زوجي يتسلف مني.. أبغى أعوده انه يعطيني مصروف بدل ما يآخذ مني

السلام عليكم حبيباتي.. اتمنى الجميع بخير
مشكلتي باختصار إن زوجي ما يعطيني مصروف غير الأكل والشرب والسكن والجوال وبس
هو طيب بس ما يعطيني فلوس ولا يعطيني حق هدايا للمجاملات أو فلوس عشان اتسوق واشتري لبس ومكياج وعطور.. ولا له بالهدايا والآن مر على زواجنا سنة وشهور.. وقد فاتحته في الموضوع.. بس هو ظروفه مش ولا بد.. بس صدقوني.. إذا جوا أصحابه يتكلف وماعنده مشكلة.. شي ثاني.. أنا اشتغل شغل خاص وألم القرش على القرش.. وفي الإجازة مافي شغل.. وأصرف على نفسي من شغلي.. بس زوجي الله يهديه يتسلف مني ولا يرد لي السلف.. الآن هو متسلف مني حوالي 15 ألف.. وأعرفه 90% مارح يردهم.. ووالله أهلي أحوج منه بهالفلوس.. المهم.. أبغى أسكر هالباب من غير ما أجرحه.. أحيانا أقول أبطل اشتغل.. بس أقول بعدين من فين رح أصرف.. نفسي أعدل من وضعي ويصير لي مصروف.. خصوصا إني ممكن اترك الشغل في أي لحظه.. والله أعرف إن ابنك على ماتربيه وزوجك على ما تعوديه وأمي أكبر مثال قدامي وما أبغى أصير نسخة منها.. بس أبغى مساعدتكم لا هنتوا.