زوجي يتجاهلني بعد زواجه

السلام عليكم حبيباتي
طبعا انا من كم شهر نزلت لكم قصة زواج زوجي الغير مبرر بأرمله كبيره
المهم تزوج شهر عشره وولدت بشهر١١ وجلست عند اهلي مدة نفاسي وهو سافر عشان دوامه وصار له ثلاث شهور معها هي وعيالها وانا عند اهلي عشان بنتي عندها موعد لراسها ولازم نفس المستشفى اللي جبتها فيه ويقول اذا خلصتي الموعد بحجز لك وتجين وخلصنا مواعيد البنت الله يعطي اهلي كل خير قاموا فيني من حملي لولادتي وفي مواعيد بناتي وهو قايم في اولاد الناس المهم جاء قبل يجي موعد البنت اخذ ولدي بالقوه من دون علمي حتى ملابسه م اخذها قال بينام معي عند اخته واثاريه يكذب سافر فيه اليوم الثاني قال ماعليك بريحك منه لين تجين
حركته مره بايخه والناس نقدوا عليه ذالشي
المهم اللي يقهرني يتجاهل رسايلي ارسل يقراها ولا يرد اسولف معه يطنش انقهرت وقلت بطنشه م برسله حتى اذا جيت ابسأل عن شي ضروري يالله يرد وكلمه ورد غطاها واحس يستقعد لي اذا سويت شي ولا ارسلت اسأل عن ولدي يهاوش والحين انتظره يحجز ولا طراله ولا قالي شي وسالته قال مع الراتب تحسسون بارد جيت م جيت مافرقت معه ولا فرق معه يلم عياله وهو جالس مع عيال مرته
واذا دقيت عليه م يكلمني يعطيني ولدي ع طول
ويدق بعد اسبوع يسأل عن البنات ويقفل بسس
زوجي مرره شخصيته ضعيفه وأي احد يأثر فيه
جديا بدت نفسي تعز علي م احب احد يحتقرني ويحسسني اني بموت من دونه واني ولا شي عنده
هو قريبي للاسف والله افكر انفصل اقول م بخسر شي😭