زوجي يتهرب مني ؟! والحل

السلام عليكم
انا في حيره من امري اخاف اقبل ع امر يخرب علي حياتي
انا زوجه ثانيه لاكن لاحس الحب من زوجي فالحقيقه
احسه يحب زوجته الاولى اكثر مع العلم اني انا وزوجته الاولى اصحاب ماشاءالله الحمدلله يارب
وانا مو مقهوره منها بالعكس الله يزيدها من حبه
بس انا بعد زوجه واحسس اتمنى انه يحبني ويحترمني

اليوم جا عندي لانه يومي اول ماجا طلع بعدين شرب فنجالين قهوه معاي بعدين راح نام احسه يتهرب مني ومايبغى يجلس معاي ..
ومادريت الا هو يقول شكلي بروح اتقهوى مع اخوان زوجته الاولى ! مع العلم انها عندهم اليوم


قلت طيب تقهوى معاي انا قال اانا ودس اطلع احس اني ودي اغير جو قلت طيب نطلع انا وانت نغير جو قال مافيني والله اروح بعيد سكت
بعدين قلت انت قصدك بتروح لفلانه ؟ قال ايه واذا بروح لها يعني ماقدرني حتى فالبدايه زعلت ورحت عنه لعرفه لحالي بعدين فكرت قلت بكرا يكربني الغلط
هو طبعه كذا يغلططك بس مايطلع غلطان


رجعت لصاله وصلحت نسكافيه واخذت كتاب وجلست اقرا وهو اتصل عليها قالت اخواني مو فيه واتصل ع واحد من اخوانها وصرفه المهم هو جالس لحاله وانا جالسه اقرا كتاب


ودي اضحك معاه واسولف بس هو صاد عني ادري راح يحس الجلسه معاي كئيبه بس ايش اسوي صعبه علي اني اروح له وهو يور الهروب مني
اكتفيت بالسكوت والقراءه وبسوي عشاي وبنام


ارجوكم خواتي الحيكمات اعطوني حلول ترضي الله قبل ترضيني لان صعبه الوحده تحش بانها غير محبوبه من زوجها حتى ان تغاضت كثير فالامر حقيقي مولم