السلام عليكم
اخواتي بالله عليكم احكموا في امري وانقذوني وشوروا علي بالله عليكم
كل ام تقولي ايش بيكون موقفها واييش ممكن تتصرف
انا زوجة ثانية
زوجته الاولى ماتنجب لكن مربية ولد وبنت من الدار
ووولدي عمره سنة وشهر الان
وهي ماعندها الا جيب الولد يعني تريد الولد عندها ودايما هواش على اخذ الولد
لها لاني ام ورافضة وهي ماتقصر كايدة بي لدرجة ماتتخيلونها
رغم ان عيالها اللي مربيتهم كبار في 8 سنوات ماتجيبهم عندي حتى لما نامت بالمسشتفى قال مايدخلون بيتك
المهم اليوم انا قاعدة في حالي انظف بيتي الا دق الباب الساعة 1 ونص الظهر والجو حار
كان ولدي قايم من بدري وحطيته بسريره قلت ياخذ غفوة بعد عمري ونيمته
الا دق الباب حضرة اابوه وجا حسيت الشر بعيونه قال وين الشيخ قلت قايم من بدري اولان نام
الا راح له وقيمه من نوهمه وقال تجي مع بابا قلت فين تو الناس الظهر الشمس والعة قال اباخذه استراحة مع الشباب ؟!؟؟!؟!
اخذه ببجامته ولا غيار ولا شي وحافي والولد مسكين في يده
قلت اي استراحة قال حوض حمام العيال كلهم هناك والبزارين يلعبون قلت بس خلنا العصر وخذنا
قال ماني جاي الا بالليل
المهم صارخ في وقال فكة منكم يالحريم اباخذه لي حق فيه انا ابوه
واخذه ياقلبي وطلع الشارع قلت ارحمه من الشمس انا هنا افتح له مكيف لما يلعب في البيت مو عاد تاخذه حوش حمام !!!!؟؟؟؟
والله ماقدرت اصبر تخيلو يابنات طلعت من عقلي جريت وراه للشارع بدون عباية ولا شي ببجامتي وفتحت باب السيارة واخذت الولد صار يصارخ طالعة كذا قلت اي طالعة كذا
هات الولد ياللي ماتخاف ربك هاته
وتف علي وسبيني وراح
وانا متأكدة انه ببجي بطلاقي بسبب زوجته اللي حتقوله مالك حكم عليها شفت كيف وماتخلي لي كلمة
مرة قال اباخذه المستوصف واخذه لها قعد عندها 3 ساعات
ومرة اخذخ قال البقالة وراح وغاب 4 ساعات وجابه بشراب بنات وقديم
واسكت ولما ياخذه مايرد على الجوال ويقفله
يابنات ويامهات معاه حق ولا لالالالا
يقول ولده وهو حر فيه
بس هذا ولدي ياناس ادعولي هالحرمة كل شوي تقوله جب الولد لاجل اتهاوس انا وزوجي
انا متاكدة انها هي اللي طالعة استراحة مع ا هلها ويبغى ياخذ الولد غصب عندها
مرة قالي لازم يتعود على غيرك
اتوقع انه يفكر بطلاقي واخذ ولدي عندها
بالله شورو علي قبل مايجي بالليل حيسوي مشاكل وممكن ضرب وطلاق
ايش اسوي ماعندي احد انا غريبة لا اخت ولا اخ واهلي في جدة
جيت لناس ماتخاف ربها ارسلت لاخته شوفي اخوك ايش سوا لكن ماردت علي
لحظة فراق @lhth_frak
عضوة فعالة
يلزم عليك تسجيل الدخول أولًا لكتابة تعليق.
اختي الغالية اوصيك باللين مع زوجك لانه واضح انه ماينفع معه القوة والعناد خاصة ان هناك من يحرضه ويتهمه بضعف الشخصية اذا سمع كلامك لكن باللين تصلين الى مبتغاك والى رضاه عنك اقنعيه بهدوء ولا تسئين الظن فيه وفيها والتمسي العذر ....يمكن هو ياخذه من باب الشفقة على الزوجه الاولى وهي لاشعوريا تحاول الحصول عليه بأي طريقة لذلك اشفقي ايضا على مشاعرها واحتويها احتسابا للاجر ويبدو ان فيها خير حيث انها ربت ايتام وهي لاتريد منك شئيا تريد فقط ان تشارك في تربية ابن زوجها استخدمي ذكائك ودبلوماسيتك واشترطي على ابوه انه يوديه ساعة لانه رضيع يحتاج عناية ولاتريدين أن تكلفي على أحد وحاولي باللين وليس بالعنف أن تقنعيه ان ينتظر حتى يكبر الولد وأنك تحبين لم الشمل ولا تسعين الى التفرقة .......وعلى فكرة لاتسمعين للردود اللي تحرضك الله يصلحهن .....واذا كان كذب عليك فاانت اللي حديتيه وكذب لأنه خايف من ردة فعلك ......وأنا لو منك مااخذ مانع واخلف كل سنتين وراء بعض وابلشه بالخلفة وبيجيك يوم تقولين له يااخي خذ عيالك لبيتك الثاني فكني من صجتهم شوي ........... والاولى تقول ليش جايبهم عندي انا ماتحملهم
*ريناس*
•
الله يعينك اختي اهم شي حصنيه دام هو بعيد واستودعيه الله ولا جا زوجك من برى لاتتهاوشين معه وخاصه وانك لوحدك في غربه واهلك بعيد قولي له الولد ولدك وانت عارف قلب الام على اطفالها واصحى بالك تجيبن له طاري زوجته الاولى له نهائي وانه هي محرضته عليك وزي ماقالو البنات امتصي غضبه وضروري تكلمين اهلك يشوفون وضعك معه لان مو كل مره تسلم الجررره والله يعييينك
الله يكون في عوونك وبصرراحة معك حق..
قلب الام على ولدهااا هو الي يحكمك ومااحد يقدر يقلك كلمة
قلب الام على ولدهااا هو الي يحكمك ومااحد يقدر يقلك كلمة
الله يكون بعونك يا اختي ويصبرك على ما بلاك
الاب من حقه يجلس مع ولده وينفق عليه ويربيه لكن انتي الام في هذا السن الصغير انتي اولى فيه
ياخذه استراحه وهو لسا طفل مايدرك جدا خطر انتي قولي له انت تبغى تعرض ولدك اللي من صلبك للخطر كل شوي ماخذه مني مرة عندها ومرة استراحه يعني مارح تحبه اكثر من امه اللي ولدته طبعا كلميه بهدوء ووقت مناسب واذا في احد من العائلة ابوه مثلا كلميه لان كلام الحريم ماينفع ولا يجيب نتيجه
الاب من حقه يجلس مع ولده وينفق عليه ويربيه لكن انتي الام في هذا السن الصغير انتي اولى فيه
ياخذه استراحه وهو لسا طفل مايدرك جدا خطر انتي قولي له انت تبغى تعرض ولدك اللي من صلبك للخطر كل شوي ماخذه مني مرة عندها ومرة استراحه يعني مارح تحبه اكثر من امه اللي ولدته طبعا كلميه بهدوء ووقت مناسب واذا في احد من العائلة ابوه مثلا كلميه لان كلام الحريم ماينفع ولا يجيب نتيجه
الصفحة الأخيرة
الله يهدي سرك يااختي ويعيننا عليهم.