السلام عليكم
ابي حل للموضوع زوجي يبي ياخذ اهله معنا بالسفرة خواته وامه واخوانه وهو بيتكفل باغلب المصاريف !!! على قولته يبي يبسطهم والسفرة مو لدول الخليج لا برا يعني الموضوع بيكلف ماديا ونفسيا انا رايحة ابي انبسط بلحالي واستجمام مو يشيل معي حمولة كاملة نفسيتي تعبانة من عقمه ومتحمله كلام الناس وشوقي للامومة عشان خاطره ولما اقترحت عليه نسافر تغيير للجو قبل ما نسوي عمليته وعملية اطفال الانابيب لي عصب وزعل يبي اهله معنا !! محسسني اننا بنروح لابها مو لدولة خارجية ! والمشكلة يا ناس حموووولتي علاقتهم فيني سطحية يعاملوني برسمية ولي مواقف تجرررح منهم بس اسكت واكتم الموضوع وش اسوي وش الحل الفلوس انا وياه اولى فيهم مو ساكنين مع اهله وضيق ومتحمله عشان العملية وبالنهاية يبي يتجمل ويكرمهم بسفرة خارجية وينقص علي من جهه
لييييييه الحرمه تتحمل حمولتها وهو اهلي ما يزروهم الا بالمناسبات ولا مره تجمل وعزمهم عنده
تكفون ابي حلول مابي فلوسنا تضيع على شي ماهو ملزوم فيه
غـيوم @ghyom_24
محررة ماسية
يلزم عليك تسجيل الدخول أولًا لكتابة تعليق.
مناريتا
•
الله يعينك اذا مصمم خليه يروح معاهم وانتي اجلسي عند اهلك انبسطي معاهم الين مايجي انا عن نفسي ماحب اهل زوجي وأخواته معايا بالسفريات عندي اجلس في بيتي ولا اروح معاهم
لحول والله شي يقهر ..الله يعينك عالعموم انتي حاولي تجينه وقت ماهو رايق وتكلمينه تقولين له انا نفسيتي تعبانه ومحتاجه اكون انا معاك بلحلنا ناخذ راحتنا ماقترحت عليك السفر الت عشان انبسط معاك واهلك ناخذهم مره ثانيه او اي دوله انتي شوفي وش يحب وتكلمي معاه بطريقتك
غـيوم
•
انا زوجي عنده فلوس السفرة لي وله تكفينا بس ماتكفي عايلة من 9 افراد وفلوس الانابيب
صارلنا فوق السنة نجمع فيهم
وانا ما بغيت السفر الا ان نفسيتي منهاااره ابي شي يغير جوووي
صارلنا فوق السنة نجمع فيهم
وانا ما بغيت السفر الا ان نفسيتي منهاااره ابي شي يغير جوووي
أحلام 22
•
أهله وكثر الله خيره وجزاه الله خير بيسفر اهله من جيبه مهوب من جيبك كل واحد حر بفلوسه وهذولا اهله وبار فيهم وانتي تقولين كفايه متحمله عقمه ليه شايفه انتي اي واحد عقيم لازم يصير ملك لزوجته ترى هو انسان حر بنفسه واهله الدين الاسلامي يأمره بالبر بهم ووصلهم بدال م تنبسطين ان زوجك فيه خير لاهله تزعلين وتعايرين زوجك بعقمه اذا السفره من جيبك صحيح ماله حق يسفر أهله والزوج مهوب مجبور ب اهل الزوجه ولا الزوجه مجبوره ب اهل الزوج بس التعامل مع اهالي الزوجين يكون ب احترام وكل واحد حر ب اهله انتي بتسفرين اهلك من جيبك حره زوجك بيسفر اهله من جيبه حر بس الزوجه تنسى نفسها وتعامل الزوج زي البزر روح تعالي لاتعطي لاتجيب والله م احد يتحمل ان كان زوج او زوجه احد يتحكم فيه
الصفحة الأخيرة