجه خلي يشوف ان كل شيء يبي ثمن

ترا المذيعات ودول كلها عمليات تجميل خاصة بعد ما القنوات والشاشات صارت hd صار اجباري التجميل مو على كيف الوحدة والا يخلوها تسيب الوظيفة
ولو مو تجميل كل مكياج
شوفي الممثلات لما يمثلو احد ماتلهم كيف وجوههم بدون مكياج ولا لما يمثلو انهم فقراء بالقمصان القطن وحالتهم حالة
يعني همن زينا زيهم بس احنا طبيعيين
والرجال وعقولهم الصغيرة يحسبو دوليك طبيعين و24ساعة كدا
وهمن حتى ثقة بنفسهم حقيقة مافي
هاتي وحدة فيهم وقوليلها اطلعي بدون مكياج مستحيل
غير فنانات الغرب عادي عندها تطلع بدون مكياج
بلبس رياضي ببجامة حتى عادي يعني
المهم فهمي زوجك الشي دا
وفهميه انو كل وحدة عندها فريق عمل كامل
الي يلبسها
الي يمكيجها
الي يسرح شعرها
الي والي
خلي يجبلك حتى انتي فريق كامل زيهم وبعدين يقارن
ولا طالبيه انتي بأنه يكون زي الفنانين
اهم شي سوي الي عليكي
وكتر تغيير لون الشعر يخربه وبعدين ما راح ينفعك زوجك بالعكس راح ينتقد وينتقد
كلميه وفهميه بالمنطق الحياة الواقعية غير حياة الفنانات وكدا

الله يعينك