السلام عليكم ورحمه الله وبركاته
خواتي في عندي مشكله :) صراحه مو عارفه شلون اشرحها لكم ولكني راح احاول
الحين انا زوجي الله يحفظه ويخليه لي مجال عمله يتطلب اختلاط و روحه و رده مع بنات و غيره و اتصالات و خرابيط كثيره مع البنات هذيل و كونه ماسك منصب مهم فاشكال من الحريم و البنات تدخل و تطلع عليه .
المهم يالي خبر من وحده زميله له في نفس مجال عمله قالت لي بالحرف الواحد . ان في وحده تدق على زوجج و انها من النوع ( المنحل ) و فصعه و لبسها و طريقتها و حاطه عينها على زوجج و وصفت البنت لي : وقالت لي اسمها و وين تشتغل و لبسها انها من النوع اللي يلبس قصير
و قالت لي : ان زوجي مره مدح لها جسم البنت هذه ان جسمها صاروخ و كأنها عارضه ازياء و ان ام البنت لبنانيه .
انا سكت ما تكلمت ولا رديت عليها بس سمعت منها الكلام و انصدمت من الخرعه !!
و قالت لي عن وحده ثاني : مشتريه حق زوجي تذكره سفر حق لندن ( تبي تعطيها هديه له ) عشان يغير جو في لندن ؟؟ ( انا اهني ما قدرت اتحمل ) و قالت لي اسم الحرمه هذه و انا اعرف الحرمه هذه بس هي ما تعرفني وهي اكبر من زوجي بكم سنه و دكتوره و محترمه ومن النوع الثقيل بس ما توقعت منها الحركه هذه !!
انا ادري ان زوجي حيل حيل متساهل مع الحريم ويضحك معاهم بسبب ومن غير سبب و انه يخليهم يتجرأون عليه بالكلام و يخليهم يحسون انهم مهمين عنده !! واكثر من مره اقول له يا مبارك لا تتباسط مع الحريم ؟ لا تتكلم معاهم بالشكل هذا لان الحرمه بسرعه تتأثر بالكلام !!
يقول لازم اجامل و لازم اتكلم جذي هذا المجتمع اللي حنا فيه ؟؟ ومن الكلام المليق هذا
مع ان زوجي قبلي ويحب الحرمه المحترمه الثقيله ويحب الستر و الحرمه المستوره بس انا انصدمت فيه !! شقوله هذا ؟؟؟
امس مسكته وقلت له : الشيخ اللي في السعوديه اللي يطلع على ام بي سي يقول حرام الرجال يتباسط بالكلام مع الحريم الثانييين و يتكلم معاهم بالتلفون ( طبعاً انا كذابه الرجال ما قال شي ) بس انا قلت خليني اخوفه شوي !! خاصه اني اعرف رجلي من النوع اللي يخاف لما تذكرينه بالحلال و الحرام و دائما ينسى ( يا الله على الانسان شكثر ينسى حلاله من حرامه )
المهم :
الحين شنو اسوي معاه !!
لا تقولين لبسي و تعدلي وكشخي !!
امس من حرتي طلعت اقصر تنوره عندي و كعب اثنين متر و بدي قلت البسهم عشان اترس عينيه و الله جسمي زين و دائما يقول لي ما شفت وحده بجمالج ،، بس ليش يمدح البنت هذيج !! و يطالع جسمها بالطريقه هذه ؟؟
ابي شغله اقولها له تخوفه ؟ ابي شغله اقولها له تحسسه انه عيب عليه يتباسط بالكلام مع الغير
و الله يا بنات مره رفيجه لي ( صديقتي ) تعلقت بزوجي بس من التلفون !! و راحت تبي تشرب بمكتبه قهوة ؟؟ و تقعد تسولف معاه لدرجه ان زوجي انحرج و دق لي تلفون يقول ( رفيجتج فلانه ) عندي في المكتب عازمه نفسها على قهوة !!
انا ما الوم البنت ،، و الله اني ما الوم البنت انا الوم زوجي اللي متعود يخاطب الحريم بسهوله و بكل راحه من غير خوف او مستحى
شسوي ؟؟
حبيبة مبارك @hbyb_mbark
محررة برونزية
يلزم عليك تسجيل الدخول أولًا لكتابة تعليق.
نظرة غموض ..
