عباتي تاج راسي :

يابنات البنت تقول مشكلتي مع الولد وليست الوالد انتبهو قسم بالله لو منك استانس اولا صرتي في بيت كبير بدل الشقه واستغلي فرصت وجود اضيوف الوالد باي شي رياضه انترنت قراة حفظ قران اي شي اعمال فنيه رسم اشياء كثيره ممكن انك تشغلين نفسك فيها وبعدين زوجك ماشاف الحماس الي ممكن انه يغير نظرته انك ماتبين اهله هم مته يجون المغرب من اول العصر او قبل صلحي الحلى والموالح وحطيها وقدميها كنك تقدمينها الامراء وذا جاء العصر زيني اشاهي والقهوه وعبيها في زمزميات وقبل لا يجون قدميها اذا كان فيه طاولات وكراسي صفيها على الطاوله وذا كان على الارض صفيها على سماط حلو ومرتب وحطي القهوه والشاهي وتوابعها وفناجيل والبالات وحطي حتى المويه ولا وقبل مايروحون بخرهيهم يوم ثاني سوي نفس الحركه وحطي لهم هدايا اشرطه مطويات اي شي يفرح الشيبان حتى لو تهدينهم اشرطة قصائد ترا الشيبان يحبون القصايد والاسواق مليانه مثل هذولي تبين اساميها عطيتك ايها انتي سويها مره وبصم لك على العشره اذا ماشفتي نتيجه في نفس اليوم مااكون انا عباتي تاج راسي ولو يقولك عسى ماضايقتك او شكلك مليتي من الحبسه فوق او من ذا الكلام انتي افردي ابتسامه عريضه الين يطلع ضرس العقل قولي امل ونا انا جالسه انا في بيتي مانب عند احد الله يهديك اذا ابو زوجك ماعنده احد انزلي تنفنجلي انتي وياه فليها معه اقصدي عليه شغلي له اشرطه قصايد حلوه اذا دخل ولقى ابوه فالها والله ان يفلها عاد الله بالاخبار الزينه نحتريك ياحلوه

يابنات البنت تقول مشكلتي مع الولد وليست الوالد انتبهو قسم بالله لو منك استانس اولا صرتي في بيت...

ريا و سكينه :

يختي اعبريه ابوك يا ترا ترضين زوجة اخوك تتضايق من ابوك اتحداء والله لتقومين الدنيا عليها اذا تبين حب زوجك وراحتك معه رحبي بابوه وضيوف ابوه واخذي الي تبينه بهدوا وعقلانيه ومحبه وشكل زوجك يحب اهله ومن حقه الي مافيه خير باهله مافيه خير فيك وحاولي تسوين لك كونتر فوق حطي فيه غلاية وثلاجه صغير وعين غاز الصغار واذا جعتي سوي لك خفايف وشاي وحطي تلفزيون وقوليله كذا احسن عشان لو جعت ما ازعج عمي اخر اليل يكون اقرب لنا وخذي منه كل الي تبينه بالحبي بالهدوا والتفاهم وبعقل مو صراخ طفشت زهقت ابي استقلاليه تراك بتزيدين المشكله نسيت اقولك صديقتي ابوها كان عند واحد من اوانها وكانت تتشكا وتبين له انها متضايقه وراح عند الثاني ورحبة فيه زوجة ولده وانبسط عندهم والله ان الاول من مشكله لمشكله و زوجته كل يوم بمرض ومن طلع من بيتهم الشايب وهم في دين والثاني الي عاش عندهم ومبسوط في خير ورخاء وما اثر عليهم يروحون ويسافرون ويتمشون والشايب مبسوط الجماعه يجونه والشيبان عنده والله والله والله انه يدخلون عنده بالصاله زيك وانها تروح تركض فوق لين يروحون وما ضرها الا اكسبت حب زوجها وحب خوات زوجها وحب الشايب والناس كلهم يمدحون فيها وعيالها يحترمونها لانهم شافو امهم تحترم ابوهم و جدهم ودايم توددي لشايب وقوليله عمي فلان ما يبي يودينى نتمشاء قوله الله يخليك وصدقيني الشايب هو الي بيقوله تراهم طيبين الشيبان فديتهم

يختي اعبريه ابوك يا ترا ترضين زوجة اخوك تتضايق من ابوك اتحداء والله لتقومين الدنيا عليها اذا...