زوجي يتلقف على صفحاتي في النت...يعصبني..و انتوا ؟؟؟

السلام عليكم
يا بنات ابغى اعرف ايش تتصرفوا في الموقف دا و هل بيصير لكم و لا لا
انا دايما ادخل دا المنتدى و ادخل قسم الحياة الاسرية
و طبعا انتوا عارفين المشاكل اللي فيه
كله اما وحدة تشتكي من زوجها..من اهل زوجها..زوجها اتزوج..زوجها يسافر..الخ
و طبعا اكتر المواضيع اللي افتحها ماااااااااا ينفع زوجي يقرأها معايا ... ماااااااااا ينفع
كذا مرة يدخل عليا الغرفة و اكون فاتحة كذا موضوع
ما الاقيه الا زي الصاروخ جنبي يقعد يبغى يقرأ المواضيع اللي فتحتها
و الله يقهرني
اقول له يا هووووو يا نااااااااس هوة مافي خصوصية ؟؟؟؟
يقوللي ايش يعني؟؟ عادي
و احيانا مثلاعندي مشكلة في جسمي او شكلي او شي فية

و ابحث عن حل له في النت
ما الاقيه الا يبغى يقرأ
طيب انا ما ابغاه يحس ان في شي مو عاجبني في نفسي
و ما ابغى افتح عينه على عيب فية هوة مو منتبه له
و زي كدة مواقف تصير معايا مع زوجي
الصراحة يانقهر و اعصب
لازم في شي اسمه خصوصية
و لا تخيلوا اكون بأرد على موضوع وحدة تشتكي من زوجها يقوم زوجي يقرأ ردي
ترى مررررررة حركة بايخة و مالها داعي

و لا انتوا ايش رأيكم

زوجي طول وقته في البيت
ما يخرج
ما اقدر استناه يطلع من البيت و بعدين ادخل النت..لانه ما يخرج اساسا الا اوقات الصلاة
هوة يكون مشغول في غرفة المكتبة حقته.. لكن فجأة الاقيه جاني
و اللي يقهرني اكتر اسلوبه استفزازي لما يبغة يشوف الصفحات اللي فتحتها
و احيانا اقول له ما ابغاك تقرأ يقوم يلح إلين يقرأ..اقوله خلاص ارتحت..و انا مقهوووووووورة
و هوة يضحك: عادي عادي
بس انا بالنسبة لي مووووووووو عااااااااادي
هاذي خصوصيااااااااااااااااااتي
خاصة لو كنت ابحث عن حل ما لشي فية أنا
قهررررررررررررر
و اللي قالت انه امكن شكااك
لا هوة مو شك لكن لقاااااااااافة يبغى يعرف ايش بيدور في راسي ..ايش بأقرأ..ايش المواضيع اللي ابحث عنها..
يا نااااااااس من ابسط حقوقي اني احتفظ بما يدور في رأسي لنفسي..صح و لا لا؟؟