زوجي يتهرب مني !!ما الحل؟؟

مرحبا اخواتي......اتمنى انكم كلكم بخير....
انا توني عروس جديدة.....وفعلا اعاني من عدة مشاكل لا اعرف كيف احلها....فامي كبيرة في السن ولا تقدم لي النصيحة...وصديقاتي مو متزوجين فما يفهمون شي في هالسوالف...اتمنى اجد عندكم الحل....

انا اشتغل الصبح...وزوجي شغله ثلاثة ايام في الاسبوع بس ويقدر ياخذ اجازة متى يحب...فاغلب الاحيان في ايام الاسبوع العادية....انا لازم انام من وقت عشان الشغل...يعني على الساعة 12 أو 11ونص بالليل..وزوجي طبعا ماعنده شغل ثاني يوم....فيطلع عني بالليل عشان يروح لربعه...ويرجع الساعة ثلاث بالليل...والبيت الي احنا فيه مافيه غير انا واخته والخادمة...
طبعا ازعل منه واقوله اني ماعرف انام بدونه...يزعل مني ويقول انه يتملل عشان ماعنده شغل ومابينام شيسوي يظل في البيت؟؟؟
والقهر..احيانا بعد ما نتعشى الساعة عشر أو عشؤ ونص بالليل..يستعد عشان يروح لربعه...احيانا ابي اتقرب منه أو اتلع عليه..يعني..ماعرف والله شاقول...يعني ابي حقوقي الزوجية معاه..(اتمنى فهمتو شنو اقصد)...يقول عني انا مستعجل ومابتأخر ..اذا رجعت يصير خير..:29:........يقول لي مابتأخر ويطلع عني بسرعة كأن ربعه بيطيرون....وتصدقون انه مارجع من وقت مثل ماوعدني...وظليت انتظره لين الساعة ثلاث بالليل وانا عندي شغل..وكنت زعلانة منه حيل..وقلت له اذا ما قدرت ترجع من وقت ليه ما اتصلت تخبرني..قال لي انتي الغلطانة شفتيني تأخرت نمتي...
المهم ولحظتها يحاول يتودد لي وغيرها وانا تعبانة خلاص لازم انام عشان الدوام....وابتعدت عنه..فقال لي ليه تبتعدين ..فقلت له تعبانة ابي انام..
المشكلة ان احنا لسا عروسين جداد..وكرر هذا الموقف اكثر من مرة...لما اتودد له ...احيانا يصدني ويفضل الخروج من اشباع رغباتي..مع اني اتزين له واتفنن في الحركات وغيرها...ولكن...:44:


ارجووووووووووكم ساعدوني ......عطوني الحل.....
انا عندي مشاكل ثانية معاه...بقولها المرة الجاية........