•
انا زوجي نفس الحكايه منصبه يتطلب منه يتكلم مع البنات بس صراحه عمري ما فكرت بدقه في الموضوع ممكن لأنه محد نبهني بتصرفات له مثلك انا ما جاء احد قالي شئ عنه وهو من النوع المتباسط لأبعد الحدود يحب المزح دايما لما يكون بالبيت تجيه ارقام وما يرد عليها ولما يكون بالعمل مافي رقم يطنشه ممكن الي مخليني متهاونه في الموضوع اني اعرف انهيحبني وانه شخص ما يضيع صلاته صحيح الشيطان شاطر لكن ما ابي اتعب نفسي بهذي المواضيع وانكد عليه عيشته وعيشتي خليني مشغوله بنفسي احلى
انا زوجي نفس الحكايه منصبه يتطلب منه يتكلم مع البنات بس صراحه عمري ما فكرت بدقه في الموضوع ممكن لأنه محد نبهني بتصرفات له مثلك انا ما جاء احد قالي شئ عنه وهو من النوع المتباسط لأبعد الحدود يحب المزح دايما لما يكون بالبيت تجيه ارقام وما يرد عليها ولما يكون بالعمل مافي رقم يطنشه ممكن الي مخليني متهاونه في الموضوع اني اعرف انهيحبني وانه شخص ما يضيع صلاته صحيح الشيطان شاطر لكن ما ابي اتعب نفسي بهذي المواضيع وانكد عليه عيشته وعيشتي خليني مشغوله بنفسي احلىانا زوجي نفس الحكايه منصبه يتطلب منه يتكلم مع البنات بس صراحه عمري ما فكرت بدقه في الموضوع ممكن...
والله شنو اقول لج ؟؟ شفت مسج في تلفونه عن وحده معطيته هديه كتاب
ومطرشه له رساله تقول شرايك في الكتاب ؟ ان شاء الله عجبك ترا هذا آخر شي نزل السوق !!
مع ان زوجي ما يقرا و ما عنده وقت انه يقرا ..
سكت ودقيت على المكتب كلمت هناك الفراش : قلت له في اليوم وحده جت المكتب !!
قال لي : لا
عرفت ان زوجي شايفها بالخارج و ماخذ منها الهديه !!
لما سألته منو هذه ؟ قال هذه من اهلي تصير من اهل ابوه من صوب اعمامه ( انا خو ما عرفهم لاني غريبه ) سكت و انطميت .
و اشوف رقم الاخت يتكرر و انا ساكته و كان مخزن رقمها ( باسمها ) بعدين فجأه لقيت رقمها انمسح
ولما سألته رقم : فلانه وين ؟؟
قال مسحته .
شرد عليه هذا !!!
ومطرشه له رساله تقول شرايك في الكتاب ؟ ان شاء الله عجبك ترا هذا آخر شي نزل السوق !!
مع ان زوجي ما يقرا و ما عنده وقت انه يقرا ..
سكت ودقيت على المكتب كلمت هناك الفراش : قلت له في اليوم وحده جت المكتب !!
قال لي : لا
عرفت ان زوجي شايفها بالخارج و ماخذ منها الهديه !!
لما سألته منو هذه ؟ قال هذه من اهلي تصير من اهل ابوه من صوب اعمامه ( انا خو ما عرفهم لاني غريبه ) سكت و انطميت .
و اشوف رقم الاخت يتكرر و انا ساكته و كان مخزن رقمها ( باسمها ) بعدين فجأه لقيت رقمها انمسح
ولما سألته رقم : فلانه وين ؟؟
قال مسحته .
شرد عليه هذا !!!
تدري انا ان لا قدر الله لقيت شئ عليه مثل كذا ما اعديها عليه مرور الكرام بحاسبه وبحاسبه وبحاسبه عشان لا يفكر اني مغفله ويتمادى بتصرفاته واجهيه بالحقيقه وقولي له على الي شفتيه عليه خليه يوضح لكي مبررات او اسباب للتصرفات هذي
تدري انا ان لا قدر الله لقيت شئ عليه مثل كذا ما اعديها عليه مرور الكرام بحاسبه وبحاسبه وبحاسبه عشان لا يفكر اني مغفله ويتمادى بتصرفاته واجهيه بالحقيقه وقولي له على الي شفتيه عليه خليه يوضح لكي مبررات او اسباب للتصرفات هذيتدري انا ان لا قدر الله لقيت شئ عليه مثل كذا ما اعديها عليه مرور الكرام بحاسبه وبحاسبه وبحاسبه...
ما اقدر اقول له ان زميله له فتنت عليه اخاف يزعل منها :(
وسالفه المسج انا ما مشيتها قلت له علي المسج و رد علي : هذه مسكينه عندها ولد و مطلقه و حالتها حاله و افكارج السودا شيليها :( :(
وسالفه المسج انا ما مشيتها قلت له علي المسج و رد علي : هذه مسكينه عندها ولد و مطلقه و حالتها حاله و افكارج السودا شيليها :( :(
الصفحة الأخيرة