اسمحي لي اختي اللي قالت هالكلام قليلة عقل لانه استحالة تجي واحده وتربي عيالها
وهي تروح تكمل باقي حياتها حتى الحيوانات ما تترك عيالها
ولا فيه احد ملزومه تربي عيال غيرها عشان تتزوج
اسمحي لي اختي اللي قالت هالكلام قليلة عقل لانه استحالة تجي واحده وتربي عيالها
وهي تروح تكمل...
احس لي اخوات في الله يشعرون باللي انا فيه ويحسون بي الله يسعد كل وحده ردت وتعبت نفسها وكتبت لي الرد وكل وحده رفعت الموضوع الله يرفع قدرها حتى لو دعت لي بظهر الغيب الله يوفقكم ويبعد عنكم كل شر يارب ..
اللي تقول انت ناعمه الشمري ياحبي لك :27:لاوالله ماني هي اتوقع هي عضوه معنا في عالم حواء صح؟؟
اخواتي اللي يقولون غيري ستايلك ولبسك وعطوراتك والله انا معكم في هالشي صحيح البس لزوجي لبس مرتب وحلو
بس هو دائما يحب البناطيل الجينز وانا صراحه مااقدر البسها قدام العيال غير ان فيه فتوى بعدم جواز لبس هالشي قدام العيال الكبار والشغاله كنت البس في غرفتي بس والله احس شكلي غلط لاني يجي متاخر على12 ومامداني البس واطلع والبس قميص نوم ماامداني اصلا والعطورات الحمدلله انا مهتمه بنظافتي وشكلي دائما مرتب والعطورات عندي كثير حتى هو يقول دائما ريحتك حلوه ونظيفه ..اما الفرفشه والله اني حبوبه وفرفوشه الحمد لله واحب المزح والضحك ماني كئيبه ابد الحمد لله وكل اللي حولي يحبوني ماعدى الحساد هذولا غيير..حتى شكلي الحمدلله اصغر من عمري مايبان علي السن لان ملامحي صغيره وناعمه
هههههه خاف تقولون مادح نفسه..... بس والله هذي الحقيقه..حتى زوجي يقول هالشي
اما عن الرضاوه والله مايبرد كبدي الا ان يكتب لي البيت باسمي ويحط لي رصيد في البنك مايقل عن 100الف البنت الجديده اللي بياخذها ماهي احق مني انا اللي صبرت عليه اول حياتنا وانا اللي استحق اكثر من غيري:mad: بس مااتوقع اكيد بيرفض ..غير انه مايبي يستاجر برا لانه من النوع الشكاك مايقدر يستاجر لها بعيد عن عينه تصدقون حتى شبابيك الملحق مقفل كل اللي تطل على الشارع واللي مايقدر يقفلها رافعها فوووق الله يهديه ماادري وشلون يفكر..
اما سالفة اني اطلع واروح لأهلي ماضمنه صراحهه وكرامته ذابحته و عنيد خاف يسحب علي ويقول هي طلعت من حالها ترجع من حالها والله ذل وصعبه علي ..اما اني اشرط يخلي العيال عندزوجته زوجي يلعب على قبيله اهم شي يسوي اللي يبي بعدين بيقول طيب ولا يهمك يخليهم يومين ويرجعهم بعدين ويقول خذي عيالك ان اعجبك والا مع السلامه وش واسوي وقتها ؟؟؟
ومن ناحية اني اصرف على نفسي هو والله مايقصر بس لازم زن كثير حتى يوافق وانا ماني من النوع الزنان اكره هالاسلوب واتعب منه بس شكله ماينفع مع الرجالالا كذا
والله ماني قادره اتقبل فكرة زواجه ابدا كل مااحاول اقنع نفسي بس أتخيل الوضع ابكي الين اتعب وشلون لو تزوج وحطها قدام عيني والله اخاف يصير فيني شي من القهر المشكله انه هو يشوف انه عادي كل وحدهب بيتها وش دخلها فيك قاهررررني مهو حاس فيني...
وكل كوم وشماتة الحساد هذي كوم لحالها :44:يووووه والله ليسير عيد عندهم ويفرحون فرح ماصار اليك اشكوحا لي ياربي لا تكلني الى نفسي طرفة عين ولا تحملني مالا طاقة لي به
اختي عطاء شخصية زوجي شمالي غربي بس ماعرفت اتعامل معه على اساس هالنمط اللي تعرف ياليت تقولي
انا بقولكم صفاته ..هو سريع الكلام سريع المشي سريع الاكل كل شي سريع سبحان الله
فيه استعجال وتهور عصبي جدا بس قلبه طيب وحنون مرره يرجع بسرعه كلمه طيبه وحده تخليه يسامح حريص شوي في الفلوس بس الشي الضروري مايبخل ابد مع انه هالحين بعد ماكبر بدا يفك شوي طول وقته يشتغل مايحب يقعد فاضي ولسانه سليط ومااحد يجاريه ياكافي :) اذا زعل يبالغ في زعله من كل شي واذا رضى يبالغ في الرضى لدؤجة مايشوف ولا عيب واحد في اللي يرضى عليه يعني غير معتدل في احكامه وفيه مزاجيه شوي وفوضوي جدا..
تراني قاعده الون لكم عشان ماتملون :) مع اني مالي نفس :44: