السلام عليكم
السالفة ومافيها بدت يوم الخميس رحت انا وياه السوق
عشان اشتري لولدي الصغير سرير ومو غالي ماتعدي 250علشان ماتقولون مرهق ماليا مع انة العكس مرتااااااح جداااا المهم قلت له ابي شغله وناضرني نظرة :mad:يمممممه ونفخ قال ايش احس انك تستغليني
معقووولة الشي هاذا مااشتريتة من حوالي 3سنوات مع انه المفروض اشترية كل 3شهور المهم سكت وعديتها وماشريت شي طبعا ورحنا البيت قال وشرايكم نطلع انبسطت لانة هو الي اقترح وقلت للعيال
وراحو يلبسون شوي الا وقال مشغول قلت جعل فيها خيرة اصلا بيغثنا في الروحة وانا متعودة على كذا
والله اني اكون لابسة عباتي واحيانا راكبة في السيارة ويقول انزلو واقول جعل فيها خيرة لانه اذا مو مهتوي اكيد بينكد علينا نزلنا والعيال يتحلطمون
المهم يوم جت الساعة 10 دق على وقال بجي اخدكم انا مو متحمسة لان عندي شغل بس قلت يالله عشان العيال حرام اكون السبب يالله
واقوم البس وطلعت دخل الحوش وكان ماوده نروح وشاف على عباتي قال ترا بنمشي يبيني اهون انا عاد انبسطت لاني بادية دايت:7_5_131: وقلت يالله واروح البس شرابي عند درج الفلة (ضاااااقت استاهل)واهو وولدي يلعبون كورة بالحوش
شوي الاوتجيني شوتة على كتفي منة كملت لبس الاوالشوتة الثانية على راسي منوراي وعلى الرقبة كانت على غفلة لاني ماتوقعت يرميها مره ثانية :eek:
والله يابنات ماحسيت بنفسي الاوانا رايحة وطايحة على سريري بعبايتي رقبتي تنتقني وراسي احس فية بثقل عاد انا فيني صداع قوي بالراس وشخصوة انه ارتفاع بضغط المخ وتوني متعافية
والله يابنات اني اقول بقوم بس مادريت الاببنتي تقول يمة قومي تعشي الساعة12 اثارية راح فيهم وجو
وانا راحت علي نومة بس فيني صداع قوي ورقبتي تنمل وفيني حراره تخيلو المهم قلت ودني المستشفي قال مافيك الا العافية اذا قمتي بكره وانتي تعبانة وديتك واهو ينفخ
والله مالحقني يوم رماني بالكورة الا ان كاني ماحسيت فية بس مااظن المهم رحت الغرفة اكمل النومة الا ويجي يتريق بكلام سخيف يالزعول يالكلبة وسماجة :09:
المهم قرب مني وغفص رقبتي وقال هذا يوجعك والله من دون مااحس صرخت مدري الم والاشرهه والازعل المهم تفل في وجهي معقولة وش سويت علشان تتفل مهوب صاحي بكل بساطة كانة مجهزها
المهم نمت وقمت الصباح واكلت 2بندول وصحصحت ولاكلمني ولا قالي شي طلع بعد العصر
وتركبني الحراره وعظامي كلها توجعني والله مادري وش جاني انتفض المهم كلمتة وقلت ودني المستشفي قام يدعي على جعلك للمرض وجعلك ماتطيبين قلت مشكووور وباتصل بخوي
وسكرت اتصلت وماقصر جاني ووداني حرارتي 39 وكشف الدكتور قالي الضربة اثرت فيك بس بداية التهاب
كتب لي مضاد ودعامة للرقبة وعصاروعطاني فولتارين الحمد لله خفت الحرارة
المهم الاخ في الله زوجي منتفخ ومايكلمني كني انا الي طاقتة
ولة يومين مايكلمني وينفخ ومقابل النت على مقاطع رقص والا تعري في اليوتيوب ومواقع دردشة وكام كنه ماصدق حاولت اكلمه في الموضوع مره وسفهني قلت يابنت اسفهي البادي اظلم لان الحق لي مو على والا انا غلطانة هاذي السالفة عندكم وقولو من الحق علية ولو كنتي مكاني من البداية وش بتسويين ومشكورة مقدما:26::26::26:
تم التعديل لاسباب امنية هههه
راما وحياتي دراما @rama_ohyaty_drama
عضوة جديدة
يلزم عليك تسجيل الدخول أولًا لكتابة تعليق.
هههههه ياحبيلكم وسعتو صدري اشو كنت اقول يمكني انا الغلطانة المفروض اقول عادي ماتعرف تلعب كورة ولا لا اخاف بعد يزعل المفروض اقول يمكن انك حاط باب الفلة المرمي وانا الملقوفة قعدت فية مع انة على جنب مو قدامة
الصفحة الأخيرة
ايش هالحقاره ولا بعد يتفل بوجهك
خيررررررررررررررررررررررررر ان شاء الله
لو فعلا غلطانه ممكن نقول تستاهلين بس بعد ماله يمد يده او يشوت الكوره عليك
جد قهرررني تصرفه