مدام زوجك يحبك
عيشي ببيتك معززه مكرمه
وزواجه عليك مب حرام ولا تقليل من شأنك
نصيبك ونصيبه.
ارضي بالمكتوب ونصيحه لاتسمعين كلام الحريم
الي تنصحك بالطلاق او تحرضك على زوجك.

هو ببتزوج خلاص


اول شي ارضي بالقضاء والقدر لان هذا الشي كاتبه لك ربي قبل تولدين .. ولو اطلع الانسان ع الغيب لمااختار من اقدار الله الا ماقدره الله له .


بعدين يتزوج الان وتنتهين من التفكير بهالموضوع ولا تقعدين تنتظرين زواجه كل يوم ..


وممكن تكون سبب لحملك بعد ارادة الله .. كثير يحملون بعد زواج ازواجهم عليهم


وحتى لو قدر الله .. وجاه عيال منها بيكونون اخوان لولدك .. وعزوة له .. ابوهم واحد..


والبكاء وضيقة الصدر طبيعي انك بتحزنين لكن لو فكرتي الله يجعلها اكبر المصايب ولا يجيك اكير منها

شوفي يامنى على كلامك زوجك متزوج متزوج يعني جزاه الله خير انه بلغك وسببه قوي زين
اللحين نجي لك انتي زوجك صبر 10 سنوات ماقصر وتقولين انه يحبك. وعندك بيتك الي مستقله به عن الحاجه للناس وولدك الله يحفضه عنده غرفه خاصه به وانتي ان بغيتي تاكلين اكلتي بغيتي تنامين نمتي بغيتي تطلعين طلعتي ماعليك احد يضايقك
بس لوتركتي بيتك وخربتي حياتك بتفقدين كل ماذكر وبتفقدين استقرارك انتي فكري لوانتي عند اهلك وبغيتي شي لازم تفكرين الف مره كيف بتوفرين الي تبين لو عندك اخوانك واهلك بس مره ورى مره بيملون
فنصيحه يأختي تمسكي ببيتك وزوجك عاد الشكوى لله مابليدحيله وماتدرين لو ان السعاده لك والمحبه بعد زواجه... انتي بس اكثري من ذكر الله سبحانه والصدقه بنيه اصلاح زوجك لك

أول شي يا أختي اعرفي إن الزوج إذا كتب ربي يتزوج بيتزوج لو جبتي له عشر أولاد
و نصيحتي لك من واقع تجربة عندي ولد عمره خمس طعش سنة لو يسافر أبوه يوم ما قدرت عليه
حتى التزامه بالصلاة بالمسجد إذا كان أبوه موجود حتى الفجر يصليها بالمسجد و إذا كان مسافر اموت يا الله اطلعه للصلاة
هم كذا الأولاد يسمع كلام أبوه و يتفاهم معه
يعني يا أختي ولدك عمره عشر سنوات أكيد متعلق بأبوه لا تخلي الولد في موقف صعب يختارك أو يختار ابوه
ولو كان زوجك رجل و محترم و ما رح يأخذ ولدك منك
مستحيل يرفض طلب ولده لو قال بعيش عندك ما ابغى أهل أمي
و بعدين فكري زين تطلقين عشان تتزوجين واحد معدد
احمدي ربك لا فساد و لا مخدرات يطين عيشتك و يخرب أخلاق أولادك
ما تدرين يمكن ربي يرزقك بعد زواجه ذرية تنسيك زوجك و زواجه و الناس كلهم
الله يكتب لك الخيرة و يرضينا و أياك بالمقسوم

اهلين خواتي الله يجزاكم الف خير علي كل اللي دخلت موضوعي وردت علي يشهد الله انكم اعز من خواتي ع قلبي..صحيح اني مابي اتتطلق من زوجي ابو ولدي واحبه وبينا عشر سنين..وعشان ولدي له 6سنوات مو كبير ومحتاج ابوه ..بس صعب مجرد تفكير ان ضره تشاركني زوجي بكل شي ..وزوجي اعرفه اللي تقول ماقصدهم العيال زوجي ماتزوج الا عشان العيال وهو صراحني في هالشي ..بس مابيدي حيله حسبي والله ونعم الوكيل...ياليت خواتي تفدوني احس في شي بجسمي يرتفع لفوق وينزل وزي الحراره .مره تعبانه داعواتكم لي ان ربي يفرجها علي..