هلا قلبي..

تبين الصراحة..قصتك غامضة شوي..

هل سافر وهو زعلان؟؟

هل كان بينكم شي او توتر جو قبل سفرة؟؟؟

كم لة مسافر؟؟؟

اول ماسافر كيف كانت مكالماتة لك؟؟؟

هل تعاتبية إذا كلمك وهو مسافرأو تشتكين أو تبينين ولهك بزيادة ومبالغة؟؟

أسئلة كثيرة في خاطري..

لأن لو مافية سبب فبكل آسف أقول أنتبهي لزوجك..

جاوبي على أسئلتي ولي رجعــــــة.

هل سافر وهو زعلان؟؟
لا ابدا
هل كان بينكم شي او توتر جو قبل سفرة؟؟؟
لا ابدا
كم لة مسافر؟؟؟
ثلاثة اشهر
اول ماسافر كيف كانت مكالماتة لك؟؟؟
كان مضايق بسبب البعد والوحدة
هل تعاتبية إذا كلمك وهو مسافرأو تشتكين أو تبينين ولهك بزيادة ومبالغة؟؟
اعاتبة على بعدة ايه اشتكي من الوظيفة الأولاد احيانا اسلوبة معي وابين له الوله والأشواق بس مودائما
واذا عندك اي اسئلة انا مستعدة لأني بصراحة تعبت
آخرها اليوم كلمني ويقول
شوفي طريقة كلامك معي وياليت يصير عندك مسجل علشان تسميعين انتي وش تقولين
وقال اه راح يقول السبب اللي مضايقة مني لكنه متأكد اني ماراح اكلمة ابدا
وطلب مني انتظر لين يرجع بعد اسبوع وراح يقولي
لكن في البداية لازم اتعهدله اني اتحمل اي نتائج متوقعة واتقبلها اي كان نوعها لانه صار مايتحمل وطفح الكيل وانه تحمل بما فية الكفاية
وبعدين يقولي شوفي تصرفاتك معي ومع الأولاد
وانت كل شيء تهتمين فيه حولي الا انا
بالله وش رايكم
ارجوكم لا تطنشون احس رأس بينفجر

سلامتك عيني..وسعي صدرك..
الرجال كلهم كذا وطبعهم واحد..
أعذرية حالياً لحد ماتعرفي وش حكايتة..
أتمنى ألقى عحل جذري ويريحك ويسعدك..
لكن شوفي..هو في غربة..ويتعرض لمواقف من مشاكل وإثارة وغيرة......
فتقدرين تريحينة وتعمينة عن غيرك بأسلوبك في الحوار معة حتى لو ماكنتي معة..
من الآن..
إذا كلمتية لاتشتكين وتذكرين لة مشاكلك ومشاكل العيال والأهل وغيرة..
تحملي الآن لأنة في غربة وتعب مو ناقصة مكالمة ترفع ضغطة..
وخليكِ أكرم منة بطيبك وصبرك وأخلاقك..
هلي بة وقولي أشتقت لك وستوب..سولفي بأشياء توسع الصدر..
شوفي السوالف اللي كان يحبها عيديها أو ذكريه بهايمكن يروق أو يحن قلبة عليك..
خلي مكالمتك معة كلها ضحك ونكت ومزح ..
تدلعي وأمزحي وأثيرية بأنوثتك وسوالفك..مو تمرضينه بمشاكلك..
ولو هدد قولي الله يهديك..الله يسامحك..
قولي لية ياقلبي وش فيك عليّ..تعوذ من أبليس وش هالحكي ..
ومن هالكلام..
بس لاتسألينة وش اللي تبي أسوي وش يعجبك وش تحب وش تكرة..
لاتحسسينة إنك تبين ترضينة وهو يلومك ويعاتبك ويهددك..
مو بالضرورة تلبي طلبة وتشوفي وش يحب بالضبط..
أنتِ مرأة وعارفة الرجال وش يحب وش يكرة..
فخليكِ واثقة من نفسك وخلي كل شي مفاجأة لة..
بس غيري شكلك بشكل جذري..
ولو رجع لاتفاتحينة بأي موضوع أو تعاتبية على كلامة..
خلي الأمر يمشي طبيعي..
وتعاملي معه بمحبة لكن لاترمين نفسك علية بزيادة..
كوني واثقة من نفسك حتى تستمدي القوة لمجابهتة والتعامل معة..
لكن خوفك وقلقك وتوترك يخلق منك إنسانة ضعيفة قلقة هشة..
وتنعكس على أخلاقك وتعاملك و حياتك مع زوجك..
وعليك بالدعاء كل يوم وكل لحظة وربي أكرم الأكرمين..

الله معك.

كثري الدعاء.. وانا انشالله بدعيلك كمان في صلاتي :27: :26:

يا اختي اذا عرف السبب بطل العجب
لا تلومينه وانتي كل ما كلمتيه تشكيله من الوظيفه والعيال
هذا مهو اسلوب صراحه المفروض تقوليله احنا في اتم نعمه ولله الحمد ومشتاقين لك ومن هالكلام اللي تعرفيه
اكيد راح يمل من اسلوبك وانا اسفه بس لخوفي عليك واعذريني بس كل ما يشوف رقمك اكيد ما راح يجي في باله الا الشكاوي وانا اسفه للمره الثانيه
اذا رجع ومر يومين تقريبا فضفضيله بعد ما يلاقي منك الترحيب والمفاجاة اللي محضرتها له وتغيرك انتي الجذري راح يكون افضل مثلا لا تكثري من قمصان البيت ترى الرجال يكرهونها حتى لو معطره البسي له احسن الملابس ولا حق الناس اولى من حق زوجك عليك والمكياج طبعا خفيف بس اللي يبرز جمالك بدون تثقيل
والعيال مرتبتهم بس انتي نظمي وقتك عشان تلحقي على كل هذا
وبما انك موظفه استغليها واعزميه على مطعم راقي
هذا كله طبعا بعد الدعاااااااااااااااااء لانه الاساس باذن الله
واسفه على الاطاله

:17: