كل حرمة تحب الإستتقلالية ... بس اللي يسويه زوجك مومعناته انه يحاول يدوس عليك .. لأ هو يحاول يبر ابوه ومفتكر انه تذمرك هو بسبب كرهك لأهله وانه تذمرك محاولة لقلبه على ابوه... وعزيزتي هو صادق وش يسوي بابوه الشايب يرميه في الشارع ؟ ولا يحبسه بالمجلس ؟ حاولي تستغلين وجود الشايب بكره بعد عمر طويل لما يتوفاه الله بتفقدين قعدته معكم ...

بس انتي هل تقدرين تقنعين زوجك يحاول يرتب البيت يعني يضيف كم اضافة في البنيان؟؟ يعني يخلي السلم يطلعك على الحوش مايطلعك على الصالة عشان لابغيتي تطلعين وكانو جالسين في الصالة ماتنحبسين ... وكذلك المطبخ هل في امكانية تحاولين تعزلين الصالة وتخلينها غرفة منفصلة بحيث تروحين وتجين علمطبخ من غير ماتضطرين تمرين علصالة ؟؟ حاولي تحلين الموضوع بطريقة ماتزعل زوجك ولا تزعل ابوه ... وابوه الله يعطيه طولة العمر ماهو عايش لكم دوم .. خليه يحاول يبره قد مايقدر قبل لايفقده وهذا هو وقته اذا ماشاله وحطه في عيونه الحين متى بيشيل ابوه؟ بالعكس المفروض تعينيه على بر ابوه موتتذمرين من بره له ... تخيلي العكس تخيلي انه ابوك وانه جالس عند واحد من اخوانك وانه زوجة اخوك تتذمر من ابوك وتقول متضايقة من جلسته معهم وودها مايجلس معهم او ودها تقعده بغرفة بعيدة في البيت اكيد بتزعلين ...

وهو لما يجيب اخته متعمد يغيضك ؟ لأ بس عشان ابوه الشايب مايجلس لوحده هذا من خوفه عليه وانتي تعرفين كيف صحة الشيبان ممكن فجأة يتعبون ويموتون ... مرة سمعت عن واحد تخيلي دخلو عليه غرفته لقوه ميت صارله يومين وهو ماهو بذاك الكبر وصحته زينه فكيف لو كان شايب ؟؟ طبعا العالم كلها قامت تسب ابناءه كيف انهم مادرو عن ابوهم ... تخيلي في اليوم اللي راح يجيبك فيه رجلك من اهلك صار لابوه شيء وطاح في البيت ولا أحد حوله او لاسمح الله توفى ؟ العالم بيلومون زوجك وبيدعون عليك وعليه

وانتي حبيبتي حايليه وسايسيه وشوفيه كيف بيتغير .. يعني لما قالك زوجك ابوي الداخل وانتي الطالعة ماكان له داعي تبيني انك زعلتي قولي حبيبي البيت بيت ابوك من غير ماتتكلم وابوك بمقام ابوي وحاطته بعيوني ومايحتاج توصيني بس انا قصدت كيت وكيت ... من هلكلام يعني ... صدقيني كل زوج يحب من حرمته انها تحب اهله وتعاملهم زين ... ولما يشوف منك هلكلام بيرضخ لطلباتك شوي شوي ... وبالنسبة للسفر ليه ماتخذوه معكم ؟؟ او تقولي لزوجك يجيب اخته وزوجها ويجلسون عند الشايب لحد ماترجعون ؟؟ اللي فهمته انه اعتراضه على السفر هو بسبب انه ماوده يخلي ابوه لحاله خايف عليه صح؟ حاولي تقنعيه انه تجي اخته تجلس معاه لبين ماتسافرون وترجعون ...

بس سالفة تجميع الأطفال غريبة؟!هو يحب الأطفال؟؟

الله يعينك
احتسبي الاجر

اختي الكريمة حاولي تتعاملي مع الشايب على انه ابوك
قدري رغباته وطلباته وانه شايب كبير
وتجمايه
وصدقيني
زي ما الحين انتي جالسة تبري في هالشايب ربنا يوم تكبري في السن
يسخرلك من يبر فيكي

الدنيا دوارة

اما عن الخصوصية حاولي تتعودي على ان خصوصيتك في غرفتك
واذا بغيتي الراحة والخصوصية خذي راحتك بغرفتك

صدقيني تنقلب معاملة زوجك180درجة

خذا ابوه ولا في انسان بالدنيا يفضل زوجته على اهله
ولا في انسانة في الدنيا تفضل زوجها على اهلها

بري زوجك في بر ابوه

يابنات أعيد وأكرر أنا مابيني وبين الشايب شي أنا مشكلتي مع الولد..من أول زواجنا وهو يقولي ليه ماتحبين أهلي وأنا مابعد عرفتهم وأول ماجا أبوه عندنا كنا ندور بيت واسع ولما عجزنا ومالقينا في البدايه صار يقولي انتي تتلككين وتتشرطين عشان ماتبين ابوي مع ان ابوه كان موجود عندي بالشقه!! يعني من مصلحتي أطلع من الشقه بسرعه وأوسع على نفسي!!!
زوجي صاير حساس جدا من أي موضوع يخص أهله وأنا والله ماهموني أهله أنا أكلمه في الأشياء اللي تخصني واللي تضيق علي راحتي في بيتي,شي ثاني أنا علاقتي مع أهله سمن على عسل ومابيني وبينهم شي بس الظاهر هو اللي يبي يسوي المشاكل,لما قلت له ماله داعي تنام أختك مع زوجها في بيتي ولازم يحترم خصوصيتي دق عليها وقال والله لقول لها كلامك وانك تطردينها وماتبينها!!! يحاول يشوه صورتي عند أهله بأي طريقه والمشكله انه مايحترم أهلي بغيابهم ويسبهم ويدعي عليهم ومع هذا مافكرت لحظه اني أوصل لهم الكلام لأنه في النهايه ابو عيالي,ولما يقابلهم أنواع النفاق والأدب والذرابه!!!

الله يعينك

صراحه اسلوبه جدا سئ

وكني فهمت طريقة تفكيره

بجد الله يعينك

زوجك عنده خلل في اسلوب تفكيره انتي تحكين شمال وهو يفسر يمين

وهذا اكثر شي يقهر ويرفع الظغط

مدري بايش ممكن افيدك

بس اعتقد المفروض انك تتجاهلييييين الموضوع لفتره واستمري على تعالمك الطيب مع عمك

ومع الايام يمكن هو يزهق ويمل من هذي الحياه

وانتبهي على نفسك من الحمل استخدمي مانع

وموضوع سبه لاهلك لاتسكتييييييييييييين

ترا لما يسب اهلك اعرفي ا اخر حدود الاحترام انتهت