زوجي يتهمني بالحقد لأني أجافي أهله ..

شكرا سمو الذوق، على فكرة أنا أهلي ما جرحوا زوجي عشان يعاديهم وما شاف منهم إلا كل خير ..
أتابع ردودكم ..

اختي انتي تعانين مثلي. من فتره قاطعتنهم..زرتهم بالعيد فقط لاجل زوجي

..معنه وربي شاهد الي عانيته منهم شيء ما ينوصف ماقول غير الله على ظالم

انا اقولج فيه اهل زوج..واحد يبعد عنهم احسلهم..بس المشكله هذا ياثر على العلاقه ويا الزوج وايد

عشان جيء ..وافقي..بس خلي علاقتج وياهم رسميه..يعني مثل ضيفه..لا تاخذين وتعطين وايد وياهم

قليلي كلامج وياهم...لا تتكلمين معاهم عن حياتج ولا زوجج....لا تتكلمين باي سوء عنهم جدام زوجج..

زياراتج في اسبوع مره..لا تبنين انج تكرهينهم

ربي يسر امورج

يا اختي اذا السالفه مقتصرة على الزيارات مافيها شي
مجرد هم اكتميه في قلبج لين ما تنتهي ساعات الزيارة
سواءا انتي اللي تزورينهم او هم اللي يزورونج....

وبعدين يا عزيزتي حطي نفسج في مكان زوجج، تخيلي
ان هو اللي ما يبغي يزور أهلج عشان مثلا هم ضايقوه
ووووو......أكيد بتحسين بالحزن وشي طبيعي انج بتتهمينه
انه ما يحب ِأهلج ولا يحاول يضحي عشانج...

وبعدين اختي انتي ما تقدرين تفرضين على شخص معين كيف
يعاملج لأن صعب وايد نغير في طبايع الناس، وبدال ما نحاول
نغير اللي ما يتغير، نحاول نتعلم التعايش ويا كل طبع ما يلاءم
طبعنا، وصدقيني الحياة بتمشي,,,,,

ولا تخلين هالموضوع يكون سبب في جفاف حب ريلج ، مافي
انسان يحب او بيتحمل ان شريك حياته ما يحب أهله، ما تخافين
في يوم من الايام انه يستغل هالنقطة ضدج ويخبرج انه بيدور وحده
ثانية يتزوجها ممكن تحب أهله؟؟؟ لا تقولين ان اهله ما ينحبون لأنه
أكيد ما بيشوف هالشي فيهم....واذا انتي ما عندج الذكاء الكافي او
الأعصاب اللي تتحمل أهله، ممكن وحده ثانيه بتكون أذكى منج في
هالموضوع وساعتها محد بيخسر غيرج انتي

فكري هو ليش دوم في صف أهله؟؟؟ مب عشانه ما يحبج كفايه،
لكن أكيد ما يطلعون جدامه مسألة عدم حبهم أو تقبلهم لج جدامه،
عدم تقبلج وزيارتج لهم لصالحهم ، عشان تبينين دوم انتي الغلطانه..


تعلمي يا عزيزتي تتقبلين الناس على علاتهم وحاولي تتعايشين وياهم،
لأن حياتج ويا زوجج هي المقابل لهالشي

طيب روحي مع التغيير في كل شي يعني خليك رسمية ادخلي
سلام اخباركم اجلسي كنك معزومة ضيفة شنطتك جمبك يادووب الحكي اغلب وقتك
اسكتي لاتعليق هذا افضل حل كلمة ورد غطاها
ارضي زوجك اهم شي ولاتبين لة انك ماتبينهم انا فاهمة قصدك والله بس الرجال
مستحييييييييييل يفهمون دام السالفة بها اهلهم
الله يعينك

ارضي زوجك مهما كانت المشاكل بينكم
ونصيحه
لاتحطين راسك براس اهل الزوج ولاتقولين بنتقم لكرامتي لانك مابتقدرين
لانها امه كل الرجال مستعدين يخسرون زوجاتهم بس امه ترضى عليه
مهما كان زوجك الحين ساكت عن الموضوع لكن سكوته
صمت يسبق العاصفه
عامليهم بما يرضي الله وحطي الله بين عيونك