كن معي ياألله :( & :

السلام عليكم ورحمة الله وبركاته كيف حالكم يااخواتي وحشتوني كثير ووحشني كلامكم اللي دعمني على الاقل نفسيا ويحسسني ان فيه احد يحس فيني ويقدر وضعي بعد الله طبعا رجعت لكم بعد ماتنومت في المستشفى كم يوم وسووا لي تحليل وفحوصات كثيييره بعضها طلع الحمد لله سليم وبعضها لسه ماطلع وهي الاهم ..شاكين في مرض خطير عندي ..ادعوا لي اخواتي والله نفسيتي زفت حتى من قبل ادخل المستشفى وبعد زادت اكثر تكفون لا تخلوني من دعوه صادقه يمكن فيكم من هي مستجابة الدعوه ربي اشفيني يارب وفرج همومي.. تخيلو ا اخواتي تنومت من الاربعاء الى السبت ماجاني زوجي الا مرتين بس ويقعد 5 دقايق ويروح وامره الثالثه انا كلمته عشان الاشعه والاشياء اللي طالبينها صعبه ولازم احد يجي معي .. ولدي هو اللي دخلني المستشفى ونام عندي يوم وقعدت طول الايام الثانيه لحالي مامعي الا ربيبناتي ماسكين البيت ومشغولات باخوانهم وهو مشغوووووووول كالعاده وانا اخر اهتماماته ماكان كذا قسى قلبه علي كثير ماادري ليه هذا كله عشان قلت ماابيك تزوج مااتحمل ضره ؟؟ تخيلوا انا طالعه من المستشفى تعبانه ممنوعه من الحركه الكثيره وهو يبي اغراضه تجهز ويبي كل طلباته مجابه مايراعي اني تعبانه ويبغى لي راحه هاليومين مع اني اخلي الشغاله تجهز كل شي حتى الغداء انا اسويه بمساعدة الشغاله بس هو كأنه يدور له عذر كل شوي يقول عاجز مايخدم عاجز..والا يقول الله يشفيك لعيالك ولنفسك؟؟؟ وكل شوي يحسسني ان البيت ماشي بدوني يوم كنت ماني فيه واذا شافني مصدعه وتعبانه يزيد حقد علي ماادري وش سويت فيه مو المفروض يداريني شوي يوم امرض والا حجر مااحس؟؟والله اني اكتب لكم ودموعي على خدي من الحسره على نفسي ليه هذي تكون اخرة العشره يتخلى عني في وقت انا في امس الحاجه له ولحنانه ولكلمه طيبه تخفف عني لو هو مكاني والله ماخليه؟؟لأشيله على كفوف الراحه وطلباته كلها اوامر وشلون ماسوي كذا وهو ابوعيالي عشت معاه احلى سنين عمري يوم يمرض اتنكر له..آآآآآآآآآآآآآآآآآآآآه يااخواتي قلبي يعتصر من الألم تهقون واحد يعاملني كذا وهو الى هالحين ماتزوج ممكن انه يهتم في بعد زواجه من وحده ثانيه تاخذ عقله ؟؟؟ مااقول الا حسبي الله ونعم الوكيل هو ربي ورب المستضعفين الله ينصرني عليه نصر عزيز مقتدر

السلام عليكم ورحمة الله وبركاته كيف حالكم يااخواتي وحشتوني كثير ووحشني كلامكم اللي دعمني على